ಇಂದಿನ ಹೆಚ್ಚುತ್ತಿರುವ ಹಣದುಬ್ಬರದ ಕಾಲದಲ್ಲಿ ಸರಿಯಾದ ಕಡೆ ಹೂಡಿಕೆ ಮಾಡುವುದು ಬಹಳ ಮುಖ್ಯ. ಏಪ್ರಿಲ್ 20, 1994 ರಂದು ಸ್ಥಾಪನೆಯಾದ LIC ಮ್ಯೂಚುವಲ್ ಫಂಡ್, ಇಂದು ಹೂಡಿಕೆದಾರರ ಪಾಲಿಗೆ ನಂಬಿಕಸ್ತ ಹೆಸರಾಗಿ ಬೆಳೆದಿದೆ. ಎಲ್ಐಸಿ ಪ್ರಾಯೋಜಿತ ಈ ಫಂಡ್, ಡೆಬ್ಟ್ ಮತ್ತು ಈಕ್ವಿಟಿ ವಿಭಾಗಗಳಲ್ಲಿ ಅನೇಕ ಯೋಜನೆಗಳನ್ನು ನಡೆಸುತ್ತಿದೆ. ದೀರ್ಘಾವಧಿಯಲ್ಲಿ ಅದ್ಭುತ ಲಾಭ ನೀಡಿದ ಅಂತಹ 5 ಪ್ರಮುಖ ಯೋಜನೆಗಳ ವಿವರ ಇಲ್ಲಿದೆ:
1. LIC MF ಇನ್ಫ್ರಾಸ್ಟ್ರಕ್ಚರ್ ಫಂಡ್ (Infrastructure Fund)
ಇದು ಅತ್ಯಧಿಕ ಲಾಭ ನೀಡಿದ ಯೋಜನೆಯಾಗಿದೆ. ಕಳೆದ 10 ವರ್ಷಗಳಲ್ಲಿ ಸರಾಸರಿ 18.51% ವಾರ್ಷಿಕ ಲಾಭ ನೀಡಿದೆ. ಯಾರಾದರೂ ಪ್ರತಿ ತಿಂಗಳು ₹10,000 ಎಸ್ಐಪಿ (SIP) ಮಾಡಿದ್ದರೆ, ಇಂದು ಅವರ ಫಂಡ್ ಮೌಲ್ಯ ಸುಮಾರು ₹34.73 ಲಕ್ಷ ಆಗಿರುತ್ತಿತ್ತು.
- ಒಟ್ಟು ಆಸ್ತಿ: ₹905 ಕೋಟಿ
- ವೆಚ್ಚದ ಅನುಪಾತ (Expense Ratio): 1.01%
2. LIC MF ಲಾರ್ಜ್ ಅಂಡ್ ಮಿಡ್ ಕ್ಯಾಪ್ ಫಂಡ್ (Large & Mid Cap Fund)
ಈ ಯೋಜನೆಯು ಕಳೆದ 10 ವರ್ಷಗಳಲ್ಲಿ 16.18% ವಾರ್ಷಿಕ ಲಾಭ ನೀಡಿದೆ. ತಿಂಗಳಿಗೆ ₹10,000 ಎಸ್ಐಪಿ ಮಾಡುವುದರಿಂದ 10 ವರ್ಷಗಳಲ್ಲಿ ಸುಮಾರು ₹29.98 ಲಕ್ಷ ಮೊತ್ತ ಸಂಗ್ರಹವಾಗುತ್ತಿತ್ತು.
- ಒಟ್ಟು ಆಸ್ತಿ: ₹2,710 ಕೋಟಿ
- ಬೆೆಂಚ್ ಮಾರ್ಕ್: ನಿಫ್ಟಿ ಲಾರ್ಜ್ ಮಿಡ್ ಕ್ಯಾಪ್ 250 TRI.
3. LIC MF ನಿಫ್ಟಿ ನೆಕ್ಸ್ಟ್ 50 ಇಂಡೆಕ್ಸ್ ಫಂಡ್ (Nifty Next 50 Index Fund)
ಈ ಯೋಜನೆಯ 10 ವರ್ಷಗಳ ವಾರ್ಷಿಕ ಲಾಭ 14.41% ರಷ್ಟಿದೆ. ₹10,000 ಎಸ್ಐಪಿಯೊಂದಿಗೆ 10 ವರ್ಷಗಳಲ್ಲಿ ಸುಮಾರು ₹26.87 ಲಕ್ಷ ನಿಧಿ ಜಮೆಯಾಗುತ್ತಿತ್ತು. ಈ ಯೋಜನೆಯ ವೆಚ್ಚದ ಅನುಪಾತ ಕೇವಲ 0.38% ಮಾತ್ರ.
4. LIC MF ನಿಫ್ಟಿ 100 ETF (Nifty 100 ETF)
ಈ ಯೋಜನೆಯು ಕಳೆದ 10 ವರ್ಷಗಳಲ್ಲಿ 13.10% ವಾರ್ಷಿಕ ಲಾಭ ನೀಡಿದೆ. ತಿಂಗಳಿಗೆ ₹10,000 ಹೂಡಿಕೆ ಮಾಡಿದವರು 10 ವರ್ಷಗಳಲ್ಲಿ ಸುಮಾರು ₹24.81 ಲಕ್ಷ ಪಡೆಯುತ್ತಿದ್ದರು. ಇದರ ವೆಚ್ಚದ ಅನುಪಾತ 0.28% ಆಗಿದೆ.
5. LIC MF ನಿಫ್ಟಿ 50 ETF (Nifty 50 ETF)
ಈ ಯೋಜನೆಯು ಕಳೆದ 10 ವರ್ಷಗಳಲ್ಲಿ 13.05% ವಾರ್ಷಿಕ ಲಾಭ ನೀಡಿದೆ. ತಿಂಗಳಿಗೆ ₹10,000 ಎಸ್ಐಪಿ ಮೂಲಕ 10 ವರ್ಷಗಳಲ್ಲಿ ಸುಮಾರು ₹24.74 ಲಕ್ಷ ಫಂಡ್ ಕ್ರೋಢೀಕರಣವಾಗುತ್ತಿತ್ತು. ಇದರ ವೆಚ್ಚದ ಅನುಪಾತ ಅತ್ಯಂತ ಕನಿಷ್ಠ ಅಂದರೆ ಕೇವಲ 0.06% ರಷ್ಟಿದೆ.
ಗಮನಿಸಿ: ದೀರ್ಘಕಾಲದ ಹೂಡಿಕೆಯು ಯಾವಾಗಲೂ ಲಾಭದಾಯಕ. ಸರಿಯಾದ ಯೋಜನೆ ರೂಪಿಸಿ ಹೂಡಿಕೆ ಮಾಡಿದರೆ ಸಣ್ಣ ಮೊತ್ತದಿಂದಲೂ ದೊಡ್ಡ ನಿಧಿಯನ್ನು ಸೃಷ್ಟಿಸಬಹುದು ಎಂದು ಎಲ್ಐಸಿ ಯೋಜನೆಗಳು ಸಾಬೀತುಪಡಿಸಿವೆ. ಆದರೆ ಮ್ಯೂಚುವಲ್ ಫಂಡ್ ಹೂಡಿಕೆಯು ಮಾರುಕಟ್ಟೆಯ ಅಪಾಯಗಳಿಗೆ ಒಳಪಟ್ಟಿರುತ್ತದೆ. ಹೂಡಿಕೆ ಮಾಡುವ ಮೊದಲು ತಜ್ಞರ ಸಲಹೆ ಪಡೆಯುವುದು ಕಡ್ಡಾಯ.
