ಶುಭ ಕಾರ್ಯಗಳಲ್ಲಿ ಮೊದಲು ದೀಪವನ್ನು ಏಕೆ ಬೆಳಗಿಸುತ್ತಾರೆ ? ಅಸಲಿ ಕಾರಣ ತಿಳಿಯಿರಿ

ಯಾವುದೇ ಕಾರ್ಯಕ್ರಮ, ಉದ್ಘಾಟನೆ ಅಥವಾ ಯಾವುದೇ ಶುಭ ಕಾರ್ಯವು ದೀಪ ಬೆಳಗುವುದರ ಮೂಲಕವೇ ಪ್ರಾರಂಭವಾಗುತ್ತದೆ. ಪ್ರಾಚೀನ ಕಾಲದಿಂದಲೂ ನಮ್ಮೆಲ್ಲಾ ಕಾರ್ಯಕ್ರಮಗಳು ದೀಪ ಹಚ್ಚುವುದರೊಂದಿಗೆ ಆರಂಭವಾಗುತ್ತಿವೆ. ಮನೆಯಲ್ಲಿ ಬೆಳಿಗ್ಗೆ ಪ್ರಾರ್ಥನೆ ಮಾಡುವ ಮೊದಲು ದೀಪ ಹಚ್ಚಿ, ನಂತರ ಪೂಜೆ ಮಾಡುವುದು ರೂಢಿ. ದೀಪಾವಳಿ ಹಬ್ಬದ ಸಂದರ್ಭದಲ್ಲಂತೂ ಇಡೀ ಮನೆಯನ್ನು ದೀಪಗಳಿಂದ ಪ್ರಕಾಶಮಾನಗೊಳಿಸಲಾಗುತ್ತದೆ, ಇದು ಶುಭದ ಸಂಕೇತವಾಗಿದೆ.

ಭಾರತೀಯ ಸಂಪ್ರದಾಯದಲ್ಲಿ ದೀಪ ಹಚ್ಚುವ ಸಂಪ್ರದಾಯ ಅತ್ಯಂತ ಪುರಾತನವಾದುದು. ಪ್ರಮುಖ ಜ್ಯೋತಿಷಿ ಡಾ. ಬಸವರಾಜ್ ಗುರೂಜಿ ಅವರು ಈ ಶುಭ ಕಾರ್ಯದ ಹಿಂದಿರುವ ಧಾರ್ಮಿಕ ಪ್ರಾಮುಖ್ಯತೆಯನ್ನು ವಿವರಿಸುತ್ತಾ ಈ ಕೆಳಗಿನ ಶ್ಲೋಕವನ್ನು ಪಠಿಸಿದ್ದಾರೆ:

“ದೀಪಜ್ಯೋತಿಃ ಪರಬ್ರಹ್ಮ ದೀಪಜ್ಯೋತಿರ್ಜನಾರ್ದನಃ | ದೀಪೋ ಹರತು ಮೇ ಪಾಪಂ ದೀಪಜ್ಯೋತಿರ್ನಮೋಸ್ತುತೇ ||”

ಇದರ ಅರ್ಥ: ದೀಪದ ಬೆಳಕು ಪರಬ್ರಹ್ಮ ಮತ್ತು ವಿಷ್ಣುವಿನ (ಜನಾರ್ದನ) ಸ್ವರೂಪ. ಇದು ನಮ್ಮ ಪಾಪಗಳನ್ನು ಮತ್ತು ಅಜ್ಞಾನವನ್ನು ಹೋಗಲಾಡಿಸುತ್ತದೆ. ಅಂತಹ ದಿವ್ಯ ಜ್ಯೋತಿಗೆ ನಾನು ನಮಸ್ಕರಿಸುತ್ತೇನೆ.

ದೇವರಿಗೆ ಅರ್ಪಿಸುವ ಯಾವುದೇ ನೈವೇದ್ಯ ಅಥವಾ ಆಹಾರವು ಅಗ್ನಿಯ ಮೂಲಕವೇ ತಲುಪುತ್ತದೆ ಎಂದು ಗುರೂಜಿ ಹೇಳಿದ್ದಾರೆ. ಅದೇ ರೀತಿ, ದೀಪದ ಮೂಲಕ ದೇವರಿಗೆ ಪ್ರಾರ್ಥನೆಯನ್ನು ಸಲ್ಲಿಸಲಾಗುತ್ತದೆ. ದೀಪವನ್ನು ದೇವರ ರೂಪವೆಂದೇ ಪರಿಗಣಿಸಲಾಗುತ್ತದೆ. ದೀಪದ ಜ್ವಾಲೆಯು ಯಾವಾಗಲೂ ಮೇಲ್ಮುಖವಾಗಿ ಚಲಿಸುತ್ತದೆ. ಈ ಮೇಲ್ಮುಖ ಚಲನೆಯು ಬೆಳವಣಿಗೆ, ಪ್ರಗತಿ ಮತ್ತು ಸಮೃದ್ಧಿಯನ್ನು ಸೂಚಿಸುತ್ತದೆ.

ಶುಭದ ಸಂಕೇತ

ಪ್ರಾಚೀನ ಕಾಲದಿಂದಲೂ ನಮ್ಮ ಕಾರ್ಯಕ್ರಮಗಳು ದೀಪ ಬೆಳಗುವುದರೊಂದಿಗೆ ಆರಂಭವಾಗುತ್ತಿವೆ ಎಂದು ಗುರೂಜಿ ತಿಳಿಸಿದ್ದಾರೆ. ಮನೆಯಲ್ಲಿ ಮುಂಜಾನೆ ಪ್ರಾರ್ಥನೆಗೆ ಮೊದಲು ದೀಪ ಹಚ್ಚುವುದು ಸಂಪ್ರದಾಯ. ದೀಪಾವಳಿಯಂದು ಮನೆಗಳನ್ನು ದೀಪಗಳಿಂದ ಅಲಂಕರಿಸುವುದು ಶುಭದ ಸಂಕೇತವಾಗಿದೆ.

ನಕಾರಾತ್ಮಕ ಶಕ್ತಿಯನ್ನು ದೂರ ಮಾಡುತ್ತದೆ

ದೀಪವು ನಮ್ಮನ್ನು ಶಕ್ತಿಯುತವಾಗಿಸಿ, ನಮ್ಮ ಸುತ್ತಲಿರುವ ನಕಾರಾತ್ಮಕ ಶಕ್ತಿಗಳನ್ನು ಓಡಿಸುತ್ತದೆ. ದೀಪವು ‘ಗುರು’ವಿನ ಸಂಕೇತವೂ ಹೌದು. ದೀಪದ ಬೆಳಕು ಅಜ್ಞಾನದ ಕತ್ತಲೆಯನ್ನು ಹೋಗಲಾಡಿಸಿ ನಮಗೆ ಜ್ಞಾನದ ಬೆಳಕನ್ನು ನೀಡುತ್ತದೆ. ಸಮಾರಂಭಗಳಲ್ಲಿ ದೀಪ ಬೆಳಗಿ ಅಗ್ನಿದೇವನಿಗೆ ಪ್ರಾರ್ಥನೆ ಸಲ್ಲಿಸುವ ಮೂಲಕ, “ನಾನು ಈ ಕಾರ್ಯಕ್ರಮವನ್ನು ಮಾಡುತ್ತಿದ್ದೇನೆ; ನಿಮ್ಮ ಆಶೀರ್ವಾದ ಸದಾ ಇರಲಿ” ಎಂದು ಕೋರಲಾಗುತ್ತದೆ. ಅಗ್ನಿದೇವನು ಪಂಚಭೂತಗಳಲ್ಲಿ ಒಬ್ಬನು ಮತ್ತು ಸೂರ್ಯನನ್ನು ಪ್ರತಿನಿಧಿಸುತ್ತಾನೆ.

ರೈತರು ಮತ್ತು ವ್ಯಾಪಾರಿಗಳಿಗೂ ದೀಪದ ಮಹತ್ವ

ಸಣ್ಣ ಅಥವಾ ದೊಡ್ಡ ವ್ಯಾಪಾರಸ್ಥರು ಪ್ರತಿದಿನ ದೀಪ ಬೆಳಗುವುದು ಕಡ್ಡಾಯವಲ್ಲದಿದ್ದರೂ, ಮೊದಲ ಬಾರಿ ದೀಪ ಬೆಳಗಿದಾಗ ಎಂಟು ದಿಕ್ಕುಗಳಲ್ಲಿರುವ ನಕಾರಾತ್ಮಕ ಶಕ್ತಿಗಳು ದೂರವಾಗಿ ಸಾನ್ಯಾತ್ಮಕ ಶಕ್ತಿಗಳು ಆಕರ್ಷಿತವಾಗುತ್ತವೆ. ರೈತರು ಕೂಡ ಬಿತ್ತನೆ ಮಾಡುವ ಮೊದಲು ಭೂಮಿಯಲ್ಲಿ ಎರಡು ದೀಪಗಳನ್ನು ಬೆಳಗಿ ಉತ್ತಮ ಬೆಳೆಗಾಗಿ ಪ್ರಾರ್ಥಿಸಬೇಕು ಎಂದು ಗುರೂಜಿ ಸಲಹೆ ನೀಡಿದ್ದಾರೆ.