ಹಾಲಿವುಡ್‌ನ ಪ್ರಸಿದ್ಧ ಹಾರರ್ ಥ್ರಿಲ್ಲರ್ ಸಿನಿಮಾ ‘ಒಬ್ಸೆಷನ್’ (Obsession) ಹಿಂದಿ ಅವತರಣಿಕೆಯಲ್ಲಿ ಬಾಲಿವುಡ್ ತಾರೆಯರಾದ ಕೃತಿ ಸನೋನ್ ಮತ್ತು ವರುಣ್ ಧವನ್ ಧ್ವನಿ ನೀಡಿದ್ದಾರೆ. ಜಿಯೋಹಾಟ್‌ಸ್ಟಾರ್‌ನ ದ ಪೀಕಾಕ್ ಹಬ್‌ನಲ್ಲಿ ಪ್ರಸಾರವಾಗಲಿರುವ ಈ ಚಿತ್ರದ ಪ್ರಚಾರಕ್ಕಾಗಿ ಇಬ್ಬರೂ ನಟರು ಸಿನಿಮಾದ ಪ್ರಸಿದ್ಧ ಹಾರರ್ ದೃಶ್ಯವೊಂದನ್ನು ಮರುಸೃಷ್ಟಿಸಿದ್ದು, ಕೃತಿ ಸನೋನ್ ಅಭಿನಯಕ್ಕೆ ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಪ್ರಶಂಸೆ ವ್ಯಕ್ತವಾಗುತ್ತಿದೆ.
ಇತ್ತೀಚೆಗೆ ಒಟಿಟಿ ಪ್ಲಾಟ್‌ಫಾರ್ಮ್ ಹಂಚಿಕೊಂಡಿರುವ ವಿಡಿಯೋದಲ್ಲಿ, ಕೃತಿ ಮತ್ತು ವರುಣ್ ಒಬ್ಸೆಷನ್ ಚಿತ್ರದ ಕಂಟಕಕಾರಿ ‘ನೋ ನೋ ನೋ ನೋ…’ ದೃಶ್ಯವನ್ನು ರೀ-ಕ್ರಿಯೇಟ್ ಮಾಡಿದ್ದಾರೆ. ಈ ದೃಶ್ಯದಲ್ಲಿ ಕೃತಿ ಸನೋನ್ ನೀಡಿದ ಎಕ್ಸ್‌ಪ್ರೆಶನ್ ಹಾಗೂ ಅಭಿನಯವನ್ನು ಕಂಡು ನೆಟ್ಟಿಗರು ದಂಗಾಗಿದ್ದು, ಅವರ ಹಾರರ್ ನಟನೆಯನ್ನು ಮುಕ್ತಕಂಠದಿಂದ ಹೊಗಳುತ್ತಿದ್ದಾರೆ. ಕೃತಿ ಸನೋನ್ ಮುಂದೆ ಮ್ಯಾಡಾಕ್ ಫಿಲ್ಮ್ಸ್ ನಿರ್ಮಿಸಲಿರುವ ಲೇಡಿ-ಒರಿಯೆಂಟೆಡ್ ಹಾರರ್ ಸಿನಿಮಾದಲ್ಲಿ ನಟಿಸಲಿದ್ದು, ಈ ಒಬ್ಸೆಷನ್ ಪ್ರೋಮೋದಲ್ಲಿ ಅವರ ಅಭಿನಯ ನೋಡಿದ ಅಭಿಮಾನಿಗಳಿಗೆ ಆ ಮುಂಬರುವ ಹಾರರ್ ಚಿತ್ರದ ಮೇಲಿನ ನಿರೀಕ್ಷೆ ದ್ವಿಗುಣಗೊಂಡಿದೆ.
ಅಂದಹಾಗೆ ‘ಒಬ್ಸೆಷನ್’ ಸಿನಿಮಾ ಭಾರತೀಯ ಬಾಕ್ಸ್ ಆಫೀಸ್‌ನಲ್ಲಿ 79.80 ಕೋಟಿ ರೂಪಾಯಿ ನಿವ್ವಳ ಗಳಿಕೆ ಹಾಗೂ 95.02 ಕೋಟಿ ರೂಪಾಯಿ ಒಟ್ಟು ಗಳಿಕೆ ಮಾಡುವ ಮೂಲಕ ಭಾರಿ ಯಶಸ್ಸು ಕಂಡಿತ್ತು. ಇದೀಗ ಈ ಥ್ರಿಲ್ಲರ್ ಸಿನಿಮಾ ಅಕ್ಟೋಬರ್ 30, 2026 ರಂದು ಜಿಯೋಹಾಟ್‌ಸ್ಟಾರ್ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ ಬಿಡುಗಡೆಯಾಗಲಿದೆ.
