ನೀವು ಅತಿಮಾನುಷ ಚಟುವಟಿಕೆಗಳನ್ನು ನಂಬುತ್ತೀರಾ? ಹೌದು ಎಂದಾದರೆ, ನೀವು ಈ ಕಥೆಯನ್ನು ಓದಲೇಬೇಕು. ಮಹಿಳೆಯೊಬ್ಬಳು ತನ್ನ 7 ವರ್ಷದ ಮಗಳ ಬಗ್ಗೆ ಭಯಾನಕ ಕತೆಯನ್ನು ಹಂಚಿಕೊಂಡಿದ್ದಾರೆ. ಅವರ ಮಗಳ ಕಥೆಯನ್ನು ಹ್ಯೂಮನ್ಸ್ ಆಫ್ ಬಾಂಬೆಯ ಅಧಿಕೃತ ಇನ್‌ಸ್ಟಾಗ್ರಾಮ್ ನಲ್ಲಿ ಹಂಚಿಕೊಳ್ಳಲಾಗಿದೆ. ಆದರೆ, ಆಕೆಯ ಗುರುತನ್ನು ಕಾರಣಾಂತರಗಳಿಂದ ಹೇಳಲಾಗಿಲ್ಲ.
ಆದರೆ, ಈ ಕತೆಯನ್ನು ಹಲವರು ನಂಬಿಲ್ಲ. ಕೆಲವರು ಇದನ್ನು ಕೆಲವು ಬಾಲಿವುಡ್ ಚಲನಚಿತ್ರಗಳಿಂದ ಸಂಯೋಜಿಸಲಾಗಿದೆ ಎಂದು ಹೇಳಿದರೆ, ಇತರರು ಪುರಾವೆಗಳಿಲ್ಲದೆ ಅಂತಹ ಕಥೆಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಏಕೆ ಪ್ರಚಾರ ಮಾಡುತ್ತಿದ್ದಾರೆ ಎಂದು ಪ್ರಶ್ನಿಸಿದ್ದಾರೆ.
ಒಂದು ರಾತ್ರಿ ಕುಟುಂಬವು ಚಲನಚಿತ್ರವನ್ನು ನೋಡುತ್ತಿದ್ದಾಗ, ಅವರ ಮಗಳು ಇದ್ದಕ್ಕಿದ್ದಂತೆ ಕುಸಿದು ನಡುಗಲು ಪ್ರಾರಂಭಿಸಿದ್ದಾಳೆ. ಮೂರ್ಛೆ ತಪ್ಪಿದ್ದಾಳೆ ಎಂದು ಭಾವಿಸಿದ ಕುಟುಂಬ ಕೂಡಲೇ ಆಕೆಯನ್ನು ಆಸ್ಪತ್ರೆಗೆ ಕರೆದೊಯ್ದರು. ನೆರೆಹೊರೆಯವರು ಕೂಡ ಸಹಾಯ ಮಾಡಿದ್ರು. ಆದ್ರೆ, ಈ ವೇಳೆ ಬಾಲಕಿ ವ್ಯಕ್ತಿಯನ್ನು ತಳ್ಳಿದ್ದಾಳೆ. ಆಕೆ ತಳ್ಳಿದ ರಭಸಕ್ಕೆ ಆತ ಕೆಳಕ್ಕೆ ಬಿದ್ದಿದ್ದಾನೆ. ಇಷ್ಟು ಚಿಕ್ಕ ವಯಸ್ಸಿನ ಯಾರಿಗಾದರೂ ಅಂತಹ ಅಗಾಧವಾದ ಶಕ್ತಿ ಇರುವುದು ಅಸಂಭವವಾಗಿದೆ. ಇದು ಬೇರೆ ಏನಾದರೂ ಆಗಿರಬಹುದು ಎಂದು ನೆರೆಯವರು ಶಂಕಿಸಿದ್ದಾರೆ. ಇದರಿಂದ ತಾನು ನಡುಗಿ ಹೋದೆ, ಆದರೂ ಇದು ಮೂಢನಂಬಿಕೆ ಎಂದು ಭಾವಿಸಿದ್ದಾಗಿ ಬಾಲಕಿಯ ತಾಯಿ ವಿವರಿಸಿದ್ದಾರೆ.
ಒಂದು ದಿನ ದೇವಸ್ಥಾನಕ್ಕೆ ಹೋದಾಗ ಎಲ್ಲವೂ ಬದಲಾಯಿತು. ಇದು ನಿರುಪದ್ರವವಾಗಿ ಪ್ರಾರಂಭವಾಯಿತು. ನಾವು ದೇಗುಲದ ಆವರಣವನ್ನು ಪ್ರವೇಶಿಸುತ್ತಿದ್ದಂತೆ, ಅವಳು ಹುಚ್ಚರಂತೆ ನಗಲು ಶುರು ಮಾಡಿದ್ಲು. ಆದರೆ ದೇವಸ್ಥಾನಕ್ಕೆ ಹತ್ತಿರವಾದಷ್ಟೂ ಅವಳು ಆಕ್ರಮಣಕಾರಿಯಾದಳು. ನಾವು ಒಳಗೆ ಹೋದಾಗ ಅವಳ ಕಣ್ಣುಗಳು ಕೆಂಪಾಗಿದ್ದವು. ಏನಾಗುತ್ತಿದೆ ಎಂದು ನನಗೆ ಅರ್ಥವಾಗಲಿಲ್ಲ.
ಈ ವೇಳೆ ಮಹಿಳೆಯೊಬ್ಬರು ಮುಂದೆ ಮಗಳನ್ನು ಪ್ರಶ್ನಿಸಿದ್ರು. ಆರಂಭದಲ್ಲಿ ಅವಳು ಪ್ರತಿಕ್ರಿಯಿಸಲಿಲ್ಲ. ಆದರೆ ಅವಳು ಎರಡನೇ ಬಾರಿ ಕೇಳಿದಾಗ, ನನ್ನ ಮಗಳು ಮಾತನಾಡಲು ಪ್ರಾರಂಭಿಸಿದಳು. ನಿರರ್ಗಳವಾದ ಗುಜರಾತಿ ಭಾಷೆಯಲ್ಲಿ ಮಾತನಾಡಿದ್ಲು. ಅವಳಿಗೆ ಗುಜರಾತಿ ತಿಳಿದೇ ಇರಲಿಲ್ಲ. ಅವಳ ಧ್ವನಿ ಹುಡುಗನದಾಯಿತು. ಮತ್ತು ಅವನು ಪ್ರತಿದಿನ ಉದ್ಯಾನದಲ್ಲಿ ಹುಡುಗಿಯನ್ನು ಹೇಗೆ ನೋಡುತ್ತಾನೆ ಮತ್ತು ಅವಳು ತನ್ನೊಂದಿಗೆ ಹೇಗೆ ಸೇರಬೇಕೆಂದು ಅವನು ಬಯಸುತ್ತಾನೆ ಎಂಬುದರ ಕುರಿತು ಅವನು ಮಾತನಾಡಲು ಪ್ರಾರಂಭಿಸಿದನು ಎಂದು ವಿವರಿಸಿದ್ದಾರೆ.
ಆಕೆಯ ಮಗಳು ಆಗಾಗ್ಗೆ ಬರುತ್ತಿದ್ದ ಉದ್ಯಾನವನವನ್ನು ಸ್ಮಶಾನದ ಮೇಲೆ ನಿರ್ಮಿಸಲಾಗಿದೆ ಎಂದು ನಂತರ ಕಂಡುಹಿಡಿಯಲಾಯಿತು. ಕಥೆಯು ಸಾಕಷ್ಟು ನೈಜವಾಗಿ ತೋರುತ್ತದೆಯಾದರೂ, ಪ್ರತಿಯೊಬ್ಬರೂ ಈ ಕತೆಯಿಂದ ಪ್ರಭಾವಿತರಾಗಲಿಲ್ಲ. ಘಟನೆಗೆ ಯಾವುದೇ ಪುರಾವೆಗಳಿಲ್ಲದ ಕಾರಣ, ಇದು ತಪ್ಪುದಾರಿಗೆಳೆಯುವ ಅಥವಾ ರೂಪಿಸಿದ ಕಥೆಯಾಗಿರಬಹುದು ಎಂದು ಹಲವಾರು ಬಳಕೆದಾರರು ಬರೆದಿದ್ದಾರೆ.
