ಇನ್ಸ್ಟಾಗ್ರಾಮ್ ರೀಲ್ಸ್ಗಳ ಹುಚ್ಚು ಚಿಕ್ಕಮಕ್ಕಳನ್ನೂ ಬಿಟ್ಟಿಲ್ಲ. ಅಂಥದ್ದೇ ಒಂದು ವಿಡಿಯೋ ಈಗ ವೈರಲ್ ಅಗಿದೆ.
ಬಾಲಕಿಯೊಬ್ಬಳು ಇನ್ನೊಬ್ಬಳನ್ನು ಕೇಳುವುದರೊಂದಿಗೆ ಈ ವಿಡಿಯೋ ಪ್ರಾರಂಭವಾಗುತ್ತದೆ. “ಗೈಸ್, ತೇರೆ ಇಂಡಿಯಾ ಮೆ ಕ್ಯಾ ಚಲ್ ರಹಾ ಹೈ ( ನಿಮ್ಮ ಭಾರತದಲ್ಲಿ ಏನು ಟ್ರೆಂಡಿಂಗ್ ಆಗಿದೆ)?” ಎಂದು ಒಬ್ಬ ಬಾಲಕಿ ಇನ್ನೊಬ್ಬಳಿಗೆ ಕೇಳುತ್ತಾಳೆ.ಆದರೆ ಇನ್ನೊಬ್ಬ ಬಾಲಕಿ, “ಮೇರೆ ಇಂಡಿಯಾ ಮೆ…… (ನನ್ನ ಭಾರತದಲ್ಲಿ)” ಎಂದು ಡಾನ್ಸ್ ಮಾಡಲು ಶುರು ಮಾಡುತ್ತಾಳೆ.
‘ಮೇರಾ ದಿಲ್ ಯೇ ಪುಕರೆ ಆಜಾ’ ಎಂಬ ವೈರಲ್ ಹಾಡಿಗೆ ಬಾಲಕಿ ಹಾಡುತ್ತಾ ನೃತ್ಯ ಮಾಡುತ್ತಾಳೆ. ಲತಾ ಮಂಗೇಶ್ಕರ್ ಅವರ ಈ ಹಾಡಿಗೆ ಪಾಕಿಸ್ತಾನಿ ಹುಡುಗಿ ಆಯೇಷಾ ಮಾಡಿದ ನೃತ್ಯ ಭಾರಿ ವೈರಲ್ ಆದ ನಂತರ ಈ ಹಾಡಿಗೆ ಭಾರಿ ಡಿಮಾಂಡ್ ಬಂದಿದೆ. ಈ ಹಾಡು ಮತ್ತು ನೃತ್ಯ ಜಾಲತಾಣದಲ್ಲಿ ಕೋಲಾಹಲವನ್ನು ಸೃಷ್ಟಿಸಿದ್ದು, ಈ ಬಾಲಕಿ ಕೂಡ ಅದರದ್ದೇ ನೃತ್ಯ ಮಾಡಿದ್ದಾಳೆ.
1954 ರ ಹಾಡಿನ ರೀಮಿಕ್ಸ್ ಆವೃತ್ತಿ ಹಾಡೀಗ ಟ್ರೆಂಡ್ ಆಗಿದ್ದು, ನಮ್ಮ ಭಾರತದಲ್ಲಿಯಲ್ಲಿಯೂ ಇದೇ ಟ್ರೆಂಡ್ ಆಗಿದೆ ಎನ್ನುವ ಮೂಲಕ ಬಾಲಕಿ ನೃತ್ಯ ಮಾಡಿರುವುದು ಜನರ ಮನಸ್ಸು ಗೆದ್ದಿದೆ. ಪುಟಾಣಿ ಮಕ್ಕಳ ನೃತ್ಯಕ್ಕೆ ನೆಟ್ಟಿಗರು ಫಿದಾ ಆಗಿದ್ದಾರೆ.
