ನಿಮ್ಮ ಮನೆಯ ಫ್ರಿಡ್ಜ್ನಲ್ಲಿರುವ ಸಾಮಾನ್ಯ ಎಲೆಕೋಸು ಕೇವಲ ಸಾಂಬಾರ್ ಅಥವಾ ಪಲ್ಯಕ್ಕೆ ಮಾತ್ರವಲ್ಲ, ನಿಮ್ಮ ಕೀಲು ನೋವಿಗೆ ಪವರ್ಫುಲ್ ಮೆಡಿಸಿನ್ ಕೂಡ ಹೌದು ಯುರೋಪ್ನಲ್ಲಿ ಶತಮಾನಗಳಿಂದಲೂ ಬಡವರ ಮದ್ದು(Poor man’s poultice) ಎಂದೇ ಕರೆಯಲ್ಪಡುವ ಈ ಕೋಸು ಎಲೆಯ ಚಿಕಿತ್ಸೆಗೆ ಈಗ ಆಧುನಿಕ ವಿಜ್ಞಾನವೂ ಸೈ ಎಂದಿದೆ.
ವಿಜ್ಞಾನ ಏನೆನ್ನುತ್ತದೆ? (Science Behind Cabbage)
ಕೇವಲ ನಂಬಿಕೆಯಲ್ಲ, ಬದಲಾಗಿ ಕ್ಲಿನಿಕಲ್ ಜರ್ನಲ್ ಆಫ್ ಪೇನ್’ನಲ್ಲಿ ಪ್ರಕಟವಾದ ಸಂಶೋಧನೆಯ ಪ್ರಕಾರ, ಮೊಣಕಾಲು ನೋವಿನಿಂದ (Knee Osteoarthritis) ಬಳಲುತ್ತಿರುವವರು ದಿನಕ್ಕೆ 2 ಗಂಟೆಗಳ ಕಾಲ ಕೋಸು ಎಲೆಯನ್ನು ಬಳಸಿದರೆ, ಅವರ ನೋವು ಮ್ಯಾಜಿಕ್ನಂತೆ ಕಡಿಮೆಯಾಗುತ್ತದೆ. ಇದು ಯಾವುದೇ ಅಡ್ಡಪರಿಣಾಮವಿಲ್ಲದ ನೈಸರ್ಗಿಕ ಪೇನ್ ಕಿಲರ್
ಕೋಸು ಎಲೆಯಲ್ಲಿರುವ ಆ ಮ್ಯಾಜಿಕ್ ಅಂಶಗಳೇನು?
ಕೋಸು ಎಲೆಯಲ್ಲಿ ಎರಡು ಪ್ರಮುಖ ಸಂಯುಕ್ತಗಳಿವೆ:
ಗ್ಲುಕೋಸಿನೋಲೇಟ್ಸ್ ಮತ್ತು ಸಲ್ಫೋರಾಫೇನ್: ಇವುಗಳಲ್ಲಿ ಉರಿಯೂತ ವಿರೋಧಿ (Anti-inflammatory) ಗುಣವಿದ್ದು, ಕೀಲುಗಳ ಊತವನ್ನು ಕಡಿಮೆ ಮಾಡುತ್ತದೆ.
ಕಾರ್ಟಿಲೆಜ್ ರಕ್ಷಣೆ: ಸಲ್ಫೋರಾಫೇನ್ ಎಂಬ ಅಂಶವು ಮೂಳೆಗಳ ನಡುವಿನ ಮೆದುವಾದ ಮೃದ್ವಸ್ಥಿಯನ್ನು (Cartilage) ಸವೆಯದಂತೆ ತಡೆಯುತ್ತದೆ.
ಮನೆಯಲ್ಲೇ ಈ ಮದ್ದು ಮಾಡುವುದು ಹೇಗೆ? (ಹಂತ-ಹಂತದ ಮಾಹಿತಿ)
ಇದು ಅತ್ಯಂತ ಸುಲಭ ಮತ್ತು ಖರ್ಚಿಲ್ಲದ ದಾರಿ:
ಹಂತ 1: ತಾಜಾ ಕೋಸು ಎಲೆಗಳನ್ನು ಬಿಡಿಸಿಕೊಳ್ಳಿ.
ಹಂತ 2: ಎಲೆಗಳನ್ನು ನೀರಿನಿಂದ ತೊಳೆದು, ಒಣಗಿಸಿ. ನಂತರ ಚಪಾತಿ ಲಟ್ಟಣಿಗೆಯಿಂದ ಅಥವಾ ಬಾಟಲಿಯಿಂದ ಎಲೆಗಳ ಮೇಲೆ ಲಘುವಾಗಿ ಒತ್ತಿ (ಇದರಿಂದ ಎಲೆಯಲ್ಲಿರುವ ಔಷಧೀಯ ರಸ ಹೊರಬರುತ್ತದೆ).
ಹಂತ 3: ನೋವಿರುವ ಕೀಲುಗಳ ಮೇಲೆ ಈ ಎಲೆಯನ್ನು ಇಟ್ಟು, ಅದರ ಮೇಲೆ ಪ್ಲಾಸ್ಟಿಕ್ ರಾಪರ್ ಅಥವಾ ಶುದ್ಧವಾದ ಬಟ್ಟೆಯಿಂದ ಬ್ಯಾಂಡೇಜ್ನಂತೆ ಕಟ್ಟಿ.
ಹಂತ 4: ಕನಿಷ್ಠ 2 ಗಂಟೆಗಳ ಕಾಲ ಇದನ್ನು ಹಾಗೆಯೇ ಬಿಡಿ. (ಕೆಲವರು ರಾತ್ರಿಯಿಡೀ ಬಿಡುತ್ತಾರೆ, ಇದು ಇನ್ನೂ ಹೆಚ್ಚು ಪರಿಣಾಮಕಾರಿ).
ಯಾರು ಇದನ್ನು ಟ್ರೈ ಮಾಡಬಹುದು?
ದೀರ್ಘಕಾಲದ ಮೊಣಕಾಲು ನೋವಿನಿಂದ ಬಳಲುತ್ತಿರುವವರು.
ಪೇನ್ ಕಿಲರ್ ಮಾತ್ರೆಗಳ ಅಡ್ಡಪರಿಣಾಮಗಳಿಂದ ದೂರವಿರಲು ಬಯಸುವವರು.
ವಯಸ್ಸಾದವರು ಮತ್ತು ಜಿಮ್/ಕ್ರೀಡೆಯಲ್ಲಿ ಕೀಲು ನೋವಿಗೆ ಒಳಗಾದವರು
