ಪ್ರೀತಿ ಎಂದರೇನು, ಈ ಪ್ರಶ್ನೆಗೆ ಉತ್ತರವನ್ನು ನೀವು ತಿಳಿದುಕೊಳ್ಳಬೇಕಾದರೆ, ನೀವು ಹಿರಿಯರೊಂದಿಗೆ ಮಾತನಾಡಬೇಕು. ಯಾವುದೇ ವಯಸ್ಸಾದ ದಂಪತಿಗಳನ್ನು ನೋಡಿ, ಪ್ರೀತಿ ಹೇಗಿರುತ್ತದೆ ಅನ್ನೊ ಪ್ರಶ್ನೆಗೆ ಅದ್ಭುತ ಉತ್ತರ ಸಿಗುತ್ತೆ. ಅಂತಹ ಪ್ರೀತಿಗೆ ಸಾಕ್ಷಿಯಾಗಿದೆ ತಮ್ಮದೇ ಪ್ರೇಮಲೋಕದಲ್ಲಿ ಮುಳುಗೋಗಿರುವ ಈ ಜೋಡಿ.
ಇವರೇ ನೋಡಿ ಅಸಲಿ ಲವ್‌ ಬರ್ಡ್ಸ್, ಸೋಶಿಯಲ್ ಮೀಡಿಯಾದಲ್ಲಿ ಸೆನ್ಸೆಶನ್ ಎಬ್ಬಿಸಿರುವ ಈ ಜೋಡಿ ನೋಡಿ ನೆಟ್ಟಿಗರು ಫುಲ್ ಫಿದಾ ಆಗೋಗಿದ್ದಾರೆ.
ಈ ವಯಸ್ಸಾದ ಹಿರಿಯ ಜೋಡಿ, ಸೂರ್ಯನ ಕಿರಣದ ಬೆಳಕಲ್ಲಿ ಬಿಸಿಲು ಕಾಯಿಸುತ್ತ, ಚಹಾ ಕುಡಿಯುತ್ತ ಕೂತಿದ್ದರು. ಆಗ ಅಲ್ಲೇ ಓಡಾಡುತ್ತಿದ್ದ ಫೋಟೋಗ್ರಾಫರ್ ಈ ಜೋಡಿಯನ್ನ ನೋಡಿದ್ದಾರೆ. ಅವರು ತಮ್ಮ ಕ್ಯಾಮರಾದಲ್ಲಿ ಈ ಜೋಡಿಯ ಫೋಟೋವನ್ನ ಕ್ಲಿಕ್ ಮಾಡಲು ಮುಂದಾಗಿದ್ದಾರೆ. ಆ ಸಮಯದಲ್ಲಿ ಆ ಜೋಡಿಯ ಮುಖದಲ್ಲಿ ಮೂಡಿದ ಖುಷಿ, ನಾಚಿಕೆ, ಮಂದಹಾಸ ನೋಡಿ ಖುದ್ದು ಫೋಟೋಗ್ರಾಫರ್ ಫಿದಾ ಆಗೋಗಿದ್ದಾರೆ.
ಸುತೇಜ್ ಪನ್ನು ಮನೆಯ ಹೊರಗೆ, ಪತ್ನಿಯ ಜೊತೆಗೆ ಕೂತಿರುತ್ತಾರೆ. ಇವರನ್ನ ನೋಡಿ ಫೋಟೋಗ್ರಾಫರ್ ಪಂಜಾಬಿ ಭಾಷೆಯಲ್ಲಿ ಮಾತಾಡಿ, ಅವರ ಫೋಟೋ ಕ್ಲಿಕ್ಕಿಸುವುದಾಗಿ ಅನುಮತಿ ಕೇಳುತ್ತಾನೆ. ಅದಕ್ಕೆ ಆ ಜೋಡಿ ನಗ್ತಾ-ನಗ್ತಾ ಒಪ್ಪಿಕೊಳ್ಳುತ್ತೆ. ಅಷ್ಟೆ ಅಲ್ಲ ಅವರು ಮುಗ್ಧವಾಗಿ ಫೋಟೋಗೆ ಪೋಸ್ ಕೂಡ ಕೊಡ್ತಾರೆ. ಅವರ ಮುದ್ದು-ಮುದ್ದಾಗಿರುವ ವರ್ತನೆ ನೋಡಿ ಫೋಟೋಗ್ರಾಫರ್ ಮನಸೋತಿದ್ದಾರೆ.
ಇದೇ ಖುಷಿಯಲ್ಲಿ ಫೋಟೋ ಗ್ರಾಫರ್‌ ಅವರಿಬ್ಬರ ಫೋಟೋ ಅಲ್ಲೇ ಪ್ರಿಂಟ್ ಹಾಕಿಕೊಡುತ್ತಾರೆ. ಆ ಒಂದು ಘಳಿಗೆಯನ್ನ ಛಾಯಾಗ್ರಾಹಕ ತಮ್ಮ ಟ್ವಿಟ್ಟರ್ ಅಕೌಂಟ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ಪೋಸ್ಟ್ ಶೀರ್ಷಿಕೆಯಲ್ಲಿ ಈ ವೀಡಿಯೋ ಎಷ್ಟು ಮುದ್ದಾಗಿದೆ ಅಂದ್ರೆ, ಯಾರೊಬ್ಬರ ದಿನ ಕೂಡಾ ಅದ್ಭುತ ದಿನವನ್ನಾಗಿ ಮಾಡುತ್ತೆ ಎಂದು ಬರೆದುಕೊಂಡಿದ್ದಾರೆ. ನೆಟ್ಟಿಗರು ಕೂಡಾ ಈ ವಯಸ್ಸಾದ ಜೋಡಿಯ ಮುಗ್ಧತೆಯನ್ನ ನೋಡಿ, ಇವರ ನಿಷ್ಕಲ್ಮಶದ ಜೋಡಿ ನೋಡಿ ಮನಸೋತಿದ್ದಾರೆ.
https://youtu.be/q1y6TNUI1M8
