ನೀವು ದಿನನಿತ್ಯದ ಸಣ್ಣಪುಟ್ಟ ಖರ್ಚುಗಳಿಂದ ಹಿಡಿದು ದೊಡ್ಡ ಮೊತ್ತದ ಪಾವತಿಗಳವರೆಗೆ UPI ಪೇಮೆಂಟ್ ಬಳಸುತ್ತಿದ್ದರೆ ಈ ಸುದ್ದಿ ನಿಮಗೆ ಮುಖ್ಯವಾಗಿದೆ. ಸೆಪ್ಟೆಂಬರ್ 4, ಶುಕ್ರವಾರದಂದು ವಿಶೇಷ ಕಾರಣದಿಂದ UPI ಮೂಲಕ ಹಣ ವರ್ಗಾವಣೆ ಸೇವೆ ಕೆಲಕಾಲ ಸ್ಥಗಿತಗೊಳ್ಳಲಿದೆ.
ಈ ಅವಧಿಯಲ್ಲಿ ಗ್ರಾಹಕರು ಪಾವತಿ ಮಾಡುವಾಗ ಕೆಲ ತೊಂದರೆಗಳನ್ನು ಎದುರಿಸುವ ಸಾಧ್ಯತೆ ಇದೆ. ಹೀಗಾಗಿ ಮುನ್ನೆಚ್ಚರಿಕೆಯಾಗಿ ಅಗತ್ಯವಿದ್ದಷ್ಟು ನಗದು ಹಣವನ್ನು ಮೊದಲೇ ವಿತ್‌ಡ್ರಾ ಮಾಡಿಕೊಂಡು ಇಟ್ಟುಕೊಳ್ಳುವಂತೆ ಸಲಹೆ ನೀಡಲಾಗಿದೆ.
ಯಾವ ಬ್ಯಾಂಕ್‌ನ UPI ಸೇವೆ ಸ್ಥಗಿತ?
ದೇಶದ ಅತಿದೊಡ್ಡ ಸರ್ಕಾರಿ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ತನ್ನ ಸಿಸ್ಟಂನಲ್ಲಿ ನಿರ್ವಹಣಾ (Maintenance) ಕಾಮಗಾರಿ ನಡೆಯಲಿರುವುದಾಗಿ ತಿಳಿಸಿದೆ.
ಸೆಪ್ಟೆಂಬರ್ 4, 2026ರಂದು ರಾತ್ರಿ 12:15ರಿಂದ 1:00 ಗಂಟೆಯವರೆಗೆ SBIನ UPI ಸೇವೆ ಸಂಪೂರ್ಣವಾಗಿ ಲಭ್ಯವಿರುವುದಿಲ್ಲ. ಅಂದರೆ ಒಟ್ಟು 45 ನಿಮಿಷಗಳ ಕಾಲ SBI ಖಾತೆಯ ಮೂಲಕ UPI ಪಾವತಿ ಮಾಡಲು ಸಾಧ್ಯವಾಗುವುದಿಲ್ಲ.
ಆದರೆ ನಿರ್ವಹಣಾ ಕಾಮಗಾರಿ ನಿಗದಿತ ಸಮಯಕ್ಕಿಂತ ಮೊದಲೇ ಪೂರ್ಣಗೊಂಡರೆ, UPI ಸೇವೆಯನ್ನು ಅದಕ್ಕೂ ಮುನ್ನವೇ ಪುನರಾರಂಭಿಸಲಾಗುವುದು ಎಂದು ಬ್ಯಾಂಕ್ ತಿಳಿಸಿದೆ.
ಯಾವ ರೀತಿಯ ಪಾವತಿಗಳು ನಡೆಯುವುದಿಲ್ಲ?
SBI ಪ್ರಕಾರ, ಈ 45 ನಿಮಿಷಗಳ ಅವಧಿಯಲ್ಲಿ SBI ಖಾತೆಯ ಮೂಲಕ ಸಾಮಾನ್ಯ UPI ಪಾವತಿಗಳನ್ನು ಮಾಡಲು ಸಾಧ್ಯವಾಗುವುದಿಲ್ಲ.
ಆದರೆ ಗ್ರಾಹಕರಿಗೆ ಕೊಂಚ ರಿಲೀಫ್ ಇದ್ದು, ಈ ಸಮಯದಲ್ಲೂ UPI Lite ಸೇವೆಯನ್ನು ಬಳಸಬಹುದು.
UPI Lite ಮೂಲಕ PIN ನಮೂದಿಸದೆ ₹1,000ವರೆಗೆ ಸಣ್ಣ ಮೊತ್ತದ ಪಾವತಿಗಳನ್ನು ಮಾಡಬಹುದಾಗಿದೆ. UPI Lite ವಾಲೆಟ್‌ನಲ್ಲಿ ಗರಿಷ್ಠ ₹5,000ವರೆಗೆ ಹಣವನ್ನು ಇರಿಸಿಕೊಳ್ಳಲು ಅವಕಾಶವಿದೆ.
UPI ಪೇಮೆಂಟ್‌ಗೆ ಶುಲ್ಕ ವಿಧಿಸಲಾಗುತ್ತದೆಯೇ?
ಇತ್ತೀಚಿನ ದಿನಗಳಲ್ಲಿ UPI ವಹಿವಾಟುಗಳ ಮೇಲೆ MDR (Merchant Discount Rate) ವಿಧಿಸುವ ಕುರಿತು ಚರ್ಚೆಗಳು ನಡೆಯುತ್ತಿವೆ. ಸೆಪ್ಟೆಂಬರ್ ಮಧ್ಯಭಾಗದಲ್ಲಿ ಈ ಕುರಿತು ಅಧಿಸೂಚನೆ ಹೊರಬರಬಹುದು ಎಂಬ ಮಾತುಗಳು ಕೇಳಿಬರುತ್ತಿವೆ.
ಆದರೆ ಈ ಬಗ್ಗೆ ಸರ್ಕಾರ ಈಗಾಗಲೇ ಸ್ಪಷ್ಟನೆ ನೀಡಿದ್ದು, ಸಾಮಾನ್ಯ ಗ್ರಾಹಕರು UPI ಪಾವತಿಗೆ ಯಾವುದೇ ಹೆಚ್ಚುವರಿ ಶುಲ್ಕ ಪಾವತಿಸಬೇಕಾಗಿಲ್ಲ ಎಂದು ತಿಳಿಸಿದೆ. ಈ ಶುಲ್ಕವು ದೊಡ್ಡ ವ್ಯಾಪಾರಿಗಳು ಹಾಗೂ ಮರ್ಚೆಂಟ್‌ಗಳಿಗೆ ಮಾತ್ರ ಅನ್ವಯಿಸಲಿದೆ.
UPI ಮೂಲಕ ಎಷ್ಟು ಹಣ ವರ್ಗಾವಣೆ ಮಾಡಬಹುದು?
SBI UPI ಮಿತಿಯ ಪ್ರಕಾರ, ಸಾಮಾನ್ಯ ಬಳಕೆದಾರರು ಒಂದು ದಿನದಲ್ಲಿ ಗರಿಷ್ಠ ₹1 ಲಕ್ಷದವರೆಗೆ ವಹಿವಾಟು ನಡೆಸಬಹುದು.
ಆದರೆ ಕೆಲವು ನಿರ್ದಿಷ್ಟ ವರ್ಗಗಳಿಗೆ ಹೆಚ್ಚಿನ ಮಿತಿ ನಿಗದಿಪಡಿಸಲಾಗಿದೆ.
-
ಕ್ಯಾಪಿಟಲ್ ಮಾರ್ಕೆಟ್ ಮತ್ತು ವಿಮೆ: ₹2 ಲಕ್ಷದವರೆಗೆ
-
IPO, ಸರ್ಕಾರಿ ತೆರಿಗೆ ಪಾವತಿ: ₹5 ಲಕ್ಷದವರೆಗೆ
-
ಶಾಲೆ-ಕಾಲೇಜು ಶುಲ್ಕ ಪಾವತಿ: ₹5 ಲಕ್ಷದವರೆಗೆ
ಹೀಗಾಗಿ SBI ಗ್ರಾಹಕರು ಸೆಪ್ಟೆಂಬರ್ 4ರಂದು ರಾತ್ರಿ 12:15ರಿಂದ 1:00 ಗಂಟೆಯವರೆಗೆ UPI ಪಾವತಿ ಸೇವೆ ಲಭ್ಯವಿರುವುದಿಲ್ಲ ಎಂಬುದನ್ನು ಗಮನದಲ್ಲಿಟ್ಟುಕೊಳ್ಳುವುದು ಉತ್ತಮ.
