ಇರುವೆ ಎಂದರೆ ನಾವು ಸಾಮಾನ್ಯವಾಗಿ ನಿರ್ಲಕ್ಷ್ಯ ಮಾಡುತ್ತೇವೆ. ಆದರೆ ಪ್ರಕೃತಿಯಲ್ಲಿ ಕೆಲವು ಜಾತಿಯ ಇರುವೆಗಳು ಅತ್ಯಂತ ಭೀಕರವಾದ ವಿಷವನ್ನು ಹೊಂದಿರುತ್ತವೆ ಎಂಬ ವಿಷಯ ತಿಳಿದರೆ ನೀವು ಶಾಕ್ ಆಗುತ್ತೀರಿ. ಹೌದು, ಗಾತ್ರದಲ್ಲಿ ಅತ್ಯಂತ ಚಿಕ್ಕದಾಗಿದ್ದರೂ, ತಮ್ಮ ವಿಷದಿಂದ ಮನುಷ್ಯರನ್ನೇ ಕೊಲ್ಲಬಲ್ಲ ಶಕ್ತಿ ಹೊಂದಿರುವ 4 ಪ್ರಮುಖ ಜಾತಿಯ ಇರುವೆಗಳ ವಿವರ ಇಲ್ಲಿದೆ.
ವಿಶ್ವದ 4 ಅತ್ಯಂತ ಅಪಾಯಕಾರಿ ಇರುವೆಗಳು
1. ಬುಲ್‌ಡಾಗ್ ಇರುವೆ(Bulldog Ant): ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಪ್ರಕಾರ ಇದು ವಿಶ್ವದ ಅತ್ಯಂತ ಅಪಾಯಕಾರಿ ಇರುವೆ. ಪ್ರಮುಖವಾಗಿ ಆಸ್ಟ್ರೇಲಿಯಾದಲ್ಲಿ ಕಂಡುಬರುವ ಈ ಇರುವೆ, ತನ್ನ ದವಡೆಗಳಿಂದ ಗಟ್ಟಿಯಾಗಿ ಹಿಡಿದುಕೊಂಡು, ದೇಹದ ಹಿಂಭಾಗದಲ್ಲಿರುವ ಮುಳ್ಳಿನಿಂದ ವಿಷವನ್ನು ಚುಚ್ಚುತ್ತದೆ. ಇದರ ಕಚ್ಚುವಿಕೆಯಿಂದ ಕೇವಲ 15 ನಿಮಿಷಗಳಲ್ಲಿ ಮನುಷ್ಯ ಪ್ರಾಣ ಕಳೆದುಕೊಳ್ಳುವ ಸಾಧ್ಯತೆ ಇರುತ್ತದೆ.
2. . ಫೈರ್ ಆಂಟ್ಸ್ ಅಥವಾ ಕೆಂಪು ಇರುವೆಗಳು (Fire Ants): ದಕ್ಷಿಣ ಅಮೆರಿಕಾದಲ್ಲಿ ಉಗಮವಾಗಿ ಈಗ ಏಷ್ಯಾ ಮತ್ತು ಆಸ್ಟ್ರೇಲಿಯಾದಲ್ಲಿ ಹರಡಿವೆ. ಇವು ಸಮೂಹವಾಗಿ ದಾಳಿ ಮಾಡುತ್ತವೆ. ಇವು ಕಚ್ಚಿದಾಗ ಚರ್ಮದ ಮೇಲೆ ಬೆಂಕಿಯಿಂದ ಸುಟ್ಟಂತಹ ವಿಪರೀತ ಉರಿ ಉಂಟಾಗುತ್ತದೆ. ಅಲರ್ಜಿ ಇರುವವರಿಗೆ ಇವುಗಳ ವಿಷ ಪ್ರಾಣಾಂತಿಕವಾಗಬಲ್ಲದು.
3. ಫ್ಲೋರಿಡಾ ಹಾರ್ವೆಸ್ಟರ್ ಇರುವೆ (Florida Harvester Ant): ಅಮೆರಿಕದ ಫ್ಲೋರಿಡಾ ಭಾಗದಲ್ಲಿ ಇವು ಹೆಚ್ಚಾಗಿ ಕಂಡುಬರುತ್ತವೆ. ಇವು ನೋಡಲು ಸಾಮಾನ್ಯವಾಗಿದ್ದರೂ, ಇವುಗಳ ವಿಷ ಬಹಳ ಶಕ್ತಿಶಾಲಿ. ಇವು ಕಚ್ಚಿದ ಜಾಗದಲ್ಲಿ ತೀವ್ರವಾದ ಬಾವು, ಕೆಂಪಾಗುವುದು ಮತ್ತು ತಡೆಯಲಾಗದ ನೋವು ಉಂಟಾಗುತ್ತದೆ. ಇವು ತಮ್ಮ ಗೂಡನ್ನು ರಕ್ಷಿಸಿಕೊಳ್ಳಲು ಬಹಳ ಆಕ್ರಮಣಕಾರಿಯಾಗಿ ದಾಳಿ ಮಾಡುತ್ತವೆ.
4. ಗ್ರೀನ್ ಟ್ರೀ ಆಂಟ್ಸ್ (Green Tree Ants): ಆಸ್ಟ್ರೇಲಿಯಾ ಮತ್ತು ಆಗ್ನೇಯ ಏಷ್ಯಾದ ಕಾಡುಗಳಲ್ಲಿ ವಾಸಿಸುವ ಇವು ಮರಗಳ ಎಲೆಗಳ ಮೇಲೆ ದೊಡ್ಡ ಗೂಡುಗಳನ್ನು ಕಟ್ಟುತ್ತವೆ. ಯಾರಾದರೂ ಇವುಗಳ ಗೂಡನ್ನು ಮುಟ್ಟಿದರೆ ಸಾವಿರಾರು ಸಂಖ್ಯೆಯಲ್ಲಿ ಇರುವೆಗಳು ಒಮ್ಮೆಗೆ ದಾಳಿ ಮಾಡುತ್ತವೆ. ಇವುಗಳ ಕಚ್ಚುವಿಕೆಯಿಂದ ತೀವ್ರ ಸುಸ್ತು ಮತ್ತು ಪ್ರಜ್ಞೆ ತಪ್ಪುವ ಸಾಧ್ಯತೆ ಇರುತ್ತದೆ.
ಗಮನಿಸಬೇಕಾದ ಮತ್ತೊಂದು ವಿಷಯ
ಇವುಗಳ ಜೊತೆಗೆ ‘ಬುಲೆಟ್ ಆಂಟ್‘ (Bullet Ant) ಕೂಡ ಬಹಳ ಅಪಾಯಕಾರಿ. ಇದು ಕಚ್ಚಿದಾಗ ಆಗುವ ನೋವು ಪಿಸ್ತೂಲಿನ ಗುಂಡು ತಗುಲಿದಷ್ಟೇ ತೀವ್ರವಾಗಿರುತ್ತದೆ ಎಂದು ಹೇಳಲಾಗುತ್ತದೆ. ಕಾಡುಗಳಿಗೆ ಅಥವಾ ಅಪರಿಚಿತ ಪ್ರದೇಶಗಳಿಗೆ ಹೋದಾಗ ಇಂತಹ ಕೀಟಗಳ ಬಗ್ಗೆ ಜಾಗರೂಕರಾಗಿರುವುದು ಉತ್ತಮ.
