ಭಾರತದ ಅತ್ಯಂತ ಜನಪ್ರಿಯ ರಿಯಾಲಿಟಿ ಶೋಗಳಲ್ಲಿ ಒಂದಾಗಿರುವ ‘ಬಿಗ್ಬಾಸ್’ ಹಲವು ಭಾಷೆಗಳಲ್ಲಿ ಪ್ರಸಾರವಾಗುತ್ತಿದ್ದು, ಪ್ರತಿ ಭಾಷೆಯಲ್ಲೂ ಜನಪ್ರಿಯ ತಾರೆಯರು ಕಾರ್ಯಕ್ರಮವನ್ನು ನಿರೂಪಿಸುತ್ತಿದ್ದಾರೆ. ಇದೀಗ ವಿವಿಧ ಭಾಷೆಗಳ ಬಿಗ್ಬಾಸ್ ನಿರೂಪಕರು ಪಡೆಯುತ್ತಾರೆ ಎನ್ನಲಾದ ಸಂಭಾವನೆಯ ವಿವರಗಳು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಗ್ರಾಸವಾಗಿವೆ.
ಹರಿದಾಡುತ್ತಿರುವ ಮಾಹಿತಿಯ ಪ್ರಕಾರ, ಹಿಂದಿ ಬಿಗ್ಬಾಸ್ನ ನಿರೂಪಕ ಸಲ್ಮಾನ್ ಖಾನ್ ಅವರು ಪ್ರತಿ ಸೀಸನ್ಗೆ ಸುಮಾರು ₹125 ಕೋಟಿ ಸಂಭಾವನೆ ಪಡೆಯುತ್ತಾರೆ ಎನ್ನಲಾಗಿದೆ. ಈ ಪಟ್ಟಿಯಲ್ಲಿ ಸಲ್ಮಾನ್ ಖಾನ್ ಅಗ್ರಸ್ಥಾನದಲ್ಲಿದ್ದಾರೆ.
ತಮಿಳು ಬಿಗ್ಬಾಸ್ ಕಾರ್ಯಕ್ರಮದ ನಿರೂಪಕ ವಿಜಯ್ ಸೇತುಪತಿ ಅವರು ಸುಮಾರು ₹75ರಿಂದ ₹80 ಕೋಟಿ ಸಂಭಾವನೆ ಪಡೆಯುತ್ತಾರೆ ಎಂಬ ಮಾಹಿತಿ ಹರಿದಾಡುತ್ತಿದೆ. ತೆಲುಗು ಬಿಗ್ಬಾಸ್ನ ನಾಗಾರ್ಜುನ ಅವರು ₹35ರಿಂದ ₹40 ಕೋಟಿ, ಮಲಯಾಳಂ ಬಿಗ್ಬಾಸ್ ನಿರೂಪಕ ಮೋಹನ್ಲಾಲ್ ಅವರು ಸುಮಾರು ₹30 ಕೋಟಿ ಪಡೆಯುತ್ತಾರೆ ಎನ್ನಲಾಗಿದೆ.
ಇನ್ನು ಕನ್ನಡದ ಬಿಗ್ಬಾಸ್ ಕಾರ್ಯಕ್ರಮಕ್ಕೆ ಹಲವು ವರ್ಷಗಳಿಂದ ನಿರೂಪಕರಾಗಿರುವ ಕಿಚ್ಚ ಸುದೀಪ್ ಅವರು ಸುಮಾರು ₹20 ಕೋಟಿ ಸಂಭಾವನೆ ಪಡೆಯುತ್ತಾರೆ ಎಂಬ ಮಾಹಿತಿ ಸಾಮಾಜಿಕ ಜಾಲತಾಣಗಳಲ್ಲಿ ಕಾಣಿಸಿಕೊಂಡಿದೆ.
ಈ ಅಂಕಿ-ಅಂಶಗಳ ಪ್ರಕಾರ, ಭಾಷೆಗಳ ನಡುವೆ ನಿರೂಪಕರ ಸಂಭಾವನೆಯಲ್ಲಿ ಭಾರಿ ವ್ಯತ್ಯಾಸ ಕಂಡುಬರುತ್ತದೆ. ವಿಶೇಷವಾಗಿ ಹಿಂದಿ ಬಿಗ್ಬಾಸ್ ನಿರೂಪಕರ ಸಂಭಾವನೆ ಇತರ ಭಾಷೆಗಳಿಗಿಂತ ಹಲವು ಪಟ್ಟು ಹೆಚ್ಚಾಗಿದೆ.
ಆದರೆ, ಈ ಸಂಭಾವನೆಗಳ ಕುರಿತು ಆಯಾ ಕಾರ್ಯಕ್ರಮದ ನಿರ್ಮಾಪಕರು ಅಥವಾ ನಿರೂಪಕರು ಅಧಿಕೃತವಾಗಿ ದೃಢೀಕರಿಸಿರುವ ಮಾಹಿತಿ ಲಭ್ಯವಿಲ್ಲ. ಹೀಗಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಅಂದಾಜು ಅಥವಾ ವರದಿಗಳೆಂದು ಪರಿಗಣಿಸುವುದು ಸೂಕ್ತ.
ಬಿಗ್ಬಾಸ್ ಕನ್ನಡ ಸೀಸನ್ 14ರ ಸ್ಪರ್ಧಿಗಳು
ನಿನ್ನೆ ( ಸೆಪ್ಟೆಂಬರ್ 6 ) ಬಿಗ್ಬಾಸ್ ಕನ್ನಡ ಸೀಸನ್ 14ಕ್ಕೆ ಯಾರೆಲ್ಲ ಆಗಮಿಸಲಿದ್ದಾರೆ ಎಂಬ ಪ್ರಶ್ನೆಗೆ ತೆರೆಬಿದ್ದಿದ್ದು, ಒಟ್ಟು 16 ಸ್ಪರ್ಧಿಗಳು ದೊಡ್ಮನೆ ಪ್ರವೇಶಿಸಿದ್ದಾರೆ. ಅವರ ಪಟ್ಟಿ ಮುಂದಿದೆ.
-
ಜಗ್ಗ ಮಮ್ಮಿ ಅಲಿಯಾಸ್ ಜಗದೀಶ್
-
ಸೌಂದರ್ಯ ಶೆಟ್ಟಿ
-
ಅವಿನಾಶ್ ಶತಮರ್ಷನ
-
ಪ್ರಥಮಾ ಪ್ರಸಾದ್
-
ಗಗನ್ ಚಿನ್ನಪ್ಪ
-
ಸಂಗೀತಾ ಭಟ್
-
ಕಾವ್ಯ ಗೌಡ
-
ಓಂ ಪ್ರಕಾಶ್
-
ಕಿರಣ್ ಶಾಸ್ತ್ರಿ
-
ಆಸಿಯಾ ಫಿರ್ದೋಸ್
-
ಲಿಖಿತ್ ಗೋಂದಿ
-
ತಾಂಡವ್ ರಾಮ್
-
ವೈಷ್ಣವಿ ಕೌಂಡಿನ್ಯ
-
ಧನುಷ್ ಮಂಜುನಾಥ್
-
ಯಶಸ್ ಕೃಷ್ಣ
-
ಕವಿ ಮಂಜುನಾಥ್
ಭಾರತದಲ್ಲಿ ಬಿಗ್ಬಾಸ್ ಆರಂಭವಾಗಿದ್ದು ಯಾವಾಗ?
ಭಾರತದಲ್ಲಿ ‘ಬಿಗ್ಬಾಸ್’ ರಿಯಾಲಿಟಿ ಶೋ 2006ರಲ್ಲಿ ಆರಂಭವಾಯಿತು. ಅಂತರರಾಷ್ಟ್ರೀಯ ಮಟ್ಟದಲ್ಲಿ ಜನಪ್ರಿಯವಾಗಿದ್ದ ‘Big Brother’ ಕಾರ್ಯಕ್ರಮದ ಮಾದರಿಯನ್ನು ಆಧರಿಸಿ ರೂಪುಗೊಂಡ ‘ಬಿಗ್ಬಾಸ್’ನ ಮೊದಲ ಸೀಸನ್ 2006ರ ನವೆಂಬರ್ 3ರಂದು ಸೋನಿ ಎಂಟರ್ಟೈನ್ಮೆಂಟ್ ಟೆಲಿವಿಷನ್ನಲ್ಲಿ ಪ್ರಸಾರವಾಯಿತು. ಮೊದಲ ಸೀಸನ್ಗೆ ಬಾಲಿವುಡ್ ನಟ ಅರ್ಶದ್ ವಾರ್ಸಿ ನಿರೂಪಕರಾಗಿದ್ದರು. ಈ ಸೀಸನ್ನಲ್ಲಿ 15 ಮಂದಿ ಸ್ಪರ್ಧಿಗಳು ಭಾಗವಹಿಸಿದ್ದರು ಮತ್ತು ನಟ ರಾಹುಲ್ ರಾಯ್ ವಿಜೇತರಾಗಿ ಹೊರಹೊಮ್ಮಿದರು. ಮೊದಲ ಸೀಸನ್ 86 ದಿನಗಳ ಕಾಲ ಪ್ರಸಾರವಾಯಿತು
