ವೇತನಹೆಚ್ಚಳ: ಸಾವಿರಾರು ಸರ್ಕಾರಿ ಉದ್ಯೋಗಿಗಳು ಮತ್ತುಪಿಂಚಣಿದಾರರಿಗೆ ಬಿಗ್ ರಿಲೀಫ್. ದೀರ್ಘಕಾಲದಿಂದ ಬಾಕಿ ಉಳಿದಿದ್ದ ವೇತನ ಪರಿಷ್ಕರಣೆಗೆ ಕೇಂದ್ರಸರ್ಕಾರವು ಶುಕ್ರವಾರ ಅನುಮೋದನೆ ನೀಡಿದೆ.
ಸಾರ್ವಜನಿಕ ವಲಯದ ವಿಮಾ ಕಂಪನಿಗಳು (PSGICs) ಮತ್ತು ನಬಾರ್ಡ್ (NABARD) ಉದ್ಯೋಗಿಗಳ ವೇತನ ಹೆಚ್ಚಾಗಲಿದೆ. ಹಾಗೆಯೇ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಮತ್ತು ರಾಷ್ಟ್ರೀಯ ಕೃಷಿ ಮತ್ತು ಗ್ರಾಮೀಣಾಭಿವೃದ್ಧಿ ಬ್ಯಾಂಕ್‌ನಲ್ಲಿ (ನಬಾರ್ಡ್) ಸೇವೆ ಸಲ್ಲಿಸಿ ನಿವೃತ್ತರಾದ ಪಿಂಚಣಿದಾರರಿಗೆ ಪಿಂಚಣಿ ಹೆಚ್ಚಳವಾಗಲಿದೆ. ಆ ವಿವರಗಳನ್ನು ತಿಳಿಯೋಣ.
- ಪ್ರಯೋಜನ ಪಡೆಯುವವರು: ಕೇಂದ್ರ ಸರ್ಕಾರದ ಈ ನಿರ್ಧಾರದಿಂದ 46,000 ಕ್ಕೂ ಹೆಚ್ಚು ಉದ್ಯೋಗಿಗಳು, 23,500 ಕ್ಕೂ ಹೆಚ್ಚು ಪಿಂಚಣಿದಾರರು ಮತ್ತು 23 ಸಾವಿರಕ್ಕೂ ಹೆಚ್ಚು ಕುಟುಂಬ ಪಿಂಚಣಿದಾರರಿಗೆ ಲಾಭವಾಗಲಿದೆ.
- ವೇತನ ಹೆಚ್ಚಳ: ಕೇಂದ್ರ ಸರ್ಕಾರದ ಅಧೀನದಲ್ಲಿರುವ 6 ಸಾರ್ವಜನಿಕ ವಲಯದ ವಿಮಾ ಕಂಪನಿಗಳಲ್ಲಿ ಕೆಲಸ ಮಾಡುತ್ತಿರುವ ಉದ್ಯೋಗಿಗಳ ಮೂಲ ವೇತನದಲ್ಲಿ (Basic Pay) 14 ಪ್ರತಿಶತ ಹೆಚ್ಚಳವಾಗಲಿದೆ.
- ಅನುಷ್ಠಾನ: ಈ ವೇತನ ಪರಿಷ್ಕರಣೆಯು ಆಗಸ್ಟ್ 1, 2022 ರಿಂದಲೇ ಜಾರಿಗೆ ಬರಲಿದೆ. ಅಂದರೆ, ಅಂದಿನಿಂದ ಬಾಕಿ ಇರುವ ಮೊತ್ತವನ್ನು (Arrears) ಪಾವತಿಸಲಾಗುವುದು.
ಸಾರ್ವಜನಿಕ ವಲಯದ ವಿಮಾ ಕಂಪನಿಗಳ ಉದ್ಯೋಗಿಗಳ ವೇತನ ಮತ್ತುಪಿಂಚಣಿ ಹೆಚ್ಚಳದಿಂದ ಕೇಂದ್ರಸರ್ಕಾರದ ಮೇಲೆ ಹೆಚ್ಚುವರಿಯಾಗಿ₹8,170 ಕೋಟಿ ಹೊರೆಬೀಳಲಿದೆ ಎಂದು ಕೇಂದ್ರ ಹಣಕಾಸು ಸಚಿವಾಲಯತಿಳಿಸಿದೆ. ಆ ವಿಮಾಕಂಪನಿಗಳ ಪಟ್ಟಿಇಲ್ಲಿದೆ:
- ನ್ಯಾಷನಲ್ ಇನ್ಶೂರೆನ್ಸ್ ಕಂಪನಿ (NICL)
- ನ್ಯೂ ಇಂಡಿಯಾ ಅಶ್ಯೂರೆನ್ಸ್ (NIACL)
- ಓರಿಯಂಟಲ್ ಇನ್ಶೂರೆನ್ಸ್ (OICL)
- ಯುನೈಟೆಡ್ ಇಂಡಿಯಾ ಇನ್ಶೂರೆನ್ಸ್ (UIICL)
- ಜನರಲ್ ಇನ್ಶೂರೆನ್ಸ್ ಕಾರ್ಪೊರೇಷನ್ (GIC)
- ಅಗ್ರಿಕಲ್ಚರ್ ಇನ್ಶೂರೆನ್ಸ್ ಕಂಪನಿ (AICIL)
ನಬಾರ್ಡ್(NABARD) ಉದ್ಯೋಗಿಗಳಿಗೆ 20 ಪ್ರತಿಶತ ವೇತನಹೆಚ್ಚಳ: ನಬಾರ್ಡ್‌ನ ಗ್ರೂಪ್ ಎ, ಬಿ ಮತ್ತು ಸಿ ಉದ್ಯೋಗಿಗಳ ವೇತನವನ್ನು 20 ಪ್ರತಿಶತ ಹೆಚ್ಚಿಸಲಾಗುತ್ತಿದೆ ಎಂದು ಕೇಂದ್ರ ಹಣಕಾಸು ಸಚಿವಾಲಯ ತಿಳಿಸಿದೆ. ಈ ವೇತನ ಹೆಚ್ಚಳವು ನವೆಂಬರ್1, 2022 ರಿಂದ ಜಾರಿಗೆ ಬರಲಿದೆ.
ಪ್ರಮುಖಾಂಶಗಳು:
- ಈ ನಿರ್ಧಾರದಿಂದ 3,800 ಉದ್ಯೋಗಿಗಳು ಮತ್ತು ಪಿಂಚಣಿದಾರರಿಗೆ ಲಾಭವಾಗಲಿದೆ.
- ನಬಾರ್ಡ್ ಉದ್ಯೋಗಿಗಳು ಮತ್ತು ಪಿಂಚಣಿದಾರರ ವೇತನ ಪರಿಷ್ಕರಣೆಯಿಂದ ಸರ್ಕಾರಕ್ಕೆ ಪ್ರತಿ ವರ್ಷ ₹170 ಕೋಟಿ ಹೊರೆ ಬೀಳಲಿದ್ದು, ಬಾಕಿ ಹಣ (Arrears) ಪಾವತಿಗಾಗಿ ₹510 ಕೋಟಿ ಖರ್ಚಾಗಲಿದೆ.
- ನಬಾರ್ಡ್‌ನ ನಿವೃತ್ತ ಉದ್ಯೋಗಿಗಳು (ನೇರವಾಗಿ ನೇಮಕಗೊಂಡು ನವೆಂಬರ್ 2017 ಕ್ಕಿಂತ ಮೊದಲು ನಿವೃತ್ತರಾದವರು) ಇನ್ನು ಮುಂದೆ ಆರ್‌ಬಿಐ (RBI) ನಿವೃತ್ತ ಉದ್ಯೋಗಿಗಳಿಗೆ ಸಮಾನವಾದ ಪಿಂಚಣಿ ಪಡೆಯಲಿದ್ದಾರೆ ಎಂದು ಸರ್ಕಾರ ಘೋಷಿಸಿದೆ.
ಭಾರತೀಯ ರಿಸರ್ವ್ ಬ್ಯಾಂಕ್‌ನಲ್ಲಿ ಸೇವೆ ಸಲ್ಲಿಸಿ ನಿವೃತ್ತರಾದವರಿಗೆ ಬರುವ ಪಿಂಚಣಿ ಮತ್ತು ಫ್ಯಾಮಿಲಿ ಪಿಂಚಣಿಯನ್ನು 10 ಪ್ರತಿಶತ ಹೆಚ್ಚಿಸುತ್ತಿರುವುದಾಗಿ ಹಣಕಾಸು ಸಚಿವಾಲಯ ತಿಳಿಸಿದೆ. ಈ ಹೆಚ್ಚಳವು ಕೂಡ ನವೆಂಬರ್ 1, 2022 ರಿಂದಲೇ ಜಾರಿಗೆ ಬರಲಿದೆ.
ಪ್ರಮುಖ ವಿವರಗಳು:
- ಈ ನಿರ್ಧಾರದಿಂದ ಒಟ್ಟು 30,769 ಪಿಂಚಣಿದಾರರಿಗೆ (22,580 ವೈಯಕ್ತಿಕ ಮತ್ತು 8,189 ಫ್ಯಾಮಿಲಿ ಪಿಂಚಣಿದಾರರು) ಲಾಭವಾಗಲಿದೆ.
- ಬಾಕಿ ಹಣ (Arrears) ಮತ್ತು ವೇತನ ಹೆಚ್ಚಳದ ಕಾರಣದಿಂದ ಸರ್ಕಾರದ ಮೇಲೆ ₹2,696.82 ಕೋಟಿ ಹೊರೆ ಬೀಳಲಿದೆ.
