ಇಸ್ರೇಲ್ : ಹಮಾಸ್ ಉಗ್ರರು ಹಾಗೂ ಇಸ್ರೇಲ್ ನಡುವಿನ ಯುದ್ಧ ತೀವ್ರತೆ ಪಡೆದುಕೊಂಡಿದ್ದು, ಹಮಾಸ್ ಉಗ್ರರು ಮತ್ತೆ 40 ಮಕ್ಕಳ ಶಿರಚ್ಚೇದ ಮಾಡಿದೆ.
ಇಸ್ರೇಲಿ ರಕ್ಷಣಾ ಪಡೆ (ಐಡಿಎಫ್) ಇಸ್ರೇಲಿ ಪ್ರದೇಶದ ಕಫ್ರ್ ಅಜಾ ಕಿಬ್ಬುಟ್ಜ್ನಲ್ಲಿ 40 ಮಕ್ಕಳ ಶವಗಳನ್ನು ಪತ್ತೆ ಮಾಡಿದೆ. ವರದಿಗಳ ಪ್ರಕಾರ, ಮಕ್ಕಳ ತಲೆಗಳನ್ನು ಸಹ ಕತ್ತರಿಸಲಾಗಿದೆ.
ಅಕ್ಟೋಬರ್ 7ರಂದು ಹಮಾಸ್ ಉಗ್ರರು ಇಸ್ರೇಲ್ ಮೇಲೆ ದಾಳಿ ನಡೆಸಿದ್ದರು.ಅದರಲ್ಲಿ ಅವರು ಇಸ್ರೇಲ್ ಕಡೆಗೆ 5000 ರಾಕೆಟ್ ಗಳನ್ನು ಹಾರಿಸಿ ಗಡಿಯೊಳಗೆ ನುಸುಳಿದರು. ಹಮಾಸ್ ಉಗ್ರರು ಮುಗ್ಧ ಜನರನ್ನು ಗುರಿಯಾಗಿಸಿಕೊಂಡು ಅವರನ್ನು ಅಪಹರಿಸಿದ್ದಾರೆ. ಅನೇಕ ಮಕ್ಕಳ ಮುಂದೆ, ಅವರ ಪೋಷಕರನ್ನು ಗುಂಡಿಕ್ಕಿ ಕೊಲ್ಲಲಾಯಿತು ಮತ್ತು ಈಗ ಆ ಸ್ಥಳದಲ್ಲಿ 40 ಮಕ್ಕಳ ಶವಗಳು ಸಹ ಪತ್ತೆಯಾಗಿವೆ.
ಹಮಾಸ್ ಉಗ್ರಗಾಮಿಗಳಿಂದ ನಾಶವಾದ ಕೆಫೆರ್ ಆಜಾ ಪ್ರದೇಶಗಳಿಗೆ ಭೇಟಿ ನೀಡಲು ವಿದೇಶಿ ಮಾಧ್ಯಮಗಳಿಗೆ ಐಡಿಎಫ್ ಅವಕಾಶ ನೀಡಿತು. ಇಲ್ಲಿ ಕೆಲವು ಸೈನಿಕರೊಂದಿಗೆ ಮಾತನಾಡಿದಾಗ, ಅವರು ಈ ಮಾರ್ಗಗಳ ಮೂಲಕ ಹಾದುಹೋಗುವಾಗ ಕಂಡದ್ದು ಹೃದಯ ವಿದ್ರಾವಕವಾಗಿದೆ. ತಲೆಗಳನ್ನು ಕತ್ತರಿಸಿದ ಮತ್ತು ಅವರ ಕುಟುಂಬಗಳನ್ನು ಗುಂಡಿಕ್ಕಿ ಕೊಂದ ಮಕ್ಕಳ ಶವಗಳಿವೆ ಎಂದು ಸೈನಿಕರು ತಿಳಿಸಿದ್ದಾರೆ. “
ಇತ್ತೀಚಿನ ಅಂಕಿಅಂಶಗಳ ಪ್ರಕಾರ, ಇಲ್ಲಿಯವರೆಗೆ ಎರಡೂ ಕಡೆ ಕನಿಷ್ಠ 1600 ಜನರು ಸಾವನ್ನಪ್ಪಿದ್ದಾರೆ. ಇಸ್ರೇಲ್ ಪ್ರಕಾರ, ಹಮಾಸ್ ಮತ್ತು ಇತರ ಉಗ್ರಗಾಮಿ ಗುಂಪುಗಳು ಗಾಝಾದಲ್ಲಿ 150 ಕ್ಕೂ ಹೆಚ್ಚು ಸೈನಿಕರು ಮತ್ತು ನಾಗರಿಕರನ್ನು ಒತ್ತೆಯಾಳುಗಳಾಗಿ ತೆಗೆದುಕೊಂಡಿವೆ. ಅದೇ ಸಮಯದಲ್ಲಿ, ಹಮಾಸ್ ದಾಳಿಯಿಂದ ಇಸ್ರೇಲ್ನಲ್ಲಿ ಸಾವನ್ನಪ್ಪಿದವರ ಸಂಖ್ಯೆ 1,000 ಕ್ಕಿಂತ ಹೆಚ್ಚಾಗಿದೆ.
