ಸಕಲ ಶುಭಗಳು ಉಂಟಾಗಬೇಕೆಂದರೆ, ಯುಗಾದಿಗೂ ಮುನ್ನ ಇವುಗಳನ್ನು ತಪ್ಪದೇ ಮನೆಯಿಂದ ಹೊರಹಾಕಿ !

ಯುಗಾದಿ ಹಬ್ಬದ ಕ್ಲೀನಿಂಗ್ ಶುರು ಮಾಡಿದ್ದೀರಾ ? ಹಾಗಾದ್ರೆ ಈ ಲೇಖನ ಓದೋದನ್ನ ಮರೆಯಬೇಡಿ! ಮನೆಯ ಮೂಲೆಯಲ್ಲಿ ಬಿದ್ದಿರುವ ಕೆಲವು ಹಳೆಯ ವಸ್ತುಗಳೇ ನಿಮ್ಮ ಪ್ರಗತಿಗೆ ಅಡ್ಡಿಯಾಗುತ್ತಿರಬಹುದು. ವಾಸ್ತು ಶಾಸ್ತ್ರದ ಪ್ರಕಾರ ಯಾವ ವಸ್ತುಗಳು ಮನೆಯಲ್ಲಿದ್ದರೆ ನಕಾರಾತ್ಮಕತೆ ಹೆಚ್ಚುತ್ತದೆ ಮತ್ತು ಯುಗಾದಿಗೂ ಮುನ್ನ ನೀವು ಮಾಡಲೇಬೇಕಾದ ಆ 7 ಪ್ರಮುಖ ಕೆಲಸಗಳೇನು? ಸಕಲ ಶುಭ ಫಲಗಳಿಗಾಗಿ ಈ ಸರಳ ಸೂತ್ರಗಳನ್ನು ತಪ್ಪದೇ ಪಾಲಿಸಿ.

ಹೌದು.  ಯುಗಾದಿ ಎಂದರೆ ಹೊಸ ಆರಂಭದ ಸಂಕೇತ. ಅದಕ್ಕಾಗಿಯೇ ಆ ದಿನ ಕೆಲವು ತಪ್ಪುಗಳನ್ನು ಮಾಡಬಾರದು ಮತ್ತು ಕೆಲವು ಉತ್ತಮ ಸಂಪ್ರದಾಯಗಳನ್ನು ಪಾಲಿಸುವುದು ಬಹಳ ಮುಖ್ಯ. ವಿಶೇಷವಾಗಿ ಯುಗಾದಿ ಹಬ್ಬಕ್ಕೂ ಮುನ್ನ ಮನೆಯನ್ನು ಸ್ವಚ್ಛಗೊಳಿಸಿ ಕೆಲವು ವಸ್ತುಗಳನ್ನು ತೆಗೆದುಹಾಕುವುದರಿಂದ ಧನಾತ್ಮಕ ಶಕ್ತಿ (Positive Energy) ಹೆಚ್ಚಾಗುತ್ತದೆ ಎಂದು ಹಿರಿಯರು ಹೇಳುತ್ತಾರೆ. ಮನೆಯಿಂದ ಯಾವ ವಸ್ತುಗಳನ್ನು ಹೊರಹಾಕಬೇಕು ಎಂಬ ವಿವರ ಇಲ್ಲಿದೆ.

ನಾವು ಇನ್ನು ಕೆಲವೇ ದಿನಗಳಲ್ಲಿ ಪರಾಭವ ನಾಮ ಸಂವತ್ಸರಕ್ಕೆ ಕಾಲಿಡಲಿದ್ದೇವೆ. ಪ್ರತಿ ಹೊಸ ವರ್ಷವನ್ನು ಎಲ್ಲರೂ ಸಂತೋಷದಿಂದ ಮತ್ತು ಶುಭವಾಗಿ ಪ್ರಾರಂಭಿಸಲು ಬಯಸುತ್ತಾರೆ. ಹೊಸ ವರ್ಷವಿಡೀ ಸುಖ-ಸಂತೋಷದಿಂದ ಕಳೆಯಲಿ ಎಂದು ಆಶಿಸುತ್ತಾ ಯುಗಾದಿ ಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಲಾಗುತ್ತದೆ. ಯುಗಾದಿ ಹೊಸ ಆರಂಭದ ಸಂಕೇತವಾಗಿರುವುದರಿಂದ, ಮನೆಯನ್ನು ಶುದ್ಧವಾಗಿಟ್ಟುಕೊಳ್ಳುವುದು ಮುಖ್ಯ. ಹೀಗೆ ಮಾಡುವುದರಿಂದ ತೊಂದರೆಗಳು ಕಡಿಮೆಯಾಗಿ ಶುಭ ಫಲಗಳು ಲಭಿಸುತ್ತವೆ ಎಂಬ ನಂಬಿಕೆಯಿದೆ.

ಯುಗಾದಿಗೂ ಮುನ್ನ ಮನೆಯಿಂದ ಹೊರಹಾಕಬೇಕಾದ ವಸ್ತುಗಳು:

1. ಹಳೆಯ ಮತ್ತು ಮುರಿದ ಸಾಮಾನುಗಳು ಅನೇಕ ಮನೆಗಳಲ್ಲಿ ಒಡೆದ ಕನ್ನಡಿಗಳು, ಮುರಿದ ವಸ್ತುಗಳು ಮತ್ತು ಕೆಲಸ ಮಾಡದ ಎಲೆಕ್ಟ್ರಾನಿಕ್ ಸಾಮಾನುಗಳನ್ನು ಹಾಗೆಯೇ ಇಟ್ಟಿರುತ್ತಾರೆ. ಇವು ಮನೆಯಲ್ಲಿ ನಕಾರಾತ್ಮಕ ಶಕ್ತಿಯನ್ನು ಹೆಚ್ಚಿಸುತ್ತವೆ ಎಂದು ಹೇಳಲಾಗುತ್ತದೆ. ಆದ್ದರಿಂದ ಯುಗಾದಿಗೂ ಮುನ್ನ ಇಂತಹ ನಿರುಪಯುಕ್ತ ವಸ್ತುಗಳನ್ನು ತೆಗೆದುಹಾಕುವುದು ಒಳ್ಳೆಯದು.

2. ಹಳೆಯ ಚಪ್ಪಲಿಗಳು ಮತ್ತು ಬಳಕೆಗೆ ಬಾರದ ಬಟ್ಟೆಗಳು ಮನೆಯಲ್ಲಿ ಬಳಕೆಗೆ ಬಾರದ ಚಪ್ಪಲಿಗಳು, ಅಳತೆಗೆ ಸರಿಹೊಂದದ ಬಟ್ಟೆಗಳು ಮತ್ತು ಹಳೆಯ ವಸ್ತುಗಳು ಹೆಚ್ಚಾಗಿರುವುದರಿಂದ ಜಾಗ ವ್ಯರ್ಥವಾಗುವುದಲ್ಲದೆ, ಇವು ನಕಾರಾತ್ಮಕತೆಯನ್ನು ಹೆಚ್ಚಿಸುತ್ತವೆ ಎಂಬ ನಂಬಿಕೆಯಿದೆ.

3. ಪೂಜಾ ಕೋಣೆಯ ಸ್ವಚ್ಛತೆ ಪೂಜಾ ಕೋಣೆ ಯಾವಾಗಲೂ ಪವಿತ್ರವಾಗಿ ಮತ್ತು ಸ್ವಚ್ಛವಾಗಿರಬೇಕು. ಒಣಗಿದ ಹೂವುಗಳು, ಮುರಿದ ದೇವತಾ ವಿಗ್ರಹಗಳನ್ನು ತಕ್ಷಣವೇ ತೆಗೆದುಹಾಕಿ ಪೂಜಾ ಕೋಣೆಯನ್ನು ಶುಚಿಗೊಳಿಸಬೇಕು. ಇದರಿಂದ ಮನೆಯಲ್ಲಿ ಧನಾತ್ಮಕ ಶಕ್ತಿ ಹೆಚ್ಚುತ್ತದೆ.

4. ಮನೆಯ ಮುಖ್ಯದ್ವಾರದ ಸ್ವಚ್ಛತೆ ಮನೆಯ ಮುಖದ್ವಾರ ಸ್ವಚ್ಛವಾಗಿರುವುದು ಬಹಳ ಮುಖ್ಯ. ಮನೆಯ ಮುಂದೆ ಕೊಳೆ ಅಥವಾ ಕಸವಿದ್ದರೆ ಲಕ್ಷ್ಮಿ ದೇವಿಯು ಮನೆಗೆ ಪ್ರವೇಶಿಸುವುದಿಲ್ಲ ಎಂದು ಹಿರಿಯರು ಹೇಳುತ್ತಾರೆ. ಆದ್ದರಿಂದ ಯುಗಾದಿಯ ಸಂದರ್ಭದಲ್ಲಿ ಮಾವಿನ ಎಲೆಗಳ ತೋರಣ ಕಟ್ಟಿ, ರಂಗೋಲಿ ಹಾಕಿ ಮನೆಯ ಮುಂಭಾಗವನ್ನು ಸುಂದರವಾಗಿ ಅಲಂಕರಿಸಬೇಕು.

5. ಪರದೆಗಳು ಮತ್ತು ಬೆಡ್ ಶೀಟ್‌ಗಳು ಮನೆಯಲ್ಲಿರುವ ಪರದೆಗಳು (Curtains), ಬೆಡ್ ಶೀಟ್‌ಗಳು ಮತ್ತು ಸೋಫಾ ಕವರ್‌ಗಳು ಯಾವಾಗಲೂ ಸ್ವಚ್ಛವಾಗಿರಬೇಕು. ಇವು ಕೊಳೆಯಾಗಿದ್ದರೆ ಮನೆಯ ವಾತಾವರಣವೂ ನಕಾರಾತ್ಮಕವಾಗಿ ಬದಲಾಗುತ್ತದೆ.

6. ಹಳೆಯ ಕ್ಯಾಲೆಂಡರ್‌ಗಳು ಮತ್ತು ಕೆಟ್ಟ ಹೋದ ಗಡಿಯಾರಗಳು ಹೊಸ ವರ್ಷ ಆರಂಭವಾಗುವಾಗ ಹಳೆಯ ಕ್ಯಾಲೆಂಡರ್‌ಗಳನ್ನು ಅಥವಾ ಕೆಲಸ ಮಾಡದ ಗಡಿಯಾರಗಳನ್ನು ಮನೆಯಲ್ಲಿ ಇಡಬಾರದು. ಇವು ಪ್ರಗತಿಗೆ ಅಡ್ಡಿ ಎಂದು ಭಾವಿಸಲಾಗುತ್ತದೆ, ಆದ್ದರಿಂದ ಇವುಗಳನ್ನು ತೆಗೆದುಹಾಕುವುದು ಉತ್ತಮ.

7. ಕಸ ಮತ್ತು ಧೂಳು ಮನೆಯಲ್ಲಿ ಕಸ ಮತ್ತು ಧೂಳು ಸಂಗ್ರಹವಾಗುವುದರಿಂದ ನಕಾರಾತ್ಮಕ ಶಕ್ತಿ ಹೆಚ್ಚುತ್ತದೆ. ಆದ್ದರಿಂದ ಯುಗಾದಿಗೂ ಮುನ್ನ ಮನೆಯನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಿ ಶುಚಿಯಾಗಿಡಬೇಕು.

ಕೊನೆಯದಾಗಿ: ಮನೆ ಸ್ವಚ್ಛವಾಗಿದ್ದರೆ ಮನಸ್ಸಿಗೂ ಪ್ರಶಾಂತತೆ ಸಿಗುತ್ತದೆ. ಯುಗಾದಿಗೂ ಮುನ್ನ ಮನೆಯನ್ನು ಸ್ವಚ್ಛಗೊಳಿಸಿ ಈ ಸಣ್ಣಪುಟ್ಟ ಸಂಪ್ರದಾಯಗಳನ್ನು ಪಾಲಿಸಿದರೆ ಹೊಸ ವರ್ಷವು ಸಂತೋಷ ಮತ್ತು ಶುಭವಾಗಿ ಆರಂಭವಾಗುತ್ತದೆ.

 (ಗಮನಿಸಿ :  ಈ ಸುದ್ದಿಯಲ್ಲಿರುವ ಮಾಹಿತಿಯು ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದೆ. ಇದನ್ನು ನಾವು ದೃಢೀಕರಿಸುವುದಿಲ್ಲ.)