ಅತಿಯಾದ ಕೆಲಸದಿಂದ ಆಯಾಸವಾಗುವ ಕಾರಣ ರಾತ್ರಿ ಹಾಯಾಗಿ ಮಲಗಬೇಕೆನಿಸುತ್ತದೆ. ಆದರೆ ಪಕ್ಕದಲ್ಲಿರುವವರು ಗೊರಕೆ ಹೊಡೆಯುವುದರಿಂದ ರಾತ್ರಿ ಸರಿಯಾಗಿ ನಿದ್ರೆ ಮಾಡಲು ಆಗುವುದಿಲ್ಲ. ಹಾಗಾಗಿ ಗೊರಕೆ ಸಮಸ್ಯೆ ಇರುವವರು ಈ ಮನೆಮದ್ದನ್ನು ಸೇವಿಸಿ ಗೊರಕೆಯನ್ನು ತಪ್ಪಿಸಿ.
* ಗೊರಕೆ ಸಮಸ್ಯೆ ನಿವಾರಿಸಲು ಏಲಕ್ಕಿ ಬಹಳ ಪರಿಣಾಮಕಾರಿಯಾಗಿದೆ. ಇದು ಮುಚ್ಚಿದ ಮೂಗು ತೆರೆಯಲು ಸಹಾಯ ಮಾಡುತ್ತದೆ. ಹಾಗಾಗಿ 1 ಚಮಚ ಏಲಕ್ಕಿ ಪುಡಿಯನ್ನು 1 ಲೋಟ ನೀರಿನಲ್ಲಿ ಬೆರೆಸಿ ಮಲಗುವ ಅರ್ಧ ಗಂಟೆಯ ಮೊದಲು ಸೇವಿಸಿ. ಇದರಿಂದ ಗೊರಕೆ ಸಮಸ್ಯೆ ನಿವಾರಣೆಯಾಗುತ್ತದೆ.
* ತುಪ್ಪವು ಗೊರಕೆ ಸಮಸ್ಯೆಯನ್ನು ದೂರಮಾಡುತ್ತದೆ. ಹಾಗಾಗಿ ತುಪ್ಪವನ್ನು ಸ್ವಲ್ಪ ಬಿಸಿ ಮಾಡಿ 2 ಹನಿ ಮೂಗಿಗೆ ಹಾಕಿ. ಇದನ್ನು ಮಲಗುವ ಅರ್ಧ ಗಂಟೆಯ ಮೊದಲು ಮಾಡಿ.
* ಆಲಿವ್ ಆಯಿಲ್ ಕೂಡ ಮೂಗಿನ ನಾಳ ತೆರೆಯಲು ಸಹಕಾರಿಯಾಗಿದೆ. ಮಲಗುವ ಮುನ್ನ ಜೇನುತುಪ್ಪದೊಂದಿಗೆ 1 ಚಮಚ ಆಲೀವ್ ಆಯಿಲ್ ಸೇವಿಸಿ.
