ಬಿಎಸ್‌ಎನ್‌ಎಲ್‌ ತನ್ನ ಗ್ರಾಹಕರಿಗಾಗಿ ಹಲವು ಆಕರ್ಷಕ ರೀಚಾರ್ಜ್‌ ಪ್ಲ್ಯಾನ್‌ಗಳನ್ನು ನೀಡುತ್ತಿದೆ. ಇದೀಗ 412 ದಿನಗಳ ವ್ಯಾಲಿಡಿಟಿ ಹೊಂದಿರುವ ದೀರ್ಘಾವಧಿಯ ಪ್ಲ್ಯಾನ್ ಗ್ರಾಹಕರ ಗಮನ ಸೆಳೆಯುತ್ತಿದೆ. ಈ ಪ್ಲ್ಯಾನ್‌ನಲ್ಲಿ ಪ್ರತಿದಿನ 2GB ಡೇಟಾ ಸೇರಿದಂತೆ ಹಲವು ಪ್ರಯೋಜನಗಳು ಸಿಗುತ್ತವೆ.
ಈ ಪ್ಲ್ಯಾನ್‌ನಲ್ಲಿ ಏನೇನು ಸಿಗಲಿದೆ?
ಬಿಎಸ್‌ಎನ್‌ಎಲ್‌ನ ಈ ದೀರ್ಘಾವಧಿಯ ರೀಚಾರ್ಜ್‌ ಪ್ಲ್ಯಾನ್‌ನಲ್ಲಿ ಪ್ರತಿದಿನ 2GB ಡೇಟಾ ಲಭ್ಯವಾಗಲಿದೆ. ಇದರ ಜೊತೆಗೆ ಪ್ರತಿದಿನ 100 SMS ಹಾಗೂ ಎಲ್ಲಾ ನೆಟ್‌ವರ್ಕ್‌ಗಳಿಗೆ ಅನಿಯಮಿತ ಕರೆಗಳ ಸೌಲಭ್ಯವೂ ಸಿಗಲಿದೆ. ಆನ್‌ಲೈನ್‌ ಗೇಮಿಂಗ್‌, ಸಾಮಾಜಿಕ ಜಾಲತಾಣಗಳ ಬಳಕೆ ಸೇರಿದಂತೆ ದಿನನಿತ್ಯದ ಡೇಟಾ ಅಗತ್ಯಗಳಿಗೆ ಈ ಪ್ಲ್ಯಾನ್ ಸಹಕಾರಿಯಾಗಲಿದೆ.
₹2,399ಕ್ಕೆ 412 ದಿನಗಳ ವ್ಯಾಲಿಡಿಟಿ
ಈ ಪ್ಲ್ಯಾನ್‌ನ ಬೆಲೆ ₹2,399. ಸಾಮಾನ್ಯವಾಗಿ ಹಲವು ಟೆಲಿಕಾಂ ಕಂಪನಿಗಳು 365 ದಿನಗಳ ವ್ಯಾಲಿಡಿಟಿಯ ಪ್ಲ್ಯಾನ್‌ಗಳನ್ನು ನೀಡುತ್ತವೆ. ಆದರೆ ಬಿಎಸ್‌ಎನ್‌ಎಲ್‌ 412 ದಿನಗಳ ವ್ಯಾಲಿಡಿಟಿ ನೀಡುತ್ತಿದ್ದು, ಇದರ ಮೂಲಕ ಹೆಚ್ಚುವರಿಯಾಗಿ 47 ದಿನಗಳ ಸೇವೆ ಪಡೆಯಬಹುದಾಗಿದೆ. ಈ ಆಫರ್ ಸೆಪ್ಟೆಂಬರ್‌ 12ರವರೆಗೆ ಲಭ್ಯವಿರಲಿದೆ ಎಂದು ತಿಳಿಸಲಾಗಿದೆ.
₹1ಕ್ಕೆ ಸಿಮ್‌ ಕಾರ್ಡ್‌ ಆಫರ್
ಇದರ ಜೊತೆಗೆ 80ನೇ ಸ್ವಾತಂತ್ರ್ಯ ದಿನಾಚರಣೆ ಹಿನ್ನೆಲೆಯಲ್ಲಿ ಬಿಎಸ್‌ಎನ್‌ಎಲ್‌ ಹೊಸ ಗ್ರಾಹಕರಿಗೆ ವಿಶೇಷ ಆಫರ್ ಘೋಷಿಸಿದೆ. ಇದರಡಿ ಕೇವಲ ₹1ಕ್ಕೆ ಹೊಸ ಸಿಮ್‌ ಕಾರ್ಡ್‌ ಪಡೆಯಬಹುದಾಗಿದೆ.
ಈ ಫ್ರೀಡಂ ಪ್ಲ್ಯಾನ್‌ನಲ್ಲಿ ಹೊಸ ಗ್ರಾಹಕರಿಗೆ ಪ್ರತಿದಿನ 1GB ಡೇಟಾ, ಅನಿಯಮಿತ ಕರೆಗಳು ಹಾಗೂ 100 SMS ಸೌಲಭ್ಯ ಸಿಗಲಿದೆ. ಈ ₹1ರ ಸಿಮ್‌ ಆಫರ್ ಆಗಸ್ಟ್‌ 30ರವರೆಗೆ ಮಾತ್ರ ಲಭ್ಯವಿರಲಿದೆ.
