ತಮಿಳುನಾಡು : ತಮಿಳುನಾಡಿನಲ್ಲಿ ಭೀಕರ ಅಪಘಾತ ಸಂಭವಿಸಿದ್ದು, ಲಾರಿ-ಕಾರು ಡಿಕ್ಕಿಯಾಗಿ ಸ್ಥಳದಲ್ಲೇ ಐವರು ಮೃತಪಟ್ಟಿದ್ದಾರೆ.
ತಮಿಳುನಾಡಿನ ಚಿದಂಬರಂನದಲ್ಲಿ ಈ ಘಟನೆ ನಡೆದಿದೆ. ವೇಗವಾಗಿ ಬರುತ್ತಿದ್ದ ಲಾರಿಗೆ ಕಾರು ಡಿಕ್ಕಿ ಹೊಡೆದಿದೆ. ಪರಿಣಾಮ ಡಿಕ್ಕಿಯಾಗಿ ಸ್ಥಳದಲ್ಲೇ ಐವರು ಮೃತಪಟ್ಟಿದ್ದಾರೆ.
ಮಾಹಿತಿಯ ಪ್ರಕಾರ, ಮಯಿಲಾಡುತುರೈ ನಿವಾಸಿ 56 ವರ್ಷದ ಮುಹಮ್ಮದ್ ಅನ್ವರ್ ಅನಾರೋಗ್ಯದಿಂದ ಬಳಲುತ್ತಿರುವ ತಮ್ಮ ಸಂಬಂಧಿಕರನ್ನು ಭೇಟಿಯಾದ ನಂತರ ಚೆನ್ನೈನಿಂದ ತನ್ನ ಕುಟುಂಬದೊಂದಿಗೆ ಹಿಂದಿರುಗುತ್ತಿದ್ದಾಗ ಈ ಅಪಘಾತ ಸಂಭವಿಸಿದೆ. ಕಾರನ್ನು ಅವರ ಇನ್ನೊಬ್ಬ ಸಂಬಂಧಿ ಯಾಸಿರ್ ಅರಾಫತ್ ಓಡಿಸುತ್ತಿದ್ದರು.
ಚಿದಂಬರಂನ ಪಿ ಮುಟ್ಲೂರು ಸೇತುವೆಯ ಮೇಲೆ ವಾಹನವು ಪ್ರಯಾಣಿಸುತ್ತಿದ್ದಾಗ, ಎದುರುಗಡೆಯಿಂದ ಬರುತ್ತಿದ್ದ ಲಾರಿ ನಿಯಂತ್ರಣ ಕಳೆದುಕೊಂಡು ವಾಹನಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ಮೊಹಮ್ಮದ್ ಅನ್ವರ್, ಯಾಸಿರ್ ಅರಾಫತ್, ಇಬ್ಬರು ಮಹಿಳೆಯರು, ಹಾಜಿರಾ ಬೇಗಂ ಮತ್ತು ಹರಫತ್ನಿಶಾ ಮತ್ತು ಮೂರು ವರ್ಷದ ಬಾಲಕ ಅಬ್ನಾನ್ (ಹರಫತ್ನಿಶಾ ಅವರ ಮಗ) ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.
