ಏಪ್ರಿಲ್ 9ರಂದು ಕೇರಳ, ಪುದುಚೇರಿ, ಅಸ್ಸಾಂ, ಕರ್ನಾಟಕ 2 ಕ್ಷೇತ್ರಗಳು ಸೇರಿ 5 ಕ್ಷೇತ್ರಗಳ ಉಪ ಚುನಾವಣೆ ನಡೆಯಲಿದೆ. ಈ ಚುನಾವಣೆಗೆ ನಾಮಪತ್ರ ವಾಪಸ್ ಪಡೆಯಲು ಗುರುವಾರ ಕೊನೆಯ ದಿನವಾಗಿತ್ತು. ಚುನಾವಣಾ ಕಣ ಅಂತಿಮವಾಗಿದ್ದು, ಒಟ್ಟು 2,140 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ.
ಅಸ್ಸಾಂನ 126, ಕೇರಳದ 140, ಪುದುಚೇರಿಯ 30 ಸೇರಿ ಒಟ್ಟು 296 ವಿಧಾನಸಭಾ ಕ್ಷೇತ್ರಗಳಿಗೆ ಏಪ್ರಿಲ್ 9ರಂದು ಮತದಾನ ನಡೆಯಲಿದೆ. ಗೋವಾ 1, ಕರ್ನಾಟಕ 2, ನಾಗಾಲ್ಯಾಂಡ್ 1, ತ್ರಿಪುರ 1 ಸೇರಿ 5 ಕ್ಷೇತ್ರಗಳಿಗೂ ಮತದಾನ ನಡೆಯಲಿದ್ದು, ಮೇ 4ರಂದು ಫಲಿತಾಂಶ ಪ್ರಕಟವಾಗಲಿದೆ.
ಅಭ್ಯರ್ಥಿಗಳ ಸಂಖ್ಯೆ: ಅಸ್ಸಾಂನಲ್ಲಿ 126 ಕ್ಷೇತ್ರಗಳಲ್ಲಿ 789. ಕೇರಳದ 140 ಕ್ಷೇತ್ರಗಳಲ್ಲಿ 985. ಪುದುಚೇರಿಯ 30 ಕ್ಷೇತ್ರಗಳಲ್ಲಿ 366 ಸೇರಿ ಒಟ್ಟು 2,140 ಅಭ್ಯರ್ಥಿಗಳು ಕಣದಲ್ಲಿ ಉಳಿದಿದ್ದಾರೆ.
ಗೋವಾದ 1 ಕ್ಷೇತ್ರದಲ್ಲಿ 3, ಕರ್ನಾಟಕದ 2 ಕ್ಷೇತ್ರದಲ್ಲಿ 50, ನಾಗಾಲ್ಯಾಂಡ್ 1 ಕ್ಷೇತ್ರದಲ್ಲಿ 7, ತ್ರಿಪುರದ 1 ಕ್ಷೇತ್ರದಲ್ಲಿ 6 ಸೇರಿ ಒಟ್ಟು 66 ಅಭ್ಯರ್ಥಿಗಳು ಉಪ ಚುನಾವಣೆ ಕಣದಲ್ಲಿದ್ದಾರೆ. ಎಲ್ಲರ ಭವಿಷ್ಯ ಏಪ್ರಿಲ್ 9ರಂದು ಮತಪೆಟ್ಟಿಗೆ ಸೇರಲಿದ್ದು, ಮೇ 4ರ ತನಕ ಫಲಿತಾಂಶಕ್ಕಾಗಿ ಕಾಯಬೇಕಿದೆ.
ಪಶ್ಚಿಮ ಬಂಗಾಳ ರಾಜ್ಯದಲ್ಲಿ ಏಪ್ರಿಲ್ 23 ಮತ್ತು 29ರಂದು ಎರಡು ಹಂತದಲ್ಲಿ ಮತ್ತು ತಮಿಳುನಾಡು ರಾಜ್ಯದ ವಿಧಾನಸಭೆ ಚುನಾವಣೆ ಏಪ್ರಿಲ್ 23ರಂದು ಒಂದೇ ಹಂತದಲ್ಲಿ ನಡೆಯಲಿದೆ.
