ಬೆಂಗಳೂರು: ನಾಡಿನಾದ್ಯಂತ ಸಂಕ್ರಾಂತಿ ಹಬ್ಬದ ಸಡಗರ ಮನೆಮಾಡಿದೆ. ಸೂರ್ಯನು ಮಕರ ರಾಶಿಗೆ ಪ್ರವೇಶಿಸುವ ಈ ಪುಣ್ಯಕಾಲ ಕೇವಲ ಋತುಮಾನದ ಬದಲಾವಣೆಯಲ್ಲ ಇದು ಸ್ನೇಹ ಸೌಹಾರ್ದತೆ ಮತ್ತು ಸಮೃದ್ಧಿಯ ಮಹಾಪರ್ವ. ದಕ್ಷಿಣ ಭಾರತದ ಪ್ರಮುಖ ಹಬ್ಬಗಳಲ್ಲಿ ಒಂದಾದ ಮಕರ ಸಂಕ್ರಾಂತಿಯು ರೈತಾಪಿ ವರ್ಗದ ಪಾಲಿಗೆ ‘ಸುಗ್ಗಿ ಹಬ್ಬ’ವಾಗಿಯೂ ಅನ್ವರ್ಥವಾಗಿದೆ.
“ಎಳ್ಳು-ಬೆಲ್ಲ ತಿಂದು ಒಳ್ಳೆ ಮಾತಾಡು” ಇದು ಸಂಕ್ರಾಂತಿಯ ಮೂಲ ಮಂತ್ರ. ಚಳಿಗಾಲದ ಶೀತ ಮತ್ತು ವಾತದಿಂದ ಉಂಟಾಗುವ ಆಲಸ್ಯವನ್ನು ದೂರ ಓಡಿಸಲು ಎಳ್ಳು ಮತ್ತು ಬೆಲ್ಲದಂತಹ ಸ್ನೇಹ ದ್ರವ್ಯಗಳ ಸೇವನೆ ಅತ್ಯಗತ್ಯ ಎಂಬುದು ನಮ್ಮ ಪೂರ್ವಜರ ವೈಜ್ಞಾನಿಕ ದೂರದೃಷ್ಟಿ. ಬಂಧು-ಮಿತ್ರರಿಗೆ ಎಳ್ಳು-ಬೆಲ್ಲ ಹಂಚುವ ಮೂಲಕ ಸಾಮಾಜಿಕ ಬಾಂಧವ್ಯವನ್ನು ಗಟ್ಟಿಗೊಳಿಸುವ ಅದ್ಭುತ ಸಂಪ್ರದಾಯ ನಮ್ಮ ಕರ್ನಾಟಕದಲ್ಲಿದೆ.
ಸಂಕ್ರಾಂತಿ 2026: ನಿಮ್ಮ ಪ್ರೀತಿಪಾತ್ರರಿಗಾಗಿ ಇಲ್ಲಿವೆ ಸುಂದರ ಶುಭಾಶಯ ಸಂದೇಶಗಳು
*ಎಳ್ಳು ಬೆಲ್ಲದ ಸವಿಯಂತೆ ನಿಮ್ಮ ಮಾತು ಸವಿ ಇರಲಿ, ಸಂಕ್ರಾಂತಿ ಸುಗ್ಗಿಯಂತೆ ನಿಮ್ಮ ಬದುಕು ಸಮೃದ್ಧವಾಗಿರಲಿ. ನಿಮಗೂ ಮತ್ತು ನಿಮ್ಮ ಕುಟುಂಬಕ್ಕೂ ಮಕರ ಸಂಕ್ರಾಂತಿಯ ಶುಭಾಶಯಗಳು
*ಸುಗ್ಗಿಹಬ್ಬ ಮಕರ ಸಂಕ್ರಾಂತಿಯ ಶುಭಾಶಯಗಳು
*ಸಂಕ್ರಾಂತಿಯ ಬೆಂಕಿಯ ಕಿಡಿ ನಿಮ್ಮ ಬದುಕಿನ ಎಲ್ಲಾ ಕಹಿ ಘಟನೆಗಳನ್ನು ಸುಟ್ಟು, ನಿಮ್ಮ ಬಾಳಿನಲ್ಲಿ ಸಂತೋಷ ಮತ್ತು ಸುಖವನ್ನು ನೀಡಲಿ.
*ಪೈರು ಕಟಾವಿನ ಸಡಗರ, ರೈತನ ಮೊಗದಲ್ಲಿ ನಗು ತರುವ ಸುಗ್ಗಿ ಹಬ್ಬ. ಈ ಸಂಕ್ರಾಂತಿ ನಾಡಿಗೆ ಒಳಿತನ್ನು ಮಾಡಲಿ. ಹಬ್ಬದ ಶುಭಾಶಯಗಳು
*ಕಬ್ಬಿನ ಸಿಹಿ, ಎಳ್ಳು ಬೆಲ್ಲದ ರುಚಿ, ಸಿಹಿ ಗೆಣಸು, ಕಡಲೆಯ ಸಾರದಂಥ ಜೀವನ ನಿಮ್ಮದಾಗಲಿ. ಸಂಕ್ರಾಂತಿಯ ಸಮೃದ್ಧ ಬೆಳೆಯಂತೆ ನಿಮ್ಮ ಬಾಳು ಸಹ ಸಮೃದ್ಧವಾಗಿರಲಿ
*ಬೆಳಗುತ್ತಿರುವ ಸೂರ್ಯ ನಿಮ್ಮ ಬಾಳಲ್ಲಿ ಸಂತೋಷ, ಸಮೃದ್ಧಿ, ಸುಖ-ಶಾಂತಿಯನ್ನು ಕರುಣಿಸಲಿ. ಉದಯರವಿಯ ಬೆಳಕಿನ ಚಿಲುಮೆಯಂತೆ ನಿಮ್ಮ ಬಾಳು ಸಮೃದ್ಧಿಸಲಿ
*ಮಕರ ಸಂಕ್ರಾಂತಿ ಹಬ್ಬವು ನಿಮ್ಮ ಜೀವನದಲ್ಲಿ ಹೊಸ ಉತ್ಸಾಹ ಮತ್ತು ಹೊಸ ಬಣ್ಣಗಳನ್ನು ತರಲಿ. ಸಂಕ್ರಾಂತಿ ಹಬ್ಬದ ಹಾರ್ದಿಕ ಶುಭಾಶಯಗಳು
*ಈ ಸಂಕ್ರಾಂತಿ ನಿಮ್ಮ ಮನೆಮನಕ್ಕೆ ಶಾಶ್ವತ ಸಂತಸವನ್ನು ತರಲಿ.ಮಕರ ಸಂಕ್ರಾಂತಿ ಹಬ್ಬದ ಹಾರ್ದಿಕ ಶುಭಾಷಯಗಳು…
*ಮಕರ ಸಂಕ್ರಾಂತಿ ನಿಮ್ಮ ಬದುಕಿನಲ್ಲಿ ಖುಷಿಯ ಪ್ರಭೆಯನ್ನು ಮೂಡಿಸಲಿ.ಮಕರ ಸಂಕ್ರಾಂತಿ ಹಬ್ಬದ ಹಾರ್ದಿಕ ಶುಭಾಷಯಗಳು
*ಸಂಕ್ರಾಂತಿ ಹಬ್ಬದ ಸಿಹಿ ಸವಿ ನಿಮ್ಮ ಬಾಳಿನಾದ್ಯಂತ ಇರಲಿ
*ಬಣ್ಣದ ರಂಗೋಲಿ, ಹಾರುವ ಪಟಗಾಳಿ, ಮನೆ ತುಂಬಲಿ ಎಳ್ಳು-ಬೆಲ್ಲದ ಸಂಭ್ರಮ. ಸಂಕ್ರಾಂತಿ ಹಬ್ಬದ ಹಾರ್ದಿಕ ಶುಭಾಶಯಗಳು.
