ಸಂಕ್ರಾಂತಿಗೆ ಮಾಡಿ ಸಿರಿಧಾನ್ಯದ ‘ಸಿಹಿ ಪೊಂಗಲ್’

ಸಂಕ್ರಾಂತಿಗೆ ಪೊಂಗಲ್ ಮಾಡಬೇಕೆಂದುಕೊಂಡಿರಾ…? ಇಲ್ಲಿ ಸಿರಿಧಾನ್ಯ ಬಳಸಿ ಮಾಡುವ ರುಚಿಕರವಾದ ಸಿಹಿ ಪೊಂಗಲ್ ಇದೆ ಮಾಡಿ ನೋಡಿ.

ಬೇಕಾಗುವ ಸಾಮಗ್ರಿಗಳು:

ಊದಲು ಅಕ್ಕಿ-1/2 ಕಪ್, ಹೆಸರುಬೇಳೆ-2 ಟೇಬಲ್ ಸ್ಪೂನ್, ಬೆಲ್ಲದ ಪುಡಿ-1/2 ಕಪ್. ತುಪ್ಪ-3 ಟೇಬಲ್ ಸ್ಪೂನ್, ಏಲಕ್ಕಿ-1,ಲವಂಗ-1, ಗೋಡಂಬಿ-6.

ಮಾಡುವ ವಿಧಾನ:

ಕುಕ್ಕರ್ ಗೆ 1 ಟೀ ಸ್ಪೂನ್ ತುಪ್ಪ ಹಾಕಿ ಅದಕ್ಕೆ ಹೆಸರುಬೇಳೆ ಹಾಕಿ ಪರಿಮಳ ಬರುವವರೆಗೆ ಹುರಿದುಕೊಳ್ಳಿ. ನಂತರ ಇದಕ್ಕೆ ತೊಳೆದ ಊದಲು ಅಕ್ಕಿಯನ್ನು ಹಾಕಿ 2 ಕಪ್ ನೀರು ಸೇರಿಸಿ 4 ವಿಷಲ್ ಕೂಗಿಸಿಕೊಳ್ಳಿ. ಆಮೇಲೆ ಬೆಲ್ಲದ ಪುಡಿ ಹಾಕಿ ಚೆನ್ನಾಗಿ ಕರಗಿಸಿಕೊಳ್ಳಿ. ಒಂದು ಪ್ಯಾನ್ ಗೆ ತುಪ್ಪ ಹಾಕಿ ಅದಕ್ಕೆ ಗೋಡಂಬಿ ಹಾಕಿ ಹುರಿದುಕೊಂಡು ಪೊಂಗಲ್ ಗೆ ಸೇರಿಸಿ, ಏಲಕ್ಕಿ ಪುಡಿ ಉದುರಿಸಿದರೆ ರುಚಿಕರವಾದ ಸಿರಿಧಾನ್ಯದ ಪೊಂಗಲ್ ಸವಿಯಲು ಸಿದ್ಧ.