ಕುಂದಾನಗರಿ ಬೆಳಗಾವಿ ಜನರಿಗೆ ಸಿಹಿಸುದ್ದಿ. ಬೆಳಗಾವಿ-ಮುಂಬೈ ಮತ್ತು ನವಿ ಮುಂಬೈ-ಬೆಳಗಾವಿ ವಿಮಾನ ಸೇವೆಗಳು ಮಾರ್ಚ್ 29ರಿಂದ ಆರಂಭವಾಗಲಿವೆ. ಗಡಿನಾಡಿನ ಜನರು ಸುಲಭವಾಗಿ ದೇಶದ ವಾಣಿಜ್ಯ ನಗರಿಗೆ ಪ್ರಯಾಣ ಮಾಡಬಹುದು.
ಸ್ಟಾರ್ ಏರ್ ವಿಮಾನಯಾನ ಸಂಸ್ಥೆ ಬೆಳಗಾವಿ-ಮುಂಬೈ ನಡುವೆ ನೇರ ವಿಮಾನ ಸೇವೆಯನ್ನು ಪ್ರತಿದಿನ ನೀಡಲಿದೆ. ಇಂಡಿಗೋ ಸಂಸ್ಥೆ ನವಿ ಮುಂಬೈ-ಬೆಳಗಾವಿ ನಡುವಿನ ವಿಮಾನ ಸೇವೆ ಆರಂಭಿಸಲಿದೆ.
ಈ ವಿಮಾನದ ವೇಳಾಪಟ್ಟಿ ಬಿಡುಗಡೆ ಮಾಡಲಾಗಿದ್ದು, ಜನರು ವಿಮಾನಯಾನ ಸಂಸ್ಥೆಗಳ ವೆಬ್‌ಸೈಟ್‌ಗೆ ಭೇಟಿ ನೀಡುವ ಮೂಲಕ ಟಿಕೆಟ್ ಬುಕ್ ಮಾಡಬಹುದು.
ವಿಮಾನದ ವೇಳಾಪಟ್ಟಿ
- ಬೆಳಗಾವಿ-ಮುಂಬೈ ಸ್ಟಾರ್ ಏರ್ ವಿಮಾನ. ಬೆಳಗ್ಗೆ 7.20ಕ್ಕೆ ಬೆಳಗಾವಿ ನಿರ್ಗಮನ, ಮುಂಬೈಗೆ 8.25ಕ್ಕೆ ತಲುಪಲಿದೆ.
- ಮುಂಬೈ-ಬೆಳಗಾವಿ. ಸೋಮವಾರ, ಬುಧವಾರ, ಶುಕ್ರವಾರ, ಶನಿವಾರ ಮತ್ತು ಭಾನುವಾರ. ಸಂಜೆ 7.45 ನಿರ್ಗಮನ, ರಾತ್ರಿ 8.50ಕ್ಕೆ ಬೆಳಗಾವಿಗೆ ಆಗಮನ.
- ಮಂಗಳವಾರ ಮತ್ತು ಗುರುವಾರ. ಸಂಜೆ 8.40ಕ್ಕೆ ನಿರ್ಗಮನ, ರಾತ್ರಿ 9.45ಕ್ಕೆ ಬೆಳಗಾವಿಗೆ ಆಗಮನ.
- ನವಿ ಮುಂಬೈ-ಬೆಳಗಾವಿ ವಿಮಾನ. ಬೆಳಗ್ಗೆ10.20ಕ್ಕೆ ನಿರ್ಗಮನ, ಬೆಳಗಾವಿಗೆ ಬೆಳಗ್ಗೆ 11.45ಕ್ಕೆ ಆಗಮನ.
- ಬೆಳಗಾವಿ- ನವಿ ಮುಂಬೈ ವಿಮಾನ. ಸಂಜೆ 5.35ಕ್ಕೆ ನಿರ್ಗಮನ, ಸಂಜೆ 6.50ಕ್ಕೆ ಆಗಮನ.
