ನೀವು ಬ್ಯಾಂಕ್‌ನಿಂದ ಹೋಮ್ ಲೋನ್ (ಗೃಹ ಸಾಲ) ಪಡೆದರೆ ವರ್ಷಗಳ ಕಾಲ ಇಎಂಐ (EMI) ಪಾವತಿಸಬೇಕಾದ ಪರಿಸ್ಥಿತಿ ಇರುತ್ತದೆ. ಆದರೆ ಒಂದು ಸಣ್ಣ ಟ್ರಿಕ್ ಬಳಸಿದರೆ 30 ವರ್ಷಗಳ ಕಾಲ ಪಾವತಿಸಬೇಕಾದ ಸಾಲವನ್ನು ಕೇವಲ 17 ವರ್ಷಗಳಲ್ಲೇ ತೀರಿಸಬಹುದು. ಈ ವಿಧಾನದ ಬಗ್ಗೆ ತಿಳಿದರೆ ನೀವೇ ಆಶ್ಚರ್ಯಪಡುತ್ತೀರಿ. ಅದು ಹೇಗೆ ಸಾಧ್ಯ ಎಂಬುದನ್ನು ಈಗ ತಿಳಿದುಕೊಳ್ಳೋಣ..
ಗೃಹ ಸಾಲದ ಹೊರೆ ಕಡಿಮೆ ಮಾಡಿಕೊಳ್ಳುವುದು ಹೇಗೆ?
ಅನೇಕ ಜನರು ತಮ್ಮ ಸ್ವಂತ ಮನೆಯ ಕನಸನ್ನು ನನಸಾಗಿಸಲು ಅಥವಾ ಹೊಸ ಮನೆ ಖರೀದಿಸಲು ಬ್ಯಾಂಕುಗಳಿಂದ ಗೃಹ ಸಾಲವನ್ನು ತೆಗೆದುಕೊಳ್ಳುತ್ತಾರೆ. ಆದರೆ, ಆ ಸಾಲದ ಹೊರೆ ಅದನ್ನು ಮರುಪಾವತಿ ಮಾಡುವಾಗಷ್ಟೇ ತಿಳಿಯುತ್ತದೆ. ಸಾಲವನ್ನು ಬೇಗನೆ ಮತ್ತು ಸುಲಭವಾಗಿ ಹೇಗೆ ಮರುಪಾವತಿ ಮಾಡಬೇಕೆಂದು ತಿಳಿಯದೆ ಅನೇಕರು ತೊಂದರೆ ಅನುಭವಿಸುತ್ತಾರೆ.
ಸಾಮಾನ್ಯವಾಗಿ ಬ್ಯಾಂಕುಗಳು ನೀಡುವ ಗೃಹ ಸಾಲಗಳ ಮೇಲೆ ಹೆಚ್ಚಿನ ಬಡ್ಡಿ ದರಗಳು ಇರುತ್ತವೆ. ಈ ಕಾರಣದಿಂದಾಗಿ ಸಾಲವನ್ನು ಮರುಪಾವತಿ ಮಾಡಲು ಹಲವು ವರ್ಷಗಳು ಬೇಕಾಗುತ್ತವೆ. ಇಂತಹ ಸಂದರ್ಭದಲ್ಲಿ 30 ವರ್ಷಗಳ ಸಾಲವನ್ನು 17 ವರ್ಷಗಳಲ್ಲಿ ಹೇಗೆ ಮರುಪಾವತಿ ಮಾಡಬಹುದು ಮತ್ತು ಬಡ್ಡಿಯನ್ನು ಕಡಿಮೆ ಮಾಡುವ ಮೂಲಕ ಒಟ್ಟು ಮೊತ್ತವನ್ನು ಹೇಗೆ ಉಳಿಸಬಹುದು ಎಂಬುದನ್ನು ನೋಡೋಣ.
ಉದಾಹರಣೆಯೊಂದಿಗೆ ವಿವರಣೆ:
- ಸಾಲದ ಮೊತ್ತ: ₹50 ಲಕ್ಷ
- ಬಡ್ಡಿ ದರ: ಶೇ. 8
- ಮರುಪಾವತಿ ಅವಧಿ: 30 ವರ್ಷಗಳು
- ತಿಂಗಳ ಇಎಂಐ (EMI): ₹36,688 ಆಗುತ್ತದೆ.
ಒಂದು ವೇಳೆ ಆ ವ್ಯಕ್ತಿಯು ತನ್ನ ಸಾಲವನ್ನು 20 ವರ್ಷಗಳಲ್ಲಿ ಮರುಪಾವತಿ ಮಾಡಲು ನಿರ್ಧರಿಸಿದರೆ, ಅವನು ಪ್ರತಿ ತಿಂಗಳು ₹41,822 ಇಎಂಐ ಪಾವತಿಸಬೇಕಾಗುತ್ತದೆ. ಮರುಪಾವತಿ ಅವಧಿಯನ್ನು 30 ವರ್ಷಗಳಿಂದ 20 ವರ್ಷಗಳಿಗೆ ಇಳಿಸುವುದರಿಂದ ಸಾಲದ ಅವಧಿ ಕಡಿಮೆಯಾಗುವುದಲ್ಲದೆ, ಬಡ್ಡಿಯೂ ಗಣನೀಯವಾಗಿ ಕಡಿಮೆಯಾಗುತ್ತದೆ. ಇದರ ಜೊತೆಗೆ ಪ್ರತಿ ವರ್ಷ ಒಂದು ಹೆಚ್ಚುವರಿ ಇಎಂಐ ಪಾವತಿಸುವುದರಿಂದ ಇನ್ನೂ ಹೆಚ್ಚಿನ ಪ್ರಯೋಜನಗಳು ಸಿಗುತ್ತವೆ.
ಕೇವಲ1 7 ವರ್ಷಗಳಲ್ಲೇ ಸಾಲ ತೀರಿಸುವ ಆಸಣ್ಣ ಟ್ರಿಕ್ ಇಲ್ಲಿದೆ:
ವರ್ಷಕ್ಕೆ ಸಾಮಾನ್ಯವಾಗಿ ಪಾವತಿಸುವ 12 ಇಎಂಐಗಳಜೊತೆಗೆಮತ್ತೊಂದುಹೆಚ್ಚುವರಿ ಇಎಂಐ ಪಾವತಿಸುವುದರಿಂದ ನಿಮ್ಮ ಸಾಲವನ್ನು ವೇಗವಾಗಿ ತೀರಿಸಬಹುದು. ಅಂದರೆ, ವರ್ಷಕ್ಕೆ 12 ತಿಂಗಳ ಇಎಂಐ ಬದಲಿಗೆ 13 ತಿಂಗಳ ಇಎಂಐ ಪಾವತಿಸುವುದರಿಂದ (ವರ್ಷಕ್ಕೆ ಒಂದು ಹೆಚ್ಚುವರಿ ಕಂತು), ನೀವು 30 ವರ್ಷಗಳ ಸಾಲವನ್ನು ಕೇವಲ 17 ವರ್ಷಗಳಲ್ಲೇ ಸಂಪೂರ್ಣವಾಗಿ ಮರುಪಾವತಿ ಮಾಡಬಹುದು.
