ಸಾಕು ಪ್ರಾಣಿಗಳಿಗೂ ಮಕ್ಕಳೆಂದರೆ ಅದೆಷ್ಟು ಇಷ್ಟ. ನಾಯಿ, ಬೆಕ್ಕುಗಳು ಮತ್ತು ಮಕ್ಕಳ ನಡುವಿನ ಪ್ರೀತಿಯನ್ನು ತೋರುವ ಹಲವಾರು ವಿಡಿಯೋಗಳು ವೈರಲ್ ಆಗುತ್ತಿರುತ್ತವೆ. ದೊಡ್ಡವರು ಸ್ವಲ್ಪ ನೋವು ಕೊಟ್ಟರೂ ಬೆಕ್ಕು, ನಾಯಿಗಳು ವಾಪಸ್ ಕಚ್ಚುವುದು ಇದೆ. ಆದರೆ ಮಕ್ಕಳು ಎಷ್ಟೇ ನೋವು ಮಾಡಿದರೂ ಸಾಕು ಪ್ರಾಣಿಗಳು ಏನೂ ಮಾಡದ ಕುತೂಹಲದ ಘಟನೆಗಳು ನಡೆಯುವುದನ್ನು ಸಾಕುಪ್ರಾಣಿ ಪ್ರಿಯರು ನೋಡುತ್ತಿರುತ್ತಾರೆ.
ಇದೀಗ ಪುಟಾಣಿ ಬೆಕ್ಕಿನ ಮರಿಯೊಂದು ಚಿಕ್ಕ ಪುಟಾಣಿಯ ಜೊತೆ ಆಟ ಆಡುವ ಕ್ಯೂಟ್ ವಿಡಿಯೋ ವೈರಲ್ ಆಗಿದೆ. ಟ್ವಿಟ್ಟರ್‌ನಲ್ಲಿ ಬ್ಯುಟೆಂಗೆಬೀಡೆನ್ ಹಂಚಿಕೊಂಡಿರುವ ವೀಡಿಯೊ ನೋಡಿದರೆ ಎಂಥ ನೋವು ಕೂಡ ಮಾಯವಾಗುತ್ತದೆ.
ಈ ವಿಡಿಯೋದಲ್ಲಿ ಮೆಟ್ಟಿಲುಗಳ ಮೇಲೆ ಬೆಕ್ಕು ಆರಾಮವಾಗಿ ಕುಳಿತಿದೆ. ಪುಟಾಣಿ ಮಗು ಕರ್ಚೀಫ್ ಒಂದನ್ನು ಮೇಲಕ್ಕೆ ಎಸೆದಾಗ ಬೆಕ್ಕು ಅದನ್ನು ಹಿಡಿದುಕೊಂಡು ಕೆಳಕ್ಕೆ ಬಿಡುತ್ತದೆ. ಹೀಗೆ ಮಗು ಮತ್ತು ಬೆಕ್ಕು ಆಟವಾಡುವುದನ್ನು ನೋಡಬಹುದು. ಮನಸ್ಸಿಗೆ ಬೇಸರವಾದಾಗ ಖಂಡಿತವಾಗಿಯೂ ಇಂಥ ವಿಡಿಯೋ ನಮ್ಮ ಮನಸ್ಸನ್ನು ಆಹ್ಲಾದಗೊಳಿಸುತ್ತದೆ ಎಂದು ಹಲವರು ಕಮೆಂಟ್ ಮೂಲಕ ತಿಳಿಸಿದ್ದಾರೆ.
Having fun together.. 😊 https://t.co/prRJ5qnEc6
— Buitengebieden (@buitengebieden) February 25, 2023
