ಬೆಂಗಳೂರು: ಪ್ರತಿಯೊಬ್ಬ ತಾಯಿಗೂ ತನ್ನ ಮಗು ಸುಂದರವಾಗಿರಬೇಕು, ಎಲ್ಲರಿಗಿಂತ ಬುದ್ಧಿವಂತನಾಗಿರಬೇಕು ಮತ್ತು ಜೀವನದಲ್ಲಿ ದೊಡ್ಡ ಸಾಧನೆ ಮಾಡಬೇಕು ಎಂಬ ಕನಸಿರುತ್ತದೆ. ಆದರೆ, ಮಗುವಿನ ಈ ಜಾಣತನ ಮತ್ತು ಆರೋಗ್ಯ ನಿರ್ಧಾರವಾಗುವುದು ಆ ಮಗು ಗರ್ಭದಲ್ಲಿರುವಾಗಲೇ ಎಂಬುದು ನಿಮಗೆ ಗೊತ್ತೇ? ಹೌದು, ಗರ್ಭಾವಸ್ಥೆಯ ಒಂಬತ್ತು ತಿಂಗಳುಗಳಲ್ಲಿ ತಾಯಿ ಸೇವಿಸುವ ಆಹಾರ ಮತ್ತು ಆಕೆಯ ಜೀವನಶೈಲಿ ಮಗುವಿನ ಐಕ್ಯೂ (IQ) ಮಟ್ಟವನ್ನು ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ.
ಕೇವಲ ಹಸಿವು ನೀಗಿಸಲು ಆಹಾರ ಸೇವಿಸುವುದಕ್ಕಿಂತ, ಮಗುವಿನ ಮೆದುಳಿನ ಬೆಳವಣಿಗೆಗೆ ಪೂರಕವಾದ ಪೌಷ್ಟಿಕಾಂಶಗಳನ್ನು ಒದಗಿಸುವುದು ಇಂದಿನ ತುರ್ತು ಅಗತ್ಯ. ಭ್ರೂಣದಲ್ಲಿರುವಾಗಲೇ ಮಗುವನ್ನು ಸಕ್ರಿಯಗೊಳಿಸಲು ಮತ್ತು ಅದರ ಕೌಶಲ್ಯಗಳನ್ನು ಚುರುಕುಗೊಳಿಸಲು ಕೆಲವು ‘ಸೀಕ್ರೆಟ್’ ಆಹಾರಗಳು ಮತ್ತು ಹವ್ಯಾಸಗಳಿವೆ. ನಿಮ್ಮ ಮಗು ಹುಟ್ಟುತ್ತಲೇ ಜಾಣನಾಗಿರಲು ಗರ್ಭಿಣಿಯರು ಮಾಡಬೇಕಾದ ಆ 8 ಪ್ರಮುಖ ಕೆಲಸಗಳು ಮತ್ತು ಸೇವಿಸಬೇಕಾದ ಹತ್ತು ಪೌಷ್ಟಿಕ ಆಹಾರಗಳ ಸಂಪೂರ್ಣ ಮಾಹಿತಿ ಇಲ್ಲಿದೆ.
1.ಓಮೆಗಾ-3 ಸಮೃದ್ಧವಾಗಿರುವ ಮೀನು: ಮಗುವಿನ ಮೆದುಳಿನ ಬೆಳವಣಿಗೆಗೆ ಸಾಲ್ಮನ್ ಮೀನು ಅತ್ಯುತ್ತಮ. ಇದರಲ್ಲಿರುವ ‘ಓಮೆಗಾ-3 ಫ್ಯಾಟಿ ಆಸಿಡ್’ ಮಗುವನ್ನು ಬುದ್ಧಿವಂತನನ್ನಾಗಿ ಮಾಡುತ್ತದೆ. ವಾರದಲ್ಲಿ ಕನಿಷ್ಠ ಎರಡು ಬಾರಿ ಮೀನು ಸೇವಿಸುವುದು ಒಳ್ಳೆಯದು. ಅದರಲ್ಲೂ ಸಿಂಪಿ (Oysters) ಸೇವನೆಯಿಂದ ದೇಹಕ್ಕೆ ಅಗತ್ಯವಾದ ಅಯೋಡಿನ್ ದೊರೆಯುತ್ತದೆ. ಅಯೋಡಿನ್ ಕೊರತೆಯಾದರೆ ಮಗುವಿನ ಬುದ್ಧಿಶಕ್ತಿ ಕುಂಠಿತವಾಗಬಹುದು ಆದ್ದರಿಂದ ಈ ಬಗ್ಗೆ ಎಚ್ಚರವಿರಲಿ.
2.ಶಕ್ತಿಯುತ ಹಸಿರು ಸೊಪ್ಪು ಮತ್ತು ತರಕಾರಿಗಳು: ಪಾಲಕ ಸೊಪ್ಪು ಮತ್ತು ಮಸೂರ ಬೇಳೆಗಳಲ್ಲಿ ಫೋಲಿಕ್ ಆಮ್ಲ ಹೇರಳವಾಗಿದೆ. ಇದು ಮಗುವಿನ ಮೆದುಳಿನ ಅಂಗಾಂಶಗಳು ಹಾನಿಯಾಗದಂತೆ ರಕ್ಷಿಸುವುದಲ್ಲದೆ, ನರಮಂಡಲದ ದೋಷಗಳನ್ನು (Neural Tube Defects) ತಡೆಯುತ್ತದೆ. ಗರ್ಭಿಣಿಯರು ದಿನನಿತ್ಯದ ಆಹಾರದಲ್ಲಿ ಹಸಿರು ತರಕಾರಿಗಳನ್ನು ಬಳಸುವುದರಿಂದ ಮಗುವಿನ ಆರೋಗ್ಯಕ್ಕೆ ಭದ್ರ ಬುನಾದಿ ಸಿಗುತ್ತದೆ.
3.ಸ್ಮರಣಾ ಶಕ್ತಿ ಹೆಚ್ಚಿಸುವ ಮೊಟ್ಟೆಗಳು: ಮೊಟ್ಟೆಯನ್ನು ಪೌಷ್ಟಿಕಾಂಶಗಳ ಗಣಿ ಎನ್ನಬಹುದು. ಇದರಲ್ಲಿರುವ ಕೋಲಿನ್ ಎಂಬ ಅಮೈನೋ ಆಮ್ಲವು ಮಗುವಿನ ಸ್ಮರಣಾ ಶಕ್ತಿಯನ್ನು (Memory Power) ಹೆಚ್ಚಿಸಲು ಸಹಾಯ ಮಾಡುತ್ತದೆ ಎಂದು ಸಂಶೋಧನೆಗಳು ಹೇಳುತ್ತವೆ. ಕಡಿಮೆ ಕ್ಯಾಲೋರಿ ಮತ್ತು ಹೆಚ್ಚಿನ ಪ್ರೋಟೀನ್ ಹೊಂದಿರುವ ಮೊಟ್ಟೆ, ಭ್ರೂಣದ ಸಮಗ್ರ ಬೆಳವಣಿಗೆಗೆ ಪೂರಕ.
4.ಮಗುವಿನ ಕಾಂತಿಯುತ ಚರ್ಮಕ್ಕೆ ಕಿತ್ತಳೆ ಹಣ್ಣು: ಹುಟ್ಟುವ ಮಗು ಸುಂದರವಾಗಿ ಮತ್ತು ಕಾಂತಿಯುತ ತ್ವಚೆ ಹೊಂದಿರಬೇಕೆಂದು ಬಯಸುವವರು ದಿನಕ್ಕೆ ಎರಡು ಕಿತ್ತಳೆ ಹಣ್ಣು ಸೇವಿಸಿ. ಇದರಲ್ಲಿರುವ ವಿಟಮಿನ್ ಸಿ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದಲ್ಲದೆ, ರಕ್ತವನ್ನು ಶುದ್ಧೀಕರಿಸುತ್ತದೆ. ಇದರಿಂದ ಹುಟ್ಟುವ ಮಗುವಿನ ಚರ್ಮ ನೈಸರ್ಗಿಕವಾಗಿ ಹೊಳೆಯುತ್ತದೆ.
5.ಬುದ್ಧಿಶಕ್ತಿ ಹೆಚ್ಚಿಸಲು ಬಾದಾಮಿ: ರಾತ್ರಿ ನೆನೆಸಿಟ್ಟ ಬಾದಾಮಿಯನ್ನು ಪ್ರತಿದಿನ ಸೇವಿಸುವುದು ಗರ್ಭಿಣಿಯರಿಗೆ ತುಂಬಾ ಲಾಭದಾಯಕ. ಇದರಲ್ಲಿರುವ ಮೆಗ್ನೀಸಿಯಮ್, ವಿಟಮಿನ್ ಇ ಮತ್ತು ಪ್ರೋಟೀನ್ ಮಗುವಿನ ಮೆದುಳನ್ನು ಚುರುಕುಗೊಳಿಸುತ್ತವೆ. ಆರೋಗ್ಯಕರ ಕೊಬ್ಬಿನಾಂಶವಿರುವ ಬಾದಾಮಿ ಸೇವನೆಯಿಂದ ನೀವು ಬುದ್ಧಿವಂತ ಮಗುವನ್ನು ಪಡೆಯಬಹುದು.
