ಅಡುಗೆ ಮಾಡಲು ಹೆಚ್ಚಿನವರು ಸ್ಟೀಲ್ ಪಾತ್ರೆಗಳನ್ನು, ಕಬ್ಬಿಣದ ಪಾತ್ರೆಗಳನ್ನು ಬಳಸುತ್ತಾರೆ. ಆದರೆ ಇವುಗಳ ಮೇಲೆ ನೀರು ಇದ್ದಾಗ, ಅವುಗಳನ್ನು ಬಳಸದಿದ್ದಾಗ ಅವುಗಳಲ್ಲಿ ತುಕ್ಕು ಕಂಡುಬರುತ್ತದೆ. ಇದನ್ನು ಎಷ್ಟೇ ಉಜ್ಜಿದರೂ ಸ್ವಚ್ಛವಾಗುವುದಿಲ್ಲ. ಹಾಗಾಗಿ ಅವುಗಳನ್ನು ಕ್ಲೀನ್ ಮಾಡಲು ಈ ಸಲಹೆ ಪಾಲಿಸಿ.
ಪಾತ್ರೆಗಳ ಮೇಲಿನ ತುಕ್ಕುಗಳನ್ನು ಸ್ವಚ್ಛಗೊಳಿಸಲು ಉಪ್ಪು ಮತ್ತು ನಿಂಬೆ ರಸವನ್ನು ಮಿಶ್ರಣ ಮಾಡಿ ಮತ್ತು ಅದನ್ನು ತುಕ್ಕು ಇರುವ ಜಾಗಕ್ಕೆ ಉಜ್ಜಿಕೊಳ್ಳಿ. 5 ನಿಮಿಷಗಳ ಕಾಲ ಹಾಗೆ ಬಿಡಿ. ನಂತರ ಆ ಸ್ಥಳವನ್ನು ಶುದ್ಧ ನೀರಿನಿಂದ ಸ್ವಚ್ಛಗೊಳಿಸಿ. ಹಾಗೇ ಅಡುಗೆ ಸೋಡಾ ಮತ್ತು ಉಪ್ಪನ್ನು ಮಿಕ್ಸ್ ಮಾಡಿ ಪಾತ್ರೆಗಳ ಮೇಲೆ ಹಚ್ಚಿ ಉಜ್ಜಿದರೆ ತುಕ್ಕು ನಿವಾರಣೆಯಾಗುತ್ತದೆ. ಹಾಗೇ ತುಕ್ಕು ಇರುವ ಕಡೆ ಆಲೂಗಡ್ಡೆಯಿಂದ ಉಜ್ಜಿದರೂ ಕೂಡ ತುಕ್ಕು ನಿವಾರಣೆಯಾಗುತ್ತದೆ.
