ಬೆಂಗಳೂರು: ಈ ಬಾರಿಯ ಬೇಸಿಗೆಯಲ್ಲಿ ಉರಿಬಿಸಿಲನ್ನು ಎದುರಿಸಲು ಭಾರತೀಯರು ಕೇವಲ ಫ್ಯಾನ್, ಎಸಿ ಮಾತ್ರ ಬಳಸಿಲ್ಲ, ಬದಲಾಗಿ ಬಗೆಬಗೆಯ ತಂಪು ಪಾನೀಯ, ಜ್ಯೂಸ್ ಮತ್ತು ಐಸ್ಕ್ರೀಮ್ಗಳನ್ನೂ ಭರ್ಜರಿಯಾಗಿ ಸವಿದಿದ್ದಾರೆ. ಭಾರತದ ಪ್ರಮುಖ ಫುಡ್ ಡೆಲಿವರಿ ಪ್ಲಾಟ್ಫಾರ್ಮ್ ‘ಸ್ವಿಗ್ಗಿ’ ಬಿಡುಗಡೆ ಮಾಡಿರುವ ‘ಸಮ್ಮರ್ ಟ್ರೆಂಡ್ಸ್ 2026 ವರದಿಯಲ್ಲಿ ಭಾರತೀಯರ ಈ ಆಸಕ್ತಿದಾಯಕ ಆರ್ಡರಿಂಗ್ ಟ್ರೆಂಡ್ಸ್ ಬಹಿರಂಗವಾಗಿದೆ.
ವರದಿಯ ಪ್ರಕಾರ, ಕಳೆದ ವರ್ಷಕ್ಕೆ ಹೋಲಿಸಿದರೆ ತಂಪು ಪಾನೀಯಗಳ ಬೇಡಿಕೆ ಈ ಬಾರಿ ಶೇ. 20.7ರಷ್ಟು ಮತ್ತು ಸಿಹಿತಿಂಡಿಗಳ (Desserts) ಬೇಡಿಕೆ ಶೇ. 19.2ರಷ್ಟು ಹೆಚ್ಚಾಗಿದೆ. ಅಚ್ಚರಿಯೆಂದರೆ, ಅಮರಾವತಿ (ಶೇ. 63ರಷ್ಟು ಏರಿಕೆ) ಮತ್ತು ತಂಜಾವೂರಿನಂತಹ (ಶೇ. 44.1ರಷ್ಟು ಏರಿಕೆ) 2ನೇ ಸ್ಥರದ (Tier-2) ನಗರಗಳು ಈ ಬಾರಿ ಸಿಹಿತಿಂಡಿಗಳ ಆರ್ಡರ್ನಲ್ಲಿ ಮುಂಚೂಣಿಯಲ್ಲಿವೆ.
ಮ್ಯಾಂಗೋ ಮೇನಿಯಾ’: ಒಂದೇ ಬಾರಿಗೆ 120 ಮ್ಯಾಂಗೋ ಕೇಕ್ ಆರ್ಡರ್
ಬೇಸಿಗೆಯ ಹಣ್ಣುಗಳ ರಾಜ ಮಾವಿನ ಹಣ್ಣಿನ ರುಚಿಗೆ ಭಾರತೀಯರು ಸಂಪೂರ್ಣವಾಗಿ ಫಿದಾ ಆಗಿದ್ದಾರೆ. ಮಾವಿನ ಹಣ್ಣಿನ ಆಧಾರಿತ ಡೆಸರ್ಟ್ಗಳು ಮತ್ತು ಐಸ್ಕ್ರೀಮ್ಗಳ ಬೇಡಿಕೆಯಲ್ಲಿ ಶೇ. 19.3ರಷ್ಟು ಏರಿಕೆ ಕಂಡುಬಂದಿದೆ.
ಮತ್ತೆ ಗೆದ್ದ ಮಾವು: ಒಂದೇ ಆರ್ಡರ್ನಲ್ಲಿ 120 ಮ್ಯಾಂಗೋ ಕೇಕ್
ಹಣ್ಣುಗಳ ರಾಜ ಮಾವು ಬೇಸಿಗೆ ಕಾಲದ ರಾಜನೂ ಹೌದು ಎಂಬುದನ್ನು ಸ್ವಿಗ್ಗಿ ವರದಿ ಸಾಬೀತುಪಡಿಸಿದೆ. ಮ್ಯಾಂಗೋ ಫ್ಲೇವರ್ನ ಐಸ್ಕ್ರೀಮ್, ಲಸ್ಸಿ ಮತ್ತು ಡೆಸರ್ಟ್ಗಳ ಬೇಡಿಕೆಯಲ್ಲಿ ಶೇ. 19.3ರಷ್ಟು ಹೆಚ್ಚಳ ಕಂಡುಬಂದಿದೆ. ಈ ಎರಡು ತಿಂಗಳಲ್ಲಿ, ಸ್ವಿಗ್ಗಿ ಪ್ರತಿದಿನ ಸರಾಸರಿ 1,547 ಮ್ಯಾಂಗೋ ಲಸ್ಸಿಗಳನ್ನು ಗ್ರಾಹಕರಿಗೆ ತಲುಪಿಸಿದೆ.
ಇದರ ಕ್ರೇಜ್ ಎಷ್ಟಿತ್ತೆಂದರೆ, ಭೋಪಾಲ್ನ ಗ್ರಾಹಕರೊಬ್ಬರು ಒಂದೇ ಬಾರಿಗೆ ಬರೋಬ್ಬರಿ 120 ಮ್ಯಾಂಗೋ ಕೇಕ್ ಪೀಸ್ಗಳನ್ನು ಆರ್ಡರ್ ಮಾಡಿದ್ದಾರೆ! ಇನ್ನು ಮುಂಬೈನ ಗ್ರಾಹಕರೊಬ್ಬರು 38 ಮ್ಯಾಂಗೋ ಗೇಟೊ ಸಿಹಿತಿಂಡಿಗಾಗಿ ಬರೋಬ್ಬರಿ 16,644 ರೂ. ಖರ್ಚು ಮಾಡಿದ್ದಾರೆ. ಪುಣೆಯ ಫೇಮಸ್ ಮ್ಯಾಂಗೋ ಮಸ್ತಾನಿ ಈ ಬಾರಿ ಮೈಸೂರು ಮತ್ತು ಮಂಗಳೂರಿನಲ್ಲೂ ಸದ್ದು ಮಾಡಿದೆ.
ಟೆಂಡರ್ ಕೋಕೋನಟ್, ಕಾಫಿಯದ್ದೇ ದರ್ಬಾರ್
ಬೇಸಿಗೆಯಲ್ಲಿ ಮಾವಿನ ಹಣ್ಣಿನಷ್ಟೇ ಜನಪ್ರಿಯವಾದ ಮತ್ತೊಂದು ಫ್ಲೇವರ್ ಅಂದ್ರೆ ಅದು ಎಳನೀರು. ಟೆಂಡರ್ ಕೋಕನಟ್ ಐಸ್ಕ್ರೀಮ್ ಭಾರತೀಯರ ಅಚ್ಚುಮೆಚ್ಚಿನ ಆಯ್ಕೆಯಾಗಿದ್ದು, ಇದರ ಬೇಡಿಕೆ ಶೇ. 13.4ರಷ್ಟು ಹೆಚ್ಚಾಗಿದೆ. ಮುಂಬೈ, ಬೆಂಗಳೂರು ಮತ್ತು ಹೈದರಾಬಾದ್ನ ಜನತೆ ಅತಿ ಹೆಚ್ಚು ಟೆಂಡರ್ ಕೋಕನಟ್ ಐಸ್ಕ್ರೀಮ್ ಸವಿದಿದ್ದಾರೆ. ಹೈದರಾಬಾದ್ನ ಗ್ರಾಹಕರೊಬ್ಬರು ಒಂದೇ ಆರ್ಡರ್ಗೆ 17,780 ರೂ. ಪಾವತಿಸಿ ಎಳನೀರು ಫ್ಲೇವರ್ನ ಐಸ್ಕ್ರೀಮ್ ತರಿಸಿಕೊಂಡಿರುವುದು ವಿಶೇಷ!
ಇನ್ನು ತಂಪು ಪಾನೀಯಗಳ ವಿಭಾಗದಲ್ಲಿ ಆರೆಂಜ್, ಲೈಮ್, ಕಲ್ಲಂಗಡಿ ಜ್ಯೂಸ್ಗಳ ಜೊತೆಗೆ ಕೋಲ್ಡ್ ಕಾಫಿ ಮತ್ತು ಮೋಕಾ ಡ್ರಿಂಕ್ಸ್ ಅತಿ ಹೆಚ್ಚು ಆರ್ಡರ್ ಆಗಿವೆ. ಕಾಫಿ ಆಧಾರಿತ ಪಾನೀಯಗಳ ಬೇಡಿಕೆ ಶೇ. 38.4ರಷ್ಟು ಹೆಚ್ಚಾಗಿದ್ದು, ಮುಂಬೈ, ದಿಲ್ಲಿ ಮತ್ತು ಬೆಂಗಳೂರಿನ ಜನ ಸಂಜೆ 4 ರಿಂದ 9 ಗಂಟೆಯ ನಡುವೆ ಅತಿ ಹೆಚ್ಚು ಕೋಲ್ಡ್ ಕಾಫಿ ಆರ್ಡರ್ ಮಾಡಿದ್ದಾರೆ.
ಆರೋಗ್ಯದತ್ತ ಮುಖ ಮಾಡಿದ ಗ್ರಾಹಕರು
ಐಸ್ಕ್ರೀಮ್, ಜ್ಯೂಸ್ಗಳ ನಡುವೆಯೂ ಗ್ರಾಹಕರು ತಮ್ಮ ಫಿಟ್ನೆಸ್ ಮತ್ತು ಆರೋಗ್ಯದ ಕಡೆಯೂ ಹೆಚ್ಚು ಗಮನ ಹರಿಸಿದ್ದಾರೆ. ಈ ಬಾರಿ ಹೈ ಪ್ರೋಟೀನ್ ಆಹಾರಗಳ ಬೇಡಿಕೆಯಲ್ಲಿ ಬರೋಬ್ಬರಿ ಶೇ. 84ರಷ್ಟು ಮತ್ತು ಕಡಿಮೆ ಕ್ಯಾಲೋರಿಯ ಆಹಾರಗಳ ಬೇಡಿಕೆಯಲ್ಲಿ ಶೇ. 105ರಷ್ಟು ಭಾರಿ ಏರಿಕೆ ಕಂಡುಬಂದಿದೆ. ಹಾಗೆಯೇ, ಜೀರೋ ಶುಗರ್ ತಿಂಡಿ – ಪಾನೀಯಗಳ ಆರ್ಡರ್ ಶೇ. 30ರಷ್ಟು ಹೆಚ್ಚಾಗಿರುವುದು, ಭಾರತೀಯರು ಆರೋಗ್ಯಕರ ಆಹಾರ ಪದ್ಧತಿಯತ್ತ ವಾಲುತ್ತಿರುವುದಕ್ಕೆ ಸಾಕ್ಷಿಯಾಗಿದೆ.
2014ರಲ್ಲಿ ಆರಂಭವಾದ ಸ್ವಿಗ್ಗಿ, ಭಾರತದ ಮುಂಚೂಣಿ ಆನ್-ಡಿಮ್ಯಾಂಡ್ ಫುಡ್ ಡೆಲಿವರಿ ಪ್ಲಾಟ್ಫಾರ್ಮ್ ಆಗಿದೆ. ದೇಶದ 720ಕ್ಕೂ ಹೆಚ್ಚು ನಗರಗಳಲ್ಲಿ 2.7 ಲಕ್ಷಕ್ಕೂ ಅಧಿಕ ರೆಸ್ಟೋರೆಂಟ್ಗಳೊಂದಿಗೆ ಕೈಜೋಡಿಸಿರುವ ಸ್ವಿಗ್ಗಿ, 6.1 ಲಕ್ಷ ಡೆಲಿವರಿ ಪಾರ್ಟ್ನರ್ಗಳ ಮೂಲಕ ಪ್ರತಿದಿನ ಲಕ್ಷಾಂತರ ಗ್ರಾಹಕರಿಗೆ ಸೇವೆ ಒದಗಿಸುತ್ತಿದೆ. ಇದಲ್ಲದೆ, ತನ್ನ ಇನ್ಸ್ಟಾಮಾರ್ಟ್ ಮೂಲಕ ದಿನಸಿ ಮತ್ತು ಗೃಹೋಪಯೋಗಿ ವಸ್ತುಗಳ ತ್ವರಿತ ವಿತರಣೆಯನ್ನೂ ಮಾಡುತ್ತಿದೆ.
