ಐಟಿ ದೈತ್ಯ ಸಂಸ್ಥೆ ಒರಾಕಲ್ (Oracle) ಭಾರತದಲ್ಲಿ ತನ್ನ ಕಾರ್ಯಾಚರಣೆಯನ್ನು ಪುನರ್ಸಂಘಟಿಸುವ ಹೆಸರಿನಲ್ಲಿ ದೊಡ್ಡ ಮಟ್ಟದ ಉದ್ಯೋಗ ಕಡಿತಕ್ಕೆ ಮುಂದಾಗಿದೆ. ಈ ನಿರ್ಧಾರವು ಐಟಿ ವಲಯದಲ್ಲಿ ಭಾರಿ ಸಂಚಲನ ಮೂಡಿಸಿದೆ.
ಹೌದು. ಒರಾಕಲ್ ಜಾಗತಿಕವಾಗಿ ಸುಮಾರು 30,000 ಉದ್ಯೋಗಗಳನ್ನು ಕಡಿತಗೊಳಿಸಿದೆ ಎಂದು ಅಂದಾಜಿಸಲಾಗಿದೆ. ಭಾರತದಲ್ಲಿ ಒಟ್ಟು 30,000 ಉದ್ಯೋಗಿಗಳಿದ್ದು, ಈ ಪೈಕಿ ಈಗಾಗಲೇ 12,000 ಜನರು ಕೆಲಸ ಕಳೆದುಕೊಂಡಿದ್ದಾರೆ.
ಕಂಪನಿಯು ತನ್ನ ಕಾರ್ಯಾಚರಣೆಯನ್ನು ಸುಗಮಗೊಳಿಸುವ ಪ್ರಯತ್ನದ ಭಾಗವಾಗಿ ಕೆಲವು ಹುದ್ದೆಗಳು ಅನಗತ್ಯವಾಗಿವೆ ಎಂದು ಆಂತರಿಕ ಇಮೇಲ್ನಲ್ಲಿ ತಿಳಿಸಿದೆ. “ಪ್ರಸ್ತುತ ವ್ಯವಹಾರದ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು ನಿಮ್ಮ ಹುದ್ದೆಯನ್ನು ರದ್ದುಗೊಳಿಸುವ ನಿರ್ಧಾರ ಮಾಡಲಾಗಿದೆ. ಇಂದು ನಿಮ್ಮ ಕೊನೆಯ ಕೆಲಸದ ದಿನ,” ಎಂದು ಇಮೇಲ್ನಲ್ಲಿ ಉಲ್ಲೇಖಿಸಲಾಗಿದೆ.ಉದ್ಯೋಗಿಗಳಿಗೆ ಇಮೇಲ್ ಬಂದ ತಕ್ಷಣ ಅವರ ಕಂಪ್ಯೂಟರ್, ಇಮೇಲ್ ಮತ್ತು ಫೈಲ್ಗಳ ಪ್ರವೇಶವನ್ನು (Access) ರದ್ದುಗೊಳಿಸಲಾಗುತ್ತಿದೆ.
ಪರಿಹಾರ ಪ್ಯಾಕೇಜ್ (Severance Package) : ಸ್ವಯಂಪ್ರೇರಿತವಾಗಿ ಕೆಲಸ ಬಿಡಲು ಒಪ್ಪುವವರಿಗೆ ಪ್ರತಿ ವರ್ಷದ ಸೇವೆಗೆ 15 ದಿನಗಳ ಸಂಬಳ, ಒಂದು ತಿಂಗಳ ನೋಟಿಸ್ ಅವಧಿಯ ವೇತನ ಮತ್ತು ಎರಡು ತಿಂಗಳ ಹೆಚ್ಚುವರಿ ಸಂಬಳವನ್ನು ಒಳಗೊಂಡ ಪರಿಹಾರ ಪ್ಯಾಕೇಜ್ ನೀಡಲಾಗುತ್ತಿದೆ.
ಇತರ ಕಂಪನಿಗಳಲ್ಲೂ ಕಡಿತ : ಮೆಟಾ (Meta) ನೂರಾರು ಉದ್ಯೋಗಿಗಳನ್ನು ವಜಾಗೊಳಿಸಿದ ಒಂದು ವಾರದ ನಂತರ ಒರಾಕಲ್ ಈ ನಿರ್ಧಾರ ಕೈಗೊಂಡಿದೆ. ಇದಕ್ಕೂ ಮೊದಲು ಅಮೆಜಾನ್ (Amazon) ಸಹ ಸುಮಾರು 16,000 ಕಾರ್ಪೊರೇಟ್ ಹುದ್ದೆಗಳನ್ನು ಕಡಿತಗೊಳಿಸುವುದಾಗಿ ಘೋಷಿಸಿತ್ತು.ಒಂದು ತಿಂಗಳೊಳಗೆ ಮತ್ತೊಂದು ಸುತ್ತಿನ ವಜಾ ಪ್ರಕ್ರಿಯೆ ನಡೆಯುವ ಸಾಧ್ಯತೆ.ಭಾರತದಲ್ಲಿ ಒಟ್ಟು 30,000 ಉದ್ಯೋಗಿಗಳಿದ್ದು, ಈಗ ಸುಮಾರು ಶೇ. 40 ರಷ್ಟು ಮಂದಿ ಕೆಲಸ ಕಳೆದುಕೊಂಡಿದ್ದಾರೆ.“ನಿಮ್ಮ ಹುದ್ದೆಯನ್ನು ರದ್ದುಗೊಳಿಸುವ ನಿರ್ಧಾರ ಮಾಡಲಾಗಿದೆ. ಇಂದು ನಿಮ್ಮ ಕೊನೆಯ ಕೆಲಸದ ದಿನ.”ಎಂದು — ಒರಾಕಲ್ ಆಂತರಿಕ ಇಮೇಲ್ ಕಳುಹಿಸಿದೆ.
ಕಡಿತಕ್ಕೆ ಕಾರಣಗಳೇನು ?
ಕಂಪನಿಯು ತನ್ನ ಆಂತರಿಕ ಇಮೇಲ್ನಲ್ಲಿ ಈ ಕೆಳಗಿನ ಅಂಶಗಳನ್ನು ಉಲ್ಲೇಖಿಸಿದೆ:
- ಕಾರ್ಯಾಚರಣೆ ಸುಗಮಗೊಳಿಸುವಿಕೆ: ಸಂಸ್ಥೆಯ ಕೆಲಸದ ಶೈಲಿಯನ್ನು ಸರಳಗೊಳಿಸಲು ಈ ನಿರ್ಧಾರ.
- ಹುದ್ದೆಗಳ ಮರುಪರಿಶೀಲನೆ: ಪ್ರಸ್ತುತ ವ್ಯವಹಾರದ ಅಗತ್ಯಗಳಿಗೆ ಕೆಲವು ಹುದ್ದೆಗಳು ಅನಗತ್ಯ (Redundant) ಎಂದು ಪರಿಗಣಿಸಲಾಗಿದೆ.
ಉದ್ಯೋಗಿಗಳಿಗೆ ಸಿಗುವ ‘ಪರಿಹಾರ ಪ್ಯಾಕೇಜ್’ (Severance Package)
ಕೆಲಸ ಕಳೆದುಕೊಂಡವರಿಗೆ ಕಂಪನಿಯು ಈ ಕೆಳಗಿನ ಆರ್ಥಿಕ ನೆರವು ನೀಡುತ್ತಿದೆ:
- ಸೇವಾ ಅವಧಿ: ಪೂರೈಸಿದ ಪ್ರತಿ ವರ್ಷದ ಸೇವೆಗೆ 15 ದಿನಗಳ ಸಂಬಳ.
- ನೋಟಿಸ್ ಪೇ: ಒಂದು ತಿಂಗಳ ನೋಟಿಸ್ ಅವಧಿಯ ವೇತನ.
- ಬೋನಸ್: ಎರಡು ತಿಂಗಳ ಹೆಚ್ಚುವರಿ ಸಂಬಳದ ‘ಟಾಪ್-ಅಪ್’.
- ಇತರ: ರಜೆ ನಗದೀಕರಣ (Leave encashment) ಮತ್ತು ಗ್ರಾಚ್ಯುಟಿ ಸೌಲಭ್ಯ.
- ಗಮನಿಸಿ: ಈ ಸೌಲಭ್ಯಗಳು ಕೇವಲ ಸ್ವಯಂಪ್ರೇರಿತವಾಗಿ ಕೆಲಸ ಬಿಡಲು ಒಪ್ಪುವವರಿಗೆ ಮಾತ್ರ ಲಭ್ಯ.
ಇತ್ತೀಚಿನ ದಿನಗಳಲ್ಲಿ ದೊಡ್ಡ ಕಂಪನಿಗಳು ಉದ್ಯೋಗಿಗಳನ್ನು ವಜಾಗೊಳಿಸುತ್ತಿರುವುದು ಮುಂದುವರಿದಿದೆ:ಮೆಟಾ (Meta) ಕಳೆದ ವಾರವಷ್ಟೇ ನೂರಾರು ಮಂದಿಯನ್ನು ವಜಾ ಮಾಡಿದೆ.ಅಮೆಜಾನ್ (Amazon): ಸುಮಾರು 16,000 ಕಾರ್ಪೊರೇಟ್ ಹುದ್ದೆಗಳನ್ನು ಕಡಿತಗೊಳಿಸಿದೆ. ರೆಡ್ಡಿಟ್ (Reddit) ಮತ್ತು ಬ್ಲೈಂಡ್ (Blind) ನಂತಹ ಸಾಮಾಜಿಕ ವೇದಿಕೆಗಳಲ್ಲಿ ಉದ್ಯೋಗಿಗಳು ತಮ್ಮ ಆತಂಕ ಮತ್ತು ಆಕ್ರೋಶವನ್ನು ಹೊರಹಾಕುತ್ತಿದ್ದಾರೆ.
