ಭೂತಾನ್ ನಲ್ಲೂ ‘ಪ್ರಧಾನಿ ಮೋದಿ’ ಹವಾ ; 45 ಕಿ.ಮೀ ಸಾಲುಗಟ್ಟಿ ನಿಂತು ಸ್ವಾಗತ ಕೋರಿದ ಜನ |Video

ಥಿಂಪು(ಭೂತಾನ್) : ಎರಡು ದಿನಗಳ ಭೂತಾನ್ ಪ್ರವಾಸದಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಭೂತಾನ್ ಜನರಿಂದ ಆತ್ಮೀಯ ಸ್ವಾಗತ ದೊರೆಯಿತು.

45 ಕಿ.ಮೀ ಗೂ ಗೂ ಹೆಚ್ಚು ದೂರ ಸಾಲುಗಟ್ಟಿ ನಿಂತ ಜನರು ಪ್ರಧಾನಿ ಮೋದಿಗೆ ಸ್ವಾಗತ ಕೋರಿದರು.
ಭೂತಾನ್ ನಲ್ಲಿ ಪ್ರಧಾನಿ ಮೋದಿಗೆ ಅಭೂತಪೂರ್ವ ಸ್ವಾಗತ ಕೋರಲು, ಪಾರೋ ವಿಮಾನ ನಿಲ್ದಾಣದಿಂದ ರಾಷ್ಟ್ರ ರಾಜಧಾನಿ ಥಿಂಪುವರೆಗಿನ 45 ಕಿ.ಮೀ ಉದ್ದಕ್ಕೂ ಜನರು ಬೀದಿಗಳಲ್ಲಿ ಸಾಲುಗಟ್ಟಿ ನಿಂತಿದ್ದರು. ಪಾರೋದಿಂದ ಥಿಂಪುವರೆಗಿನ 45 ಕಿ.ಮೀ ಉದ್ದಕ್ಕೂ ಮಾನವ ಗೋಡೆ ಇದ್ದಂತೆ ಮತ್ತು ಇಡೀ ಭೂತಾನ್ ಜನತೆ ರಸ್ತೆಗಳಲ್ಲಿತ್ತು.

ಥಿಂಪುಗೆ ಆಗಮಿಸಿದ ಪ್ರಧಾನಿ ಮೋದಿ ಭೂತಾನ್ ಜನರಿಗೆ ಶುಭಾಶಯ ಕೋರಿದರು ಮತ್ತು ಬೀದಿಗಳಲ್ಲಿ ನಿಂತಿರುವ ಜನರೊಂದಿಗೆ ಸಂವಹನ ನಡೆಸಿದರು. ಭೂತಾನ್ ನ ಪಾರೋ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಂದಿಳಿದ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಪಾರೋ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಆತ್ಮೀಯವಾಗಿ ಬರಮಾಡಿಕೊಳ್ಳಲಾಯಿತು.

ಭೂತಾನ್ ಸಶಸ್ತ್ರ ಪಡೆಗಳಿಂದ ಪ್ರಧಾನಿ ಮೋದಿ ಅವರಿಗೆ ವಿಮಾನ ನಿಲ್ದಾಣದಲ್ಲಿ ಭವ್ಯ ಗೌರವ ರಕ್ಷೆ ನೀಡಲಾಯಿತು. ಭೂತಾನ್ ಭೇಟಿಯ ಸಮಯದಲ್ಲಿ, ಪಿಎಂ ಮೋದಿ ಭಾರತ-ಭೂತಾನ್ ದ್ವಿಪಕ್ಷೀಯ ಪಾಲುದಾರಿಕೆಯನ್ನು ಮತ್ತಷ್ಟು ಹೆಚ್ಚಿಸುವ ವಿವಿಧ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲಿದ್ದಾರೆ.