ಹೆಡ್‌ಫೋನ್‌ಗಳಲ್ಲಿ ಅಪಾಯಕಾರಿ ರಾಸಾಯನಿಕಗಳು ಇರುವ ಬಗ್ಗೆ ಇತ್ತೀಚಿನ ಅಧ್ಯಯನವೊಂದು ಆತಂಕಕಾರಿ ವಿಷಯವನ್ನು ಬಹಿರಂಗಪಡಿಸಿದೆ. ಹೌದು. ಸದಾ ಕಿವಿಗೆ ಹೆಡ್ಫೋನ್ ಸಿಕ್ಕಿಸಿಕೊಂಡು ಸಂಗೀತ ಆಲಿಸುವವರಿಗೆ ಅಥವಾ ಗಂಟೆಗಟ್ಟಲೆ ಫೋನ್ ಕರೆಯಲ್ಲಿ ಮಾತನಾಡುವವರಿಗೆ ಸಂಶೋಧನೆಯೊಂದು ಆಘಾತಕಾರಿ ಸುದ್ದಿಯೊಂದನ್ನು ನೀಡಿದೆ. ನಾವು ಬಳಸುವ ಹೆಡ್‌ಫೋನ್‌ಗಳಲ್ಲಿ ಆರೋಗ್ಯಕ್ಕೆ ತೀವ್ರ ಹಾನಿ ಉಂಟುಮಾಡುವ ವಿಷಕಾರಿ ರಾಸಾಯನಿಕಗಳು ಇರುವುದು ಪತ್ತೆಯಾಗಿದೆ.
ಯುರೋಪಿಯನ್ ಸಂಸ್ಥೆಯೊಂದು ನಡೆಸಿದ ಈ ಅಧ್ಯಯನದಲ್ಲಿ ಸುಮಾರು 81 ವಿವಿಧ ಮಾದರಿಯ ಹೆಡ್‌ಫೋನ್‌ಗಳನ್ನು ಪರೀಕ್ಷಿಸಲಾಗಿದ್ದು, ಬಹುತೇಕ ಎಲ್ಲವುಗಳಲ್ಲಿ BPA ಮತ್ತು BPS ನಂತಹ ಅಪಾಯಕಾರಿ ರಾಸಾಯನಿಕಗಳಿರುವುದು ದೃಢಪಟ್ಟಿದೆ. ಹೆಡ್ಫೋನ್ ತಯಾರಿಕೆಯಲ್ಲಿ ಪ್ಲಾಸ್ಟಿಕ್ ಮೃದುಗೊಳಿಸಲು ಬಳಸುವ ಈ ಕೆಮಿಕಲ್‌ಗಳು, ಚರ್ಮದ ಸಂಪರ್ಕಕ್ಕೆ ಬಂದಾಗ ಅಥವಾ ಬೆವರಿನ ಮೂಲಕ ದೇಹವನ್ನು ಸೇರಿದಾಗ ಹಾರ್ಮೋನ್ ವ್ಯತ್ಯಯ ಹಾಗೂ ದೀರ್ಘಕಾಲದ ಆರೋಗ್ಯ ಸಮಸ್ಯೆಗಳಿಗೆ ದಾರಿ ಮಾಡಿಕೊಡಲಿವೆ ಎಂದು ತಜ್ಞರು ಎಚ್ಚರಿಸಿದ್ದಾರೆ.
ಸಂಗೀತ ಕೇಳಲು ಅಥವಾ ಕರೆಗಳಲ್ಲಿ ಮಾತನಾಡಲು ಗಂಟೆಗಟ್ಟಲೆ ಹೆಡ್ಫೋನ್ ಬಳಸುವವರು ಜಾಗರೂಕರಾಗಿರದಿದ್ದರೆ ಗಂಭೀರ ಆರೋಗ್ಯ ಸಮಸ್ಯೆಗಳು ಎದುರಾಗಬಹುದು ಎಂದು ತಜ್ಞರು ಎಚ್ಚರಿಸಿದ್ದಾರೆ. ಈ ಸಂಶೋಧನೆಯು ವಿವಿಧ ಬ್ರ್ಯಾಂಡ್‌ಗಳ ಸುಮಾರು 81 ರೀತಿಯ ಹೆಡ್‌ಫೋನ್‌ಗಳನ್ನು ಪರೀಕ್ಷಿಸಿದ್ದು, ಅವುಗಳಲ್ಲಿ ವಿಷಕಾರಿ ರಾಸಾಯನಿಕಗಳು ಇರುವುದು ಪತ್ತೆಯಾಗಿದೆ. ಹೆಡ್‌ಫೋನ್‌ಗಳ ಪ್ಲಾಸ್ಟಿಕ್ ಮೃದುವಾಗಿಸಲು ಬಳಸುವ ಈ ರಾಸಾಯನಿಕಗಳು ಚರ್ಮದ ಸಂಪರ್ಕಕ್ಕೆ ಬಂದಾಗ ಹಾನಿಕಾರಕವಾಗಬಲ್ಲವು.
ಅಧ್ಯಯನದ ಪ್ರಮುಖ ಅಂಶಗಳು:
ಹಾನಿಕಾರಕ ರಾಸಾಯನಿಕಗಳು: ಹೆಡ್‌ಫೋನ್‌ಗಳಲ್ಲಿ BPA ಮತ್ತು BPS ನಂತಹ ಅಪಾಯಕಾರಿ ರಾಸಾಯನಿಕಗಳು ಕಂಡುಬಂದಿವೆ.
ಹಾರ್ಮೋನ್ ಸಮಸ್ಯೆ: ಈ ರಾಸಾಯನಿಕಗಳು ಶರೀರದ ಹಾರ್ಮೋನ್‌ಗಳ ಮೇಲೆ ಪ್ರಭಾವ ಬೀರಿ ದೀರ್ಘಕಾಲದ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು.
ಚರ್ಮದ ಮೂಲಕ ಪ್ರವೇಶ: ಬೆವರು ಮತ್ತು ತೇವಾಂಶದ ಕಾರಣದಿಂದ ಈ ರಾಸಾಯನಿಕಗಳು ಸುಲಭವಾಗಿ ಚರ್ಮದ ಮೂಲಕ ದೇಹವನ್ನು ಸೇರುತ್ತವೆ.
ಮಕ್ಕಳಿಗೆ ಹೆಚ್ಚು ಅಪಾಯ: ವಿಶೇಷವಾಗಿ ಮಕ್ಕಳು ಮತ್ತು ಯುವಜನತೆ ಇವುಗಳನ್ನು ಹೆಚ್ಚು ಬಳಸುವುದರಿಂದ ಅವರ ಮೇಲೆ ಹೆಚ್ಚಿನ ಪರಿಣಾಮ ಬೀರಬಹುದು.
ತಜ್ಞರ ಸಲಹೆಗಳು:
- ಹೆಡ್‌ಫೋನ್‌ಗಳನ್ನು ಅತಿಯಾಗಿ ಬಳಸಬೇಡಿ ಮತ್ತು ಆಗಾಗ್ಗೆ ಕಿವಿಗೆ ವಿಶ್ರಾಂತಿ ನೀಡಿ.
- ದೀರ್ಘಕಾಲ ಸಂಗೀತ ಕೇಳಲು ಅಥವಾ ಕೆಲಸ ಮಾಡಲು ಹೆಡ್ಫೋನ್ ಬದಲಿಗೆ ಸ್ಪೀಕರ್‌ಗಳನ್ನು ಬಳಸುವುದು ಉತ್ತಮ.
- ತಯಾರಿಕಾ ಕಂಪನಿಗಳು ಉತ್ಪನ್ನಗಳ ಸುರಕ್ಷತೆಯ ಬಗ್ಗೆ ಹೆಚ್ಚಿನ ಗಮನ ಹರಿಸಬೇಕು ಮತ್ತು ಸರ್ಕಾರಿ ಸಂಸ್ಥೆಗಳು ಇವುಗಳ ಮೇಲೆ ನಿಯಂತ್ರಣ ಹೇರಬೇಕು.
ಸಣ್ಣ ಬದಲಾವಣೆಗಳು ಮತ್ತು ಮುನ್ನೆಚ್ಚರಿಕೆಗಳು ನಿಮ್ಮ ಆರೋಗ್ಯವನ್ನು ಕಾಪಾಡಬಲ್ಲವು ಎಂದು ಈ ವರದಿ ತಿಳಿಸಿದೆ.
