ಬೆಂಗಳೂರು: ಇಂಟರ್ನೆಟ್ ಲೋಕದಲ್ಲಿ ಸದ್ಯಕ್ಕೆ ಈ ಪುಟ್ಟ ಕಂದನದ್ದೇ ಹವಾ ಹೌದು ತನ್ನ ಮುಂಡನ ಶಾಸ್ತ್ರದ (ಜೌಲ) ಸಮಯದಲ್ಲಿ ಕ್ಷೌರಿಕನಿಗೇ ಬೆವರಿಳಿಸಿದ ಪುಟಾಣಿಯೊಬ್ಬನ ವಿಡಿಯೋ ಈಗ ಎಲ್ಲೆಡೆ ಸದ್ದು ಮಾಡುತ್ತಿದೆ.
ತಾಯಿಯ ಮಡಿಲಲ್ಲಿ ಕುಳಿತಿದ್ದರೂ, ಕ್ಷೌರಿಕ ತನ್ನ ಕೂದಲು ಮುಟ್ಟಲು ಬಂದಾಗಲೆಲ್ಲಾ ಈ ಕಿಲಾಡಿ ಮಗು ಅತಿ ವೇಗವಾಗಿ ಮುಖ ತಿರುಗಿಸಿ ಆಟವಾಡಿಸುತ್ತಾನೆ. ಅವನ ಸೂಪರ್ ಫಾಸ್ಟ್ ರಿಫ್ಲೆಕ್ಸ್ ನೋಡಿ ನೆಟ್ಟಿಗರು ದಂಗಾಗಿದ್ದಾರೆ. ಕೊನೆಗೂ ಮಗುವಿನ ಗಮನ ಬೇರೆಡೆ ಸೆಳೆದು MUN-DONE ಎಂದು ಕ್ಯಾಪ್ಷನ್ ನೀಡಿ ಹಾಕಲಾದ ಈ ವಿಡಿಯೋ ಕೇವಲ 24 ಗಂಟೆಗಳಲ್ಲಿ 30 ಮಿಲಿಯನ್ (3 ಕೋಟಿ) ವೀಕ್ಷಣೆ ಪಡೆದು ಹೊಸ ದಾಖಲೆ ಬರೆದಿದೆ.
ಏನಿದು ಮುಂಡನ ಸಂಸ್ಕಾರ? ಇದರ ಹಿಂದಿನ ಅಸಲಿ ಗುಟ್ಟೇನು?
ಹಿಂದೂ ಧರ್ಮದ 16 ಸಂಸ್ಕಾರಗಳಲ್ಲಿ ಮುಂಡನ ಅಥವಾ ‘ಚೂಡಾಕರ್ಮ’ ಬಹಳ ಮುಖ್ಯವಾದುದು. ಕೇವಲ ಸಂಪ್ರದಾಯ ಮಾತ್ರವಲ್ಲ, ಇದರ ಹಿಂದೆ ವೈಜ್ಞಾನಿಕ ಕಾರಣಗಳೂ ಇವೆ:
https://www.instagram.com/reel/DVctCTbDCWk/?utm_source=ig_web_copy_link
1.ಆಧ್ಯಾತ್ಮಿಕ ಹಿನ್ನೆಲೆ (Spiritual Roots):
ಜನ್ಮಾಂತರದ ಕರ್ಮ: ಮಗುವಿನ ಜನ್ಮಜಾತ ಕೂದಲನ್ನು ಹಿಂದಿನ ಜನ್ಮದ ನಕಾರಾತ್ಮಕ ಕರ್ಮಗಳ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಮುಂಡನ ಮಾಡುವುದರಿಂದ ಮಗುವಿಗೆ ಈ ಜನ್ಮದಲ್ಲಿ ಒಂದು ಫ್ರೆಶ್ ಸ್ಟಾರ್ಟ್ ಸಿಗುತ್ತದೆ ಎಂಬ ನಂಬಿಕೆ ಇದೆ.
ದುಷ್ಟ ದೃಷ್ಟಿಯಿಂದ ರಕ್ಷಣೆ: ಮಗುವಿಗೆ ಯಾವುದೇ ರೀತಿಯ ದೃಷ್ಟಿ ಅಥವಾ ನಕಾರಾತ್ಮಕ ಶಕ್ತಿಗಳು ಬಾಧಿಸದಿರಲು ಈ ಶಾಸ್ತ್ರ ಮಾಡಲಾಗುತ್ತದೆ.
2.ಆರೋಗ್ಯದ ಗುಟ್ಟು (Health Benefits):
ವಿಟಮಿನ್ ಡಿ ಹೀರುವಿಕೆ: ಮಗುವಿನ ಎಳೆಯ ನೆತ್ತಿಯ ಮೇಲೆ ಸೂರ್ಯನ ಕಿರಣಗಳು ನೇರವಾಗಿ ಬಿದ್ದಾಗ, ದೇಹವು ಗರಿಷ್ಠ ಪ್ರಮಾಣದ ವಿಟಮಿನ್ ಡಿ ಹೀರಿಕೊಳ್ಳುತ್ತದೆ. ಇದು ಮೂಳೆಗಳ ಬೆಳವಣಿಗೆಗೆ ಸಹಕಾರಿ.
ದೇಹ ತಂಪು: ಮಗು ಹಲ್ಲು ಮೊಳೆಯುವ (Teething) ಸಮಯದಲ್ಲಿ ತಲೆ ಬಿಸಿಯಾಗುವುದು ಸಾಮಾನ್ಯ. ಮುಂಡನ ಮಾಡುವುದರಿಂದ ಮೆದುಳು ಮತ್ತು ದೇಹದ ಉಷ್ಣತೆ ಸಮತೋಲನದಲ್ಲಿರುತ್ತದೆ.
