ಸಾಮಾನ್ಯವಾಗಿ ನಾವು ಅಡುಗೆ ಮಾಡುವಾಗ ಈರುಳ್ಳಿ ಸಿಪ್ಪೆಯನ್ನು ಕಸವೆಂದು ಭಾವಿಸಿ ಕಸದ ಬುಟ್ಟಿಗೆ ಎಸೆಯುತ್ತೇವೆ. ಆದರೆ, ಆ ಬಣ್ಣಬಣ್ಣದ ಒಣ ಸಿಪ್ಪೆಯಲ್ಲೇ ಅಸಲಿ ಆರೋಗ್ಯದ ರಹಸ್ಯ ಅಡಗಿದೆ ಎಂಬುದು ನಿಮಗೆ ಗೊತ್ತೇ?
ಹೌದು, ಇತ್ತೀಚಿನ ಸಂಶೋಧನೆಗಳ ಪ್ರಕಾರ ಈರುಳ್ಳಿ ಸಿಪ್ಪೆಯು ಕೇವಲ ಕಸವಲ್ಲ, ಅದೊಂದು ಅದ್ಭುತ ಔಷಧೀಯ ಗುಣಗಳ ಗಣಿ. ಇದರಲ್ಲಿ ವಿಟಮಿನ್ A, C, E ಮತ್ತು ಹೇರಳವಾದ ಆ್ಯಂಟಿಆಕ್ಸಿಡೆಂಟ್ಗಳಿದ್ದು, ಸ್ನಾಯು ನೋವು ನಿವಾರಣೆಯಿಂದ ಹಿಡಿದು ಕೂದಲಿನ ಸೌಂದರ್ಯ ವೃದ್ಧಿಯವರೆಗೆ ಹತ್ತಾರು ಪ್ರಯೋಜನಗಳನ್ನು ಹೊಂದಿದೆ. ಅಷ್ಟೇ ಅಲ್ಲದೆ, ಗಿಡಗಳಿಗೆ ನೈಸರ್ಗಿಕ ಗೊಬ್ಬರವಾಗಿ ಮತ್ತು ಅಡುಗೆ ಮನೆಯ ಕೆಟ್ಟ ವಾಸನೆ ಹೋಗಲಾಡಿಸಲು ಇದು ರಾಮಬಾಣ. ಈರುಳ್ಳಿ ಸಿಪ್ಪೆಯನ್ನು ನೀವು ಹೇಗೆಲ್ಲಾ ಬಳಸಬಹುದು ಮತ್ತು ಅದರಿಂದ ಸಿಗುವ ಆಶ್ಚರ್ಯಕರ ಲಾಭಗಳ ಪೂರ್ಣ ವಿವರ ಇಲ್ಲಿದೆ ನೋಡಿ.
- ಸ್ನಾಯು ನೋವಿಗೆ ರಾಮಬಾಣ
ಈರುಳ್ಳಿ ಸಿಪ್ಪೆಯಲ್ಲಿರುವ ಆ್ಯಂಟಿಆಕ್ಸಿಡೆಂಟ್ ಗುಣಗಳು ಸ್ನಾಯು ನೋವನ್ನು ಕಡಿಮೆ ಮಾಡಲು ಸಹಕಾರಿ. ಒಂದು ಲೋಟ ನೀರಿನಲ್ಲಿ ಸ್ವಲ್ಪ ಈರುಳ್ಳಿ ಸಿಪ್ಪೆ ಹಾಕಿ 15 ನಿಮಿಷ ಕುದಿಸಿ. ನಂತರ ಆ ನೀರನ್ನು ಸೋಸಿಕೊಂಡು ಕುಡಿದರೆ ಸ್ನಾಯು ಸೆಳೆತ ಮತ್ತು ನೋವು ಕಡಿಮೆಯಾಗುತ್ತದೆ. - ಕೇಶ ವಿನ್ಯಾಸ ಮತ್ತು ಕೂದಲಿನ ಆರೋಗ್ಯ
ಈರುಳ್ಳಿ ಸಿಪ್ಪೆಯಲ್ಲಿ ಗಂಧಕದ (Sulfur) ಅಂಶ ಹೆಚ್ಚಾಗಿರುತ್ತದೆ. ಇದು ಕೂದಲಿನ ಬೆಳವಣಿಗೆಗೆ ಸಹಕಾರಿಯಾದ ಕೊಲ್ಲಾಜೆನ್ ಉತ್ಪಾದನೆಯನ್ನು ಉತ್ತೇಜಿಸುತ್ತದೆ.
• ಬಳಕೆ: ಈರುಳ್ಳಿ ಸಿಪ್ಪೆಯನ್ನು ನೀರಿನಲ್ಲಿ ಕುದಿಸಿ ಆ ನೀರನ್ನು ತಲೆಗೆ ಹಚ್ಚುವುದರಿಂದ ತುರಿಕೆ ಮತ್ತು ದದ್ದುಗಳು ಕಡಿಮೆಯಾಗುತ್ತವೆ.
• ತಲೆಹೊಟ್ಟು ನಿವಾರಣೆ: ಈ ಮಿಶ್ರಣವನ್ನು ಹಚ್ಚಿ 30 ನಿಮಿಷಗಳ ನಂತರ ಸ್ನಾನ ಮಾಡಿದರೆ ತಲೆಹೊಟ್ಟು ದೂರವಾಗಿ, ಕೂದಲು ಅಕಾಲಿಕವಾಗಿ ನರೆಯುವುದು (Grey hair) ತಪ್ಪುತ್ತದೆ. - ಚರ್ಮದ ಸಮಸ್ಯೆಗಳಿಗೆ ಮುಕ್ತಿ
ಆ್ಯಂಟಿ ಫಂಗಲ್ ಗುಣಗಳನ್ನು ಹೊಂದಿರುವ ಈರುಳ್ಳಿ ಸಿಪ್ಪೆ ಚರ್ಮದ ಆರೋಗ್ಯಕ್ಕೆ ಉತ್ತಮ. ಸಿಪ್ಪೆ ಕುದಿಸಿದ ನೀರು ತಣ್ಣಗಾದ ನಂತರ ಚರ್ಮಕ್ಕೆ ಹಚ್ಚುವುದರಿಂದ ಆ್ಯಂಟಿಆಕ್ಸಿಡೆಂಟ್ಗಳು ಚರ್ಮವನ್ನು ಕಾಂತಿಯುತವಾಗಿಸುತ್ತವೆ. - ಈರುಳ್ಳಿ ಟೀ (Onion Tea) ಮತ್ತು ನಿದ್ರಾಹೀನತೆ
ಈರುಳ್ಳಿ ಸಿಪ್ಪೆಯಿಂದ ಮಾಡಿದ ಟೀ ಕುಡಿಯುವುದರಿಂದ ನಿದ್ರಾಹೀನತೆ ದೂರವಾಗಿ ಕಣ್ಣಿನ ಆರೋಗ್ಯ ಸುಧಾರಿಸುತ್ತದೆ.
• ತಯಾರಿಸುವ ವಿಧಾನ: ಎರಡು ಕಪ್ ನೀರಿನಲ್ಲಿ ಈರುಳ್ಳಿ ಸಿಪ್ಪೆ ಹಾಕಿ ನೀರಿನ ಬಣ್ಣ ಬದಲಾಗುವವರೆಗೆ ಕುದಿಸಿ. ನಂತರ ಸೋಸಿಕೊಂಡು ಅದಕ್ಕೆ ಒಂದು ಚಮಚ ಜೇನುತುಪ್ಪ ಬೆರೆಸಿದರೆ ‘ಆನಿಯನ್ ಟೀ’ ಸಿದ್ಧ! - ನೈಸರ್ಗಿಕ ಗೊಬ್ಬರ ಮತ್ತು ಸ್ವಚ್ಛತೆ
• ಗಿಡಗಳಿಗೆ: ಈರುಳ್ಳಿ ಸಿಪ್ಪೆಯನ್ನು ಗಿಡಗಳಿಗೆ ನೈಸರ್ಗಿಕ ಗೊಬ್ಬರವಾಗಿ ಬಳಸಬಹುದು. ಇದು ಗಿಡಗಳು ಹಸಿರಾಗಿ ಬೆಳೆಯಲು ಸಹಾಯ ಮಾಡುತ್ತದೆ.
