ನೀವು ಬಿಳಿ ಮೊಟ್ಟೆ ಕಂದು ಮೊಟ್ಟೆ ಎರಡನ್ನು ನೋಡಿರ್ತೀರಾ. ಬಿಳಿ ಮೊಟ್ಟೆಗಳಿಗಿಂತ ಕಂದು ಬಣ್ಣದ ಮೊಟ್ಟೆಗಳು ಉತ್ತಮವೇ ಎಂಬ ಪ್ರಶ್ನೆ ನಿಮ್ಮನ್ನು ಕಾಡಬಹುದು. ವಾಸ್ತವವಾಗಿ, ಕಂದು ಮೊಟ್ಟೆಗಳು ಬಿಳಿ ಮೊಟ್ಟೆಗಳಿಗಿಂತ ಹೆಚ್ಚು ದುಬಾರಿಯಾಗಿವೆ ಎಂಬುದು ಎಲ್ಲರಿಗೂ ತಿಳಿದ ವಿಚಾರ. ಹಾಗಾದ್ರೆ ಬಿಳಿ ಮೊಟ್ಟೆ ಹಾಗೂ ಕಂದು ಮೊಟ್ಟೆ ನಡುವಿನ ವ್ಯತ್ಯಾಸ ನೋಡೊಣ.
ಕಂದು ಮೊಟ್ಟೆ ಮತ್ತು ಬಿಳಿ ಮೊಟ್ಟೆಯ ನಡುವಿನ ವ್ಯತ್ಯಾಸವನ್ನು ವಿವರಿಸಬೇಕೆಂದರೆ ಮೊದಲು, ಮೊಟ್ಟೆಗಳ ಮೇಲು ನೋಟದ ವ್ಯತ್ಯಾಸ ತಿಳಿದುಕೊಳ್ಳಬೇಕು. ಕಂದು ಬಣ್ಣದ ಮೊಟ್ಟೆಗಳು ಬಿಳಿ ಮೊಟ್ಟೆಗಳಿಗಿಂತ ಗಾಢವಾಗಿರುತ್ತವೆ, ಅವುಗಳ ಹಳದಿ ಲೋಳೆಯು ಬಿಳಿ ಮೊಟ್ಟೆಗಳಲ್ಲಿನ ಹಳದಿ ಬಣ್ಣಕ್ಕಿಂತ ಭಿನ್ನವಾಗಿ ಕಂದು ಬಣ್ಣದ್ದಾಗಿರುತ್ತದೆ. ಕಂದು ಬಣ್ಣದ ಮೊಟ್ಟೆಗಳು ತಮ್ಮ ಚಿಪ್ಪಿನಲ್ಲಿ ಬಿಳಿ ಮೊಟ್ಟೆಗಳನ್ನು ಹೊಂದಿರದ ವರ್ಣದ್ರವ್ಯವನ್ನು ಹೊಂದಿರುತ್ತವೆ.
ಈ ಎರಡೂ ಮೊಟ್ಟೆಗಳನ್ನು ಹೋಲಿಸುವಾಗ ಪರಿಗಣಿಸಬೇಕಾದ ಮುಖ್ಯ ಅಂಶವೆಂದರೆ ಪೌಷ್ಟಿಕಾಂಶದ ಮೌಲ್ಯವನ್ನು ಪರಿಶೀಲಿಸುವುದು. ಎರಡೂ ರೀತಿಯ ಮೊಟ್ಟೆಗಳು ಒಂದೇ ಪ್ರಮಾಣದ ಪೋಷಕಾಂಶಗಳನ್ನು ಹೊಂದಿರುತ್ತವೆ. ಒಂದು ಸರಳವಾದ ಮೊಟ್ಟೆಯು ಪ್ರೋಟೀನ್, ಸತು, ಕ್ಯಾಲ್ಸಿಯಂ, ಪೊಟ್ಯಾಸಿಯಮ್, ಕಬ್ಬಿಣ, ಮೆಗ್ನೀಸಿಯಮ್, ರಂಜಕ, ಸೆಲೆನಿಯಮ್, ಕೊಬ್ಬು ಮತ್ತು ಕೊಲೆಸ್ಟ್ರಾಲ್ ಸೇರಿದಂತೆ ಹಲವಾರು ಪೋಷಕಾಂಶಗಳನ್ನು ಹೊಂದಿರುತ್ತದೆ. ಕಂದು ಮತ್ತು ಬಿಳಿ ಮೊಟ್ಟೆಗಳೆರಡೂ ಒಂದೇ ಪ್ರಮಾಣದ ಪೋಷಕಾಂಶಗಳನ್ನು ಹೊಂದಿವೆ ಎಂಬುದು ಹಲವಾರು ಅಧ್ಯಯನಗಳಲ್ಲಿ ತಿಳಿದು ಬಂದಿದೆ.
ಈ ಮೊಟ್ಟೆಗಳನ್ನು ತಿನ್ನುವುದರಿಂದಾಗುವ ಪ್ರಯೋಜನಗಳ ವಿಷಯಕ್ಕೆ ಬಂದಾಗ, ಎರಡೂ ಒಂದೇ ಮಟ್ಟದಲ್ಲಿರುತ್ತವೆ. ಕಂದು ಮೊಟ್ಟೆಗಳನ್ನು ಸಾವಯವ ಎಂದು ಪರಿಗಣಿಸಬಹುದು, ಅದರೆ ಈಗಲೂ ಹಾಗೇ ಇದೆಯಾ ಎಂಬುದು ಪ್ರಶ್ನೆಯಾಗಿಯೇ ಉಳಿದಿದೆ.
ಕಂದು ಮೊಟ್ಟೆಗಳು ಬಿಳಿ ಮೊಟ್ಟೆಗಳಿಗಿಂತ ವಿಭಿನ್ನವಾದ ರುಚಿಯನ್ನು ಹೊಂದಿರುತ್ತವೆ ಎಂಬುದು ಹಲವರ ಅಭಿಪ್ರಾಯ. ಅಂದರೆ ಅವುಗಳು ವಿಭಿನ್ನವಾಗಿವೆಯೇ? ಇದಕ್ಕೆ ಉತ್ತರ ಮೊಟ್ಟೆಯನ್ನು ಇಡುವ ಕೋಳಿಯಿಂದ ತಿಳಿಯುತ್ತದೆ. ವೈಟ್ ಲೆಘೋರ್ನ್ ನಂತಹ ಕೋಳಿ ತಳಿಗಳು ಬಿಳಿ ಚಿಪ್ಪಿನ ಮೊಟ್ಟೆಗಳನ್ನು ಇಡುತ್ತವೆ. ಪ್ಲೈಮೌತ್ ರಾಕ್ಸ್ , ರೋಡ್ ಐಲ್ಯಾಂಡ್ ರೆಡ್ಸ್ ನಂತಹ ಇತರ ತಳಿಗಳು ಕಂದು-ಚಿಪ್ಪಿನ ಮೊಟ್ಟೆಗಳನ್ನು ಇಡುತ್ತವೆ.
ಕಂದು ಮೊಟ್ಟೆಗಳು ದುಬಾರಿ ಏಕೆ ?
ಕಂದು ಮೊಟ್ಟೆಗಳನ್ನು ಉತ್ಪಾದಿಸುವ ಕೋಳಿ ತಳಿಗೆ ಉತ್ತಮ ಆಹಾರವನ್ನು ನೀಡಲಾಗುತ್ತದೆ. ಹೀಗಾಗಿ ಕಂದು ಮೊಟ್ಟೆಯ ಬೆಲೆ, ಬಿಳಿಗಿಂತ ಹೆಚ್ಚಾಗಿದೆ. ಬೇರೆ ಬೇರೆ ಕೋಳಿಗಳಿಗೆ ಒಂದೇ ತರಹದ ಆಹಾರವನ್ನು ನೀಡಿದರೂ ರುಚಿಯಲ್ಲಿ ವ್ಯತ್ಯಾಸವೇನೂ ಇರುವುದಿಲ್ಲ.
