ನಮ್ಮ ಬಾಯಿಯ ಒಳಗೆ ಕೋಟ್ಯಂತರ ಬ್ಯಾಕ್ಟೀರಿಯಾಗಳಿವೆ. ಇವುಗಳಲ್ಲಿ ಹಲ್ಲುಗಳನ್ನು ಕೊಳೆಯುವಂತೆ ಮಾಡುವ ಕೆಟ್ಟ ಬ್ಯಾಕ್ಟೀರಿಯಾಗಳಷ್ಟೇ ಅಲ್ಲದೆ, ಹಲ್ಲುಗಳ ಆರೋಗ್ಯ ಕಾಪಾಡುವ ‘ಒಳ್ಳೆಯ’ ಬ್ಯಾಕ್ಟೀರಿಯಾಗಳೂ ಇರುತ್ತವೆ. ಆದರೆ ಲವಂಗ, ದಾಲ್ಚಿನ್ನಿ, ಟೀ ಟ್ರೀ ಆಯಿಲ್ ಅಥವಾ ಓರೆಗಾನೊ ಅಂತಹ ಸಾರಭೂತ ತೈಲಗಳನ್ನು (Essential Oils) ಹೊಂದಿರುವ ನೈಸರ್ಗಿಕ ಪೇಸ್ಟ್ಗಳು ಬಾಯಿಯಲ್ಲಿರುವ ಈ ಎಲ್ಲಾ ಬ್ಯಾಕ್ಟೀರಿಯಾಗಳನ್ನು ಒಟ್ಟಾರೆಯಾಗಿ ಕೊಲ್ಲುತ್ತವೆ ಎಂದು ಡಾ. ಮಾರ್ಕ್ ವಿವರಿಸಿದ್ದಾರೆ.
“ಈ ಪೇಸ್ಟ್ಗಳು ಬಾಯಿಯ ಸೂಕ್ಷ್ಮ ಪರಿಸರ ವ್ಯವಸ್ಥೆಯನ್ನೇ ಧ್ವಂಸಗೊಳಿಸುತ್ತವೆ. ಒಳ್ಳೆಯ ಮತ್ತು ಕೆಟ್ಟ ಬ್ಯಾಕ್ಟೀರಿಯಾಗಳ ನಡುವಿನ ವ್ಯತ್ಯಾಸ ತಿಳಿಯದ ಈ ಪದಾರ್ಥಗಳು ಹಲ್ಲುಗಳ ನೈಸರ್ಗಿಕ ರಕ್ಷಣಾ ಕವಚವನ್ನೇ ಹಾಳುಮಾಡುತ್ತವೆ. ಇದು ಹಲ್ಲುಗಳಲ್ಲಿ ಕ್ಯಾವಿಟಿ ಅಥವಾ ಕುಳಿಗಳು ಹೆಚ್ಚಾಗಲು ಕಾರಣವಾಗಬಹುದು” ಎಂದು ಅವರು ಇನ್ಸ್ಟಾಗ್ರಾಮ್ನಲ್ಲಿ ಎಚ್ಚರಿಸಿದ್ದಾರೆ.
ಕೇವಲ ನೈಸರ್ಗಿಕ ಪೇಸ್ಟ್ಗಳಷ್ಟೇ ಅಲ್ಲದೆ, ಅತಿಯಾದ ನೊರೆ ಬರುವಂತೆ ಮಾಡುವ ಸಾಬೂನಿನ ಅಂಶವಿರುವ (SLS) ಸಾಧಾರಣ ಪೇಸ್ಟ್ಗಳ ಬಗ್ಗೆಯೂ ಅವರು ಆತಂಕ ವ್ಯಕ್ತಪಡಿಸಿದ್ದಾರೆ. ಈ ರಾಸಾಯನಿಕಗಳು ಬಾಯಿಯ ಒಳಗಿನ ಪದರವನ್ನು ಸುಲಿಯುತ್ತವೆ, ಇದರಿಂದ ಹಲ್ಲುಗಳು ತಾನಾಗಿಯೇ ರಿಪೇರಿ ಮಾಡಿಕೊಳ್ಳುವ ಶಕ್ತಿಯನ್ನು ಕಳೆದುಕೊಳ್ಳುತ್ತವೆ.
ದಂತವೈದ್ಯರ ಸಲಹೆ ಹೀಗಿದೆ:
- SLS ಮುಕ್ತ ಪೇಸ್ಟ್: ಅತಿಯಾದ ನೊರೆ ಬರುವ ಪೇಸ್ಟ್ಗಳನ್ನು ಬಳಸಬೇಡಿ.
- ಸಾರಭೂತ ತೈಲ ಬೇಡ: ಬ್ಯಾಕ್ಟೀರಿಯಾ ವಿರೋಧಿ ತೈಲಗಳಿರುವ ಪೇಸ್ಟ್ಗಳಿಂದ ದೂರವಿರಿ.
- ನ್ಯಾನೋ-ಹೈಡ್ರಾಕ್ಸಿಅಪಟೈಟ್ (Nano-Hydroxyapatite): ಹಲ್ಲಿನ ಎನಾಮೆಲ್ ಅನ್ನು ಮರುನಿರ್ಮಾಣ ಮಾಡುವ ಈ ಖನಿಜವಿರುವ ಪೇಸ್ಟ್ಗಳನ್ನು ಬಳಸುವುದು ಉತ್ತಮ.
