ಪಾರ್ಟಿ ಅಂದ ತಕ್ಷಣ ಕಣ್ಣ ಮುಂದೆ ಬರೋದು ಕಿವಿ ಫೇಲಾಗುವಷ್ಟು ಜೋರಾದ ಮ್ಯೂಸಿಕ್ ಕೈಯಲ್ಲೊಂದು ಗ್ಲಾಸು, ಹ್ಯಾಂಗೊವರ್ ಮತ್ತು ಕುಣಿತ. ಆದರೆ ಈಗ ಕಾಲ ಬದಲಾಗಿದೆ ಇಂದಿನ ಜೆನ್-ಜಿ (Gen-Z) ಹುಡುಗರು ಪಾರ್ಟಿ ಮಾಡೋ ಸ್ಟೈಲ್ ಕಂಪ್ಲೀಟ್ ಡಿಫರೆಂಟ್ ಆಗಿದೆ. ಮದ್ಯದ ಅಮಲಿಗಿಂತ ಭಕ್ತಿಯ ಅಮಲೇ ಬೆಸ್ಟ್ ಎನ್ನುತ್ತಾ ಯುವಜನತೆ ಈಗ ಭಜನ್ ಕ್ಲಬ್ಬಿಂಗ್ (Bhajan Clubbing) ಕಡೆಗೆ ಮುಖ ಮಾಡುತ್ತಿದ್ದಾರೆ.
ಏನಿದು ಭಜನ್ ಕ್ಲಬ್ಬಿಂಗ್?
ಡಿಸೆಂಬರ್ 21, 2025 ರಂದು ನವದೆಹಲಿಯ ಇಂದಿರಾ ಗಾಂಧಿ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ನಲ್ಲಿ ನಡೆದ ಘಟನೆ ಇಡೀ ದೇಶದ ಗಮನ ಸೆಳೆಯಿತು. ಅಲ್ಲಿ ರೇವ್ ಪಾರ್ಟಿಗಳಂತೆ ಲೈಟ್ಗಳು ಮಿಂಚುತ್ತಿದ್ದವು ಯುವಕ-ಯುವತಿಯರು ಕೈಗಳಿಗೆ ಕಾನ್ಸರ್ಟ್ ಬ್ಯಾಂಡ್ ಧರಿಸಿ ಕುಣಿಯುತ್ತಿದ್ದರು. ಆದರೆ ಅಲ್ಲಿ ಪ್ಲೇ ಆಗುತ್ತಿದ್ದುದು ಪಾಶ್ಚಾತ್ಯ ಸಂಗೀತವಲ್ಲ ಬದಲಾಗಿ ಹೈ-ವೋಲ್ಟೇಜ್ ಭಜನೆಗಳು.ಭಾರತದ ಯುವಜನತೆಯಲ್ಲಿ, ಅದರಲ್ಲೂ ವಿಶೇಷವಾಗಿ ಜೆನ್-ಜಿ (Gen Z) ಪೀಳಿಗೆಯಲ್ಲಿ ಈಗ ಹೊಸದೊಂದು ಆಧ್ಯಾತ್ಮಿಕ ಅಲೆ ಎದ್ದಿದೆ. ಅದೇ ಭಜನ್ ಕ್ಲಬ್ಬಿಂಗ್ (Bhajan Clubbing). ಸಾಂಪ್ರದಾಯಿಕ ಕ್ಲಬ್ಗಳಿಗಿಂತ ಭಿನ್ನವಾಗಿರುವ ಈ ಟ್ರೆಂಡ್ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ
ಯುವಜನತೆಗೆ ಇದು ಹೀಲಿಂಗ್ ಪಾರ್ಟಿ ಯಾಕೆ?
ಜ್ಯೂನಿಯರ್ ಜರ್ನಲಿಸ್ಟ್ ಆಗಿ ಮಾರುಕಟ್ಟೆಯ ನಾಡಿಮಿಡಿತ ಗಮನಿಸಿದಾಗ ಕಂಡುಬಂದ ಪ್ರಮುಖ ಅಂಶಗಳಿವು:
ನೋ ಹ್ಯಾಂಗೊವರ್ ಓನ್ಲಿ ಪೀಸ್: ಮದ್ಯಪಾನ ಮಾಡಿ ಮರುದಿನ ತಲೆನೋವಿನಿಂದ ಒದ್ದಾಡುವುದಕ್ಕಿಂತ ಭಜನೆಗೆ ನೃತ್ಯ ಮಾಡಿ ಮನಸ್ಸಿನ ಶಾಂತಿ ಪಡೆಯುವುದು ಉತ್ತಮ ಎಂಬುದು ಯುವಕರ ಅಭಿಪ್ರಾಯ.
ಮೆಂಟಲ್ ಹೆಲ್ತ್ ಮೊದಲು: ಅಧ್ಯಯನ ಕೆಲಸ ಮತ್ತು ಸೋಶಿಯಲ್ ಮೀಡಿಯಾದ ಒತ್ತಡದಿಂದ ದಣಿದಿರುವ ಯುವಜನತೆಗೆ ಈ ಭಜನೆಗಳು ಒಂದು ರೀತಿಯ ‘ಥೆರಪಿ’ ಅಥವಾ ಹೀಲಿಂಗ್ ತರಹ ಕೆಲಸ ಮಾಡುತ್ತಿವೆ.
ನೋ ಜಡ್ಜ್ಮೆಂಟ್ ಝೋನ್: ಇಲ್ಲಿ ಬಟ್ಟೆ ಬಗ್ಗೆ ಕಾಮೆಂಟ್ ಮಾಡುವವರಿಲ್ಲ ನಿಮ್ಮ ಸ್ಟೇಟಸ್ ಕೇಳುವವರಿಲ್ಲ. ಕಣ್ಣು ಮುಚ್ಚಿ ಭಕ್ತಿಯಲ್ಲಿ ಮೈಮರೆತು ಕುಣಿಯಲು ಪ್ರತಿಯೊಬ್ಬರಿಗೂ ಇಲ್ಲಿ ಸ್ವಾತಂತ್ರ್ಯವಿದೆ.
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್
ಇನ್ಸ್ಟಾಗ್ರಾಮ್ ರೀಲ್ಸ್ ಮತ್ತು ಶಾರ್ಟ್ಸ್ನಲ್ಲಿ ಇಂದು ಭಜನ್ ಕ್ಲಬ್ಬಿಂಗ್ ವೀಡಿಯೊಗಳೇ ಹವಾ ಸೃಷ್ಟಿಸುತ್ತಿವೆ. ಯುವಕರು ಕಣ್ಣು ಮುಚ್ಚಿ ಮಂತ್ರಗಳ ತಾಳಕ್ಕೆ ಹೆಜ್ಜೆ ಹಾಕುತ್ತಿರುವುದನ್ನು ನೋಡಿದರೆ ಇದು ಕೇವಲ ಒಂದು ಫ್ಯಾಷನ್ ಅಲ್ಲ ಬದಲಾಗಿ ಇದೊಂದು ದೊಡ್ಡ ಸಾಂಸ್ಕೃತಿಕ ಬದಲಾವಣೆ ಎನ್ನುವುದು ಸ್ಪಷ್ಟವಾಗುತ್ತದೆ.
ಒಟ್ಟಾರೆಯಾಗಿ ಜೆನ್-ಜಿ ಪೀಳಿಗೆಯು ಸಂಪ್ರದಾಯವನ್ನು ಆಧುನಿಕ ಶೈಲಿಯಲ್ಲಿ ಅಪ್ಪಿಕೊಳ್ಳುತ್ತಿದೆ. ಪಾರ್ಟಿ ಅಂದ್ರೆ ಕೇವಲ ಮೋಜಲ್ಲ ಅದು ಆತ್ಮಕ್ಕೆ ಸಿಗುವ ನೆಮ್ಮದಿ ಎಂದು ಈ ಹೊಸ ಟ್ರೆಂಡ್ ಸಾರುತ್ತಿದೆ.
