ಇತ್ತೀಚಿನ ದಿನಗಳಲ್ಲಿ ಯುವಪೀಳಿಗೆ ಕೃಷಿಯತ್ತ ಮುಖ ಮಾಡುತ್ತಿದೆ. ಆದರೆ ‘ಯಾವ ಬೆಳೆ ಬೆಳೆದರೆ ಲಾಭ?’ ಎನ್ನುವ ಗೊಂದಲ ಎಲ್ಲರಲ್ಲೂ ಇರುತ್ತದೆ. ಅಂತಹವರಿಗಾಗಿ ಇಲ್ಲಿದೆ ಒಂದು ಭರ್ಜರಿ ಐಡಿಯಾ. ಕಡಿಮೆ ಹೂಡಿಕೆಯಲ್ಲಿ, ದೀರ್ಘಕಾಲದವರೆಗೆ ಲಾಭ ತಂದುಕೊಡುವ ಬೆಳೆ ಎಂದರೆ ಅದು ಅಲೋವೆರಾ (ಲೋಳೆಸರ).
ಒಮ್ಮೆ ಬಿತ್ತನೆ – 5 ವರ್ಷ ಹರಿವು
ಅಲೋವೆರಾ ಕೃಷಿಯ ವಿಶೇಷತೆಯೆಂದರೆ, ನೀವು ಒಮ್ಮೆ ಸಸಿ ನೆಟ್ಟರೆ ಮುಂದಿನ 5 ವರ್ಷಗಳವರೆಗೆ ಸತತವಾಗಿ ಇಳುವರಿ ಪಡೆಯಬಹುದು. ಮಾರುಕಟ್ಟೆಯಲ್ಲಿ ಸೌಂದರ್ಯವರ್ಧಕ ಮತ್ತು ಔಷಧೀಯ ಉತ್ಪನ್ನಗಳಿಗೆ ಅಲೋವೆರಾದ ಬೇಡಿಕೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಆದ್ದರಿಂದ ಮಾರುಕಟ್ಟೆಯ ಕುಸಿತದ ಭೀತಿ ಇಲ್ಲಿ ಕಡಿಮೆ.
ಲೆಕ್ಕಾಚಾರ ಹೇಗಿದೆ?
ಹೂಡಿಕೆ: ಕೇವಲ 40 ಸಾವಿರ ರೂಪಾಯಿಗಳಿಂದ ನೀವು ಈ ಕೃಷಿಯನ್ನು ಆರಂಭಿಸಬಹುದು.
ಇಳುವರಿ: ಒಂದು ಎಕರೆ ಪ್ರದೇಶದಲ್ಲಿ ವರ್ಷಕ್ಕೆ ಅಂದಾಜು 20 ಸಾವಿರ ಕಿಲೋಗ್ರಾಂ ಅಲೋವೆರಾ ಉತ್ಪಾದನೆಯಾಗುತ್ತದೆ.
ಲಾಭ: ಮಾರುಕಟ್ಟೆಯಲ್ಲಿ ತಾಜಾ ಎಲೆಗಳು ಕೆಜಿಗೆ 5 ರಿಂದ 6 ರೂ.ಗೆ ಮಾರಾಟವಾಗುತ್ತವೆ. ಅಂದರೆ, ಎಂತಹ ಕಠಿಣ ಪರಿಸ್ಥಿತಿಯಲ್ಲೂ ನಿಮ್ಮ ಹೂಡಿಕೆಯ 5 ಪಟ್ಟು ಲಾಭ ಗಳಿಸುವ ಅವಕಾಶ ಇಲ್ಲಿದೆ.
ಉದ್ಯಮಿಯಾಗುವ ಅವಕಾಶ
ಕೇವಲ ಎಲೆಗಳನ್ನು ಮಾರಾಟ ಮಾಡುವುದಷ್ಟೇ ಅಲ್ಲದೆ, ನೀವೇ ಅಲೋವೆರಾ ಜ್ಯೂಸ್, ಜೆಲ್ ಅಥವಾ ಪೌಡರ್ ತಯಾರಿಸಿ ಮಾರಾಟ ಮಾಡಿದರೆ ನಿಮ್ಮ ಆದಾಯ ದುಪ್ಪಟ್ಟಾಗುವುದರಲ್ಲಿ ಸಂಶಯವಿಲ್ಲ.
ಅಲೋವೆರಾ ಸಸಿಗಳು ಎಲ್ಲಿ ಸಿಗುತ್ತವೆ?
ನಿಮ್ಮ ಜಿಲ್ಲೆಯ ತೋಟಗಾರಿಕೆ ಇಲಾಖೆ (Horticulture Department) ಅಥವಾ ಕೃಷಿ ವಿಜ್ಞಾನ ಕೇಂದ್ರಗಳನ್ನು (KVK) ಸಂಪರ್ಕಿಸಿದರೆ ಕಡಿಮೆ ದರದಲ್ಲಿ ಗುಣಮಟ್ಟದ ಸಸಿಗಳು ಸಿಗುತ್ತವೆ.
ಖಾಸಗಿ ನರ್ಸರಿಗಳು: ಆಂಧ್ರಪ್ರದೇಶ, ತಮಿಳುನಾಡು ಮತ್ತು ಕರ್ನಾಟಕದ ತುಮಕೂರು, ಚಿತ್ರದುರ್ಗ ಭಾಗದ ನರ್ಸರಿಗಳಲ್ಲಿ ಅಲೋವೆರಾ ಸಸಿಗಳು ಸಗಟು ದರದಲ್ಲಿ ಲಭ್ಯವಿರುತ್ತವೆ.
ಕೃಷಿ ಮಾಡುವುದು ಹೇಗೆ?
ಸಮಯ: ಫೆಬ್ರವರಿಯಿಂದ ನವೆಂಬರ್ ವರೆಗೆ ಬಿತ್ತನೆಗೆ ಸಕಾಲ.
ವಿಧಾನ: ಪ್ರತಿಯೊಂದು ಗಿಡದ ನಡುವೆ 2 ಅಡಿ ಅಂತರವಿರಲಿ.
ಕೊಯ್ಲು: ವರ್ಷಕ್ಕೆ ಎರಡು ಬಾರಿ ಎಲೆಗಳನ್ನು ಕಟಾವು ಮಾಡಬಹುದು.
ಕಡಿಮೆ ನೀರು: ಅಲೋವೆರಾಕ್ಕೆ ಅತಿ ಹೆಚ್ಚು ನೀರಿನ ಅವಶ್ಯಕತೆ ಇಲ್ಲ, ಒಣ ಭೂಮಿಯಲ್ಲೂ ಬೆಳೆಯಬಹುದು.
ಸ್ಥಿರ ಬೇಡಿಕೆ: ಆಯುರ್ವೇದ ಮತ್ತು ಕಾಸ್ಮೆಟಿಕ್ ಕಂಪನಿಗಳಿಂದ ಸದಾ ಡಿಮ್ಯಾಂಡ್.
ಬಂಪರ್ ಲಾಭ: ಸರಾಸರಿ ಒಂದು ಗಿಡದ ಎಲೆಗಳಿಂದಲೇ 18 ರೂ. ಆದಾಯ ಗಳಿಸಬಹುದು.
ದೀರ್ಘಾವಧಿ ಲಾಭ: ಒಂದು ಬಾರಿ ಸಸಿ ನೆಟ್ಟರೆ ಮುಂದಿನ 5 ವರ್ಷಗಳವರೆಗೆ ನಿರಂತರ ಇಳುವರಿ.
ಆಯುರ್ವೇದ, ಸೌಂದರ್ಯವರ್ಧಕ (Cosmetics) ಮತ್ತು ಜ್ಯೂಸ್ ಕಂಪನಿಗಳಿಂದ ಸದಾ ಬೇಡಿಕೆ ಇರುತ್ತದೆ.
ವರ್ಷಕ್ಕೆ ಒಂದು ಎಕರೆಯಲ್ಲಿ ಸುಮಾರು 20,000 ಕೆಜಿ ಅಲೋವೆರಾ ಉತ್ಪಾದನೆ ಸಾಧ್ಯ.
