ಬೆಂಗಳೂರು: ರಾಜ್ಯ ಪೊಲೀಸ್ ಇಲಾಖೆಯಲ್ಲಿ ಆಡಳಿತಾತ್ಮಕ ಹಿತದೃಷ್ಟಿಯಿಂದ ಮಹತ್ವದ ಬದಲಾವಣೆ ಮಾಡಲಾಗಿದೆ. ಒಟ್ಟು 19 ಸಿವಿಲ್ ಪೊಲೀಸ್ ಇನ್ಸ್‌ಪೆಕ್ಟರ್‌ಗಳನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ವರ್ಗಾವಣೆ ಹಾಗೂ ವಿವಿಧ ಸ್ಥಳಗಳಿಗೆ ನಿಯೋಜಿಸಿ ಪೊಲೀಸ್ ಮಹಾನಿರ್ದೇಶಕರು ಮತ್ತು ಮಹಾನಿರೀಕ್ಷಕರ (ಡಿಜಿ-ಐಜಿಪಿ) ಕಚೇರಿ ಆದೇಶ ಹೊರಡಿಸಿದೆ.
ಪೊಲೀಸ್ ಸಿಬ್ಬಂದಿ ಮಂಡಳಿಯ ಸಭೆಯಲ್ಲಿ ಕೈಗೊಂಡ ತೀರ್ಮಾನದಂತೆ ಈ ವರ್ಗಾವಣೆ ಪ್ರಕ್ರಿಯೆ ನಡೆದಿದೆ. ಕರ್ನಾಟಕ ಲೋಕಾಯುಕ್ತ, ಬೆಸ್ಕಾಂ, ಹೆಸ್ಕಾಂ ಮತ್ತು ಜೆಸ್ಕಾಂನ ಜಾಗೃತ ದಳಗಳು, ಪೊಲೀಸ್ ತರಬೇತಿ ಶಾಲೆಗಳು ಸೇರಿದಂತೆ ವಿವಿಧ ವಿಭಾಗಗಳಿಗೆ ಅಧಿಕಾರಿಗಳನ್ನು ನಿಯೋಜಿಸಲಾಗಿದೆ.
ವರ್ಗಾವಣೆಗೊಂಡ ಅಧಿಕಾರಿಗಳು ತಮ್ಮ ಪ್ರಸ್ತುತ ಕರ್ತವ್ಯದಿಂದ ತಕ್ಷಣ ಬಿಡುಗಡೆಗೊಂಡು, ಹೊಸದಾಗಿ ನಿಯೋಜಿಸಿರುವ ಸ್ಥಳದಲ್ಲಿ ವರದಿ ಮಾಡಿಕೊಳ್ಳುವಂತೆ ಆದೇಶದಲ್ಲಿ ಸೂಚಿಸಲಾಗಿದೆ.
ಯಾವ ಅಧಿಕಾರಿಗೆ ಎಲ್ಲಿಗೆ ವರ್ಗಾವಣೆ?
ವರ್ಗಾವಣೆ ಆದೇಶದ ಪ್ರಕಾರ, ಕೆಲವು ಅಧಿಕಾರಿಗಳಿಗೆ ಹೊಸ ಪೊಲೀಸ್ ಠಾಣೆಗಳಲ್ಲಿ ಜವಾಬ್ದಾರಿ ನೀಡಲಾಗಿದ್ದರೆ, ಇನ್ನು ಕೆಲವರನ್ನು ಲೋಕಾಯುಕ್ತ ಮತ್ತು ವಿವಿಧ ವಿದ್ಯುತ್ ಸರಬರಾಜು ಕಂಪನಿಗಳ ಜಾಗೃತ ದಳಗಳಿಗೆ ನಿಯೋಜಿಸಲಾಗಿದೆ. ಒಬ್ಬ ಅಧಿಕಾರಿಯ ಹಿಂದಿನ ವರ್ಗಾವಣೆ ಆದೇಶವನ್ನು ರದ್ದುಪಡಿಸಿ, ಅದೇ ಸ್ಥಳದಲ್ಲಿ ಮುಂದುವರಿಸಲು ಸೂಚಿಸಲಾಗಿದೆ.
ವರ್ಗಾವಣೆಗೊಂಡ 19 ಪೊಲೀಸ್ ಇನ್ಸ್‌ಪೆಕ್ಟರ್‌ಗಳ ಪಟ್ಟಿ
1. ಕುಮಾರ್ ಎ.ವಿ. — ಬೆಂಗಳೂರು ನಗರ ವಿಶೇಷ ಶಾಖೆಯಿಂದ ತಿರುಮಕೂಡ್ಲು ಪೊಲೀಸ್ ಠಾಣೆ, ಮೈಸೂರು ಜಿಲ್ಲೆಗೆ.
2. ಸುಂದರ — ತಿರುಮಕೂಡ್ಲು ಪೊಲೀಸ್ ಠಾಣೆ, ಮೈಸೂರು ಜಿಲ್ಲೆಯಿಂದ ಕರ್ನಾಟಕ ಲೋಕಾಯುಕ್ತಕ್ಕೆ.
3. ರಮೇಶ್ ಸೀತಪ್ಪ ಲಮಾಣಿ — ಕರ್ನಾಟಕ ಲೋಕಾಯುಕ್ತದಿಂದ ಹೊಸಪೇಟೆ ಟೌನ್ ಪೊಲೀಸ್ ಠಾಣೆ, ವಿಜಯನಗರ ಜಿಲ್ಲೆಗೆ.
4. ಅಶ್ವಿನ್ ಕುಮಾರ್ ಆರ್.ಜಿ. — ಆಂತರಿಕ ಭದ್ರತಾ ವಿಭಾಗದಿಂದ ಸಾಗರ ಗ್ರಾಮಾಂತರ ಪೊಲೀಸ್ ಠಾಣೆ, ಶಿವಮೊಗ್ಗ ಜಿಲ್ಲೆಗೆ.
5. ಮಂಜುನಾಥ ಬಿ. ನಡವಿನಮನಿ — ಕರ್ನಾಟಕ ಲೋಕಾಯುಕ್ತದಿಂದ ಹೆಸ್ಕಾಂ ಜಾಗೃತ ದಳ, ಕಾರವಾರಕ್ಕೆ.
6. ಗೋಪಾಲ್ ಆರ್. — ಹೆಸ್ಕಾಂ ಜಾಗೃತ ದಳ, ಕಾರವಾರದಿಂದ ಕರ್ನಾಟಕ ಲೋಕಾಯುಕ್ತಕ್ಕೆ.
7. ವಿಜಯಕುಮಾರ್ — ಡಿ.ಸಿ.ಆರ್.ಬಿ., ಕಲಬುರಗಿಯಿಂದ ಜೆಸ್ಕಾಂ ಜಾಗೃತ ದಳ, ಬೀದರ್‌ಗೆ.
8. ದೇವೇಂದ್ರಪ್ಪ ಕೆ.ಎಸ್. — ಸಿ.ಸಿ.ಬಿ., ಬೆಂಗಳೂರು ನಗರದಿಂದ ಬೆಸ್ಕಾಂ ಜಾಗೃತ ದಳ, ಕೋಲಾರಕ್ಕೆ.
9. ರಾಘವೇಂದ್ರ ಹೆಚ್. ಹಳ್ಳೂರು — ರಾಜ್ಯ ಗುಪ್ತವಾರ್ತೆಗೆ ವರ್ಗಾವಣೆ ಆದೇಶ ರದ್ದು; ಪೊಲೀಸ್ ತರಬೇತಿ ಶಾಲೆ, ಧಾರವಾಡದಲ್ಲೇ ಮುಂದುವರಿಕೆ.
10. ಪ್ರವೀಣ್ ಜಿ. ನೀಲಮ್ಮನವರ್ — ಪೊಲೀಸ್ ತರಬೇತಿ ಶಾಲೆ, ಧಾರವಾಡದಿಂದ ಕರ್ನಾಟಕ ಲೋಕಾಯುಕ್ತಕ್ಕೆ.
11. ದೇವಾನಂದ ಎಸ್. — ಡಿ.ಎಸ್.ಬಿ., ಚಿಕ್ಕಮಗಳೂರಿನಿಂದ ನಗರ ವಿಶೇಷ ಶಾಖೆ, ಹುಬ್ಬಳ್ಳಿ-ಧಾರವಾಡಕ್ಕೆ.
12. ಮಹೆಬೂಬಾಲಿ ಎಂ. ನದಾಫ್ — ನಗರ ವಿಶೇಷ ಶಾಖೆ, ಹುಬ್ಬಳ್ಳಿ-ಧಾರವಾಡದಿಂದ ಕರ್ನಾಟಕ ಲೋಕಾಯುಕ್ತಕ್ಕೆ.
13. ಅನಿತಾ ಕುಮಾರಿ ಎಂ. — ಆಂತರಿಕ ಭದ್ರತಾ ವಿಭಾಗದಿಂದ ಪೊಲೀಸ್ ತರಬೇತಿ ಶಾಲೆ, ಥಣಿಸಂದ್ರ, ಬೆಂಗಳೂರಿಗೆ.
14. ಅಣ್ಣಪ್ಪಗೌಡ ಪಾಟೀಲ್ — ಪೊಲೀಸ್ ತರಬೇತಿ ಶಾಲೆ, ಥಣಿಸಂದ್ರ, ಬೆಂಗಳೂರಿನಿಂದ ಕರ್ನಾಟಕ ಲೋಕಾಯುಕ್ತಕ್ಕೆ.
15. ಕಿರಣ್ ಎಸ್.ಆರ್. — ಡಿ.ಸಿ.ಆರ್.ಬಿ., ಚಾಮರಾಜನಗರದಿಂದ ಕರ್ನಾಟಕ ಲೋಕಾಯುಕ್ತಕ್ಕೆ.
16. ಸಿದ್ಧೇಶ್ ಆರ್. — ಸಿ.ಸಿ.ಬಿ., ಬೆಂಗಳೂರು ನಗರದಿಂದ ಕರ್ನಾಟಕ ಲೋಕಾಯುಕ್ತಕ್ಕೆ.
17. ಬಸವರಾಜ್ ಎಂ. ಅಡಕಿ — ಕರ್ನಾಟಕ ಲೋಕಾಯುಕ್ತದಿಂದ ಸಿಐಡಿಗೆ ವರ್ಗಾವಣೆಗೊಂಡು ಸ್ಥಳ ನಿಯುಕ್ತಿಗಾಗಿ ಕಾಯುತ್ತಿದ್ದವರು; ಈಗ ಪೊಲೀಸ್ ತರಬೇತಿ ಶಾಲೆ, ಖಾನಾಪುರಕ್ಕೆ.
18. ಶೇಖರ್ ಧರ್ಮಾರ್ — ಪೊಲೀಸ್ ತರಬೇತಿ ಶಾಲೆ, ಖಾನಾಪುರದಿಂದ ಕರ್ನಾಟಕ ಲೋಕಾಯುಕ್ತಕ್ಕೆ.
19. ರಮೇಶ್ ಎಂ. — ಸಿ.ಸಿ.ಬಿ., ಬೆಂಗಳೂರು ನಗರದಿಂದ ವಿ.ವಿ.ಐ.ಪಿ. ಭದ್ರತೆ, ಬೆಂಗಳೂರು ನಗರಕ್ಕೆ.
