ಬೆಂಗಳೂರು: ರಾಜ್ಯದ ಜನತೆಗೆ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ಭರ್ಜರಿ ಗುಡ್ನ್ಯೂಸ್ ಕೊಟ್ಟಿದ್ದಾರೆ. ತಮ್ಮ ಅಧ್ಯಕ್ಷತೆಯಲ್ಲಿ ನಡೆದ 2ನೇ ಕ್ಯಾಬಿನೆಟ್ (Cabinet) ಸಭೆಯ ಬಳಿಕ ಸುದ್ದಿಗೋಷ್ಠಿ ನಡೆಸಿದ ಸಿಎಂ, ತಾತ್ಕಾಲಿಕ ವಿದ್ಯುತ್ ಸಂಪರ್ಕ ಪಡೆದಿರುವ ಹಳೆಯ ಕಟ್ಟಡಗಳಿಗೆ ಶಾಶ್ವತ ವಿದ್ಯುತ್ ಹಾಗೂ ನೀರಿನ ಸಂಪರ್ಕ ಕಲ್ಪಿಸಲು 15 ದಿನಗಳ ವಿಶೇಷ ಕಾಲಾವಕಾಶ ನೀಡುವುದಾಗಿ ಮಹತ್ವದ ಘೋಷಣೆ ಮಾಡಿದ್ದಾರೆ.ಯಾರೆಲ್ಲಾ ಇದಕ್ಕೆ ಅರ್ಹರು? ಏನೇನು ದಾಖಲೆ ಬೇಕು? ಮತ್ತು ಇಂದಿನ ಸಂಪುಟ ಸಭೆಯಲ್ಲಿ ಪಾಸ್ ಆಗಿರುವ ಇತರ ಬಿಗ್ ಪ್ರೊಪೋಸಲ್ಸ್ ಯಾವುವು? ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ
ಶಾಶ್ವತ ಕರೆಂಟ್ ಕನೆಕ್ಷನ್: ಯಾರಿಗೆ ಸಿಗಲಿದೆ ಚಾನ್ಸ್?
ಡೆಡ್ಲೈನ್ ದಿನಾಂಕ: 2000 ನೇ ಇಸವಿಯ ಮೇ 31 ರ ಒಳಗೆ ಕಟ್ಟಡ ಪೂರ್ಣಗೊಂಡು, ಕೇವಲ ತಾತ್ಕಾಲಿಕ ವಿದ್ಯುತ್ ಸಂಪರ್ಕ ಹೊಂದಿರುವ ಮನೆ/ಕಟ್ಟಡಗಳಿಗೆ ಮಾತ್ರ ಈ ಸುವರ್ಣಾವಕಾಶ ಇರಲಿದೆ.
15 ದಿನಗಳ ಟೈಮ್: ಸರ್ಕಾರದ ಅಧಿಕೃತ ಆದೇಶ ಪ್ರಕಟವಾದ ದಿನದಿಂದ ಕೇವಲ 15 ದಿನಗಳ ಒಳಗೆ ಅರ್ಹರು ಶಾಶ್ವತ ಸಂಪರ್ಕಕ್ಕಾಗಿ ಅರ್ಜಿ ಸಲ್ಲಿಸಬೇಕಾಗುತ್ತದೆ.
ಹೊಸ ಬಿಲ್ಡಿಂಗ್ಗಳಿಗೆ ನೋ ಎಂಟ್ರಿ: ಹೊಸದಾಗಿ ಅಥವಾ ತರಾತುರಿಯಲ್ಲಿ ಬಿಲ್ಡಿಂಗ್ ಕಟ್ಟಿ ಈ ರಿಯಾಯಿತಿ ಪಡೆಯಲು ಬಂದರೆ ಸರ್ಕಾರ ಬಿಡಲ್ಲ ಕಟ್ಟುನಿಟ್ಟಾಗಿ ಹಳೆಯ ಕಟ್ಟಡಗಳಿಗೆ ಮಾತ್ರ ಈ ರೂಲ್ಸ್ ಅನ್ವಯ ಆಗುತ್ತೆ.
ಅಪ್ಲೈ ಮಾಡಲು ಏನೇನು ದಾಖಲೆ ಕೊಡಬೇಕು?
ಅರ್ಜಿ ಸಲ್ಲಿಸುವವರು ಫಲಾನುಭವಿಗಳ ಫೋಟೋ, ಸದ್ಯ ಇರುವ ಕಟ್ಟಡದ ಫೋಟೋ ಹಾಗೂ ಜಿಪಿಎಸ್ ಲೊಕೇಶನ್ (GPS Location) ಅನ್ನು ಅರ್ಜಿಯೊಂದಿಗೆ ಕಡ್ಡಾಯವಾಗಿ ಲಗತ್ತಿಸಬೇಕು.
(ಗ್ರಾಮೀಣ ಪ್ರದೇಶಗಳಲ್ಲಿ ನಮ್ಮ ರೈತರಿಗೆ ಬಿಗ್ ರಿಲೀಫ್ ಸಿಕ್ಕಿದ್ದು, ರೇಷ್ಮೆ ಹುಳು ಸಾಕಾಣಿಕೆ ಮನೆ, ದನದ ಕೊಟ್ಟಿಗೆ ಹಾಗೂ ಹೈನುಗಾರಿಕೆ ಶೆಡ್ಗಳಿಗೆ ಈ ನಿಯಮದಿಂದ ವಿಶೇಷ ವಿನಾಯಿತಿ ನೀಡಲಾಗಿದೆ)
ಸಾರಿಗೆ ವಲಯಕ್ಕೆ ಭರ್ಜರಿ ಬೂಸ್ಟ್: 620 ಹೊಸ ಬಸ್ಗಳು, ಇ-ಬಸ್ ಡಿಪೋ
ರಾಜ್ಯದ ಸಾರಿಗೆ ವ್ಯವಸ್ಥೆಯನ್ನು ಮತ್ತಷ್ಟು ಬಲಪಡಿಸಲು ಮತ್ತು ಪ್ರಯಾಣಿಕರ ಅಲೆದಾಟ ತಪ್ಪಿಸಲು ಸಂಪುಟ ಸಭೆಯಲ್ಲಿ ಕೋಟಿ ಕೋಟಿ ರೂಪಾಯಿ ಯೋಜನೆಗಳಿಗೆ ಗ್ರೀನ್ ಸಿಗ್ನಲ್ ನೀಡಲಾಗಿದೆ:
620 ಹೊಸ ಬಸ್ಗಳು: KSRTC ಮತ್ತು NWKRTC (ವಾಯವ್ಯ ಸಾರಿಗೆ) ಸಂಸ್ಥೆಗಳಿಗೆ ಒಟ್ಟು 620 ಹೊಸ ಅತ್ಯಾಧುನಿಕ ಬಿಎಸ್-VI (BS-VI) ಬಸ್ಗಳನ್ನು ಖರೀದಿಸಲು ಬರೋಬ್ಬರಿ 235.60 ಕೋಟಿ ರೂ. ವೆಚ್ಚದ ಯೋಜನೆಗೆ ಅನುಮೋದನೆ ನೀಡಲಾಗಿದೆ.
ಎಲೆಕ್ಟ್ರಿಕ್ ಬಸ್ ಡಿಪೋ: ಪರಿಸರ ಸ್ನೇಹಿ ಸಂಚಾರಕ್ಕಾಗಿ ರಾಜ್ಯದ 3 ಸಾರಿಗೆ ನಿಗಮಗಳ ವ್ಯಾಪ್ತಿಯಲ್ಲಿ ಬರುವ 10 ಪ್ರಮುಖ ನಗರಗಳ 11 ಆಯಕಟ್ಟಿನ ಸ್ಥಳಗಳಲ್ಲಿ ಹೈಟೆಕ್ ಎಲೆಕ್ಟ್ರಿಕ್ ಬಸ್ ಘಟಕಗಳನ್ನು (Electric Bus Depots) ನಿರ್ಮಿಸಲು 112.72 ಕೋಟಿ ರೂ. ಬಿಡುಗಡೆ ಮಾಡಲಾಗಿದೆ.
ಯಾದಗಿರಿಗೆ ಸೂಪರ್ ಗಿಫ್ಟ್: ಹಿಂದುಳಿದ ಜಿಲ್ಲೆ ಎನಿಸಿಕೊಂಡಿರುವ ಯಾದಗಿರಿಯಲ್ಲಿ ಆರೋಗ್ಯ ಮೂಲಸೌಕರ್ಯ ಹೆಚ್ಚಿಸಲು 200 ಬೆಡ್ಗಳ (Beds) ಸುಸಜ್ಜಿತ ಆಸ್ಪತ್ರೆ ನಿರ್ಮಾಣಕ್ಕೆ 100 ಕೋಟಿ ರೂ. ವೆಚ್ಚ ಮಾಡಲು ಸಂಪುಟ ಅಪ್ರೂವಲ್ ನೀಡಿದೆ.
ಭೂ ಸ್ವಾಧೀನ ಅವಧಿ ವಿಸ್ತರಣೆ: ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ದೇವನಹಳ್ಳಿ ತಾಲೂಕಿನ 13 ಪ್ರಮುಖ ಗ್ರಾಮಗಳ ಭೂ ಸ್ವಾಧೀನಕ್ಕೆ (Land Acquisition) ಸಂಬಂಧಿಸಿದ ಕಾಲಾವಧಿಯನ್ನು 31.10.2026 ರ ವರೆಗೆ ವಿಸ್ತರಿಸಲು ತೀರ್ಮಾನಿಸಲಾಗಿದೆ.
ಕರ್ನಾಟಕ ಭವನ ರೀ-ಡಿಸೈನ್: ನವದೆಹಲಿಯಲ್ಲಿರುವ ಕರ್ನಾಟಕ ಭವನದ ಪ್ರಾದೇಶಿಕ ಆಯುಕ್ತರ ಕಚೇರಿಯ ಕಾರ್ಯವೈಖರಿ, ವ್ಯಾಪ್ತಿ ಮತ್ತು ವಿನ್ಯಾಸವನ್ನು ಬದಲಾಯಿಸಲು, ಕೆಲಸದ ದಕ್ಷತೆಗಾಗಿ ನಿವೃತ್ತ ಅನುಭವಿ ಅಧಿಕಾರಿಗಳನ್ನು ಬಳಸಿಕೊಳ್ಳಲು ಹಾಗೂ ಪ್ರತ್ಯೇಕವಾಗಿ ಒಂದು ಪವರ್ಫುಲ್ ಕಾನೂನು ಸೆಲ್(Legal Cell) ಮಾಡಲು ನಿರ್ಧರಿಸಲಾಗಿದೆ.
