ದುಡ್ಡು ಉಳಿಸಬೇಕು, ಅದನ್ನ ಬೆಳೆಸಬೇಕು ಅಂದಾಗ ನಮ್ಮ ಮುಂದೆ ಬರೋ ಮೊದಲ ಪ್ರಶ್ನೆ ಷೇರು ಮಾರುಕಟ್ಟೆ (Stock Market) ಬೆಸ್ಟಾ ಅಥವಾ ಬ್ಯಾಂಕ್ ಫಿಕ್ಸೆಡ್ ಡೆಪಾಸಿಟ್ (Bank FD) ಬೆಸ್ಟಾ? ದೀರ್ಘಾವಧಿಯ ಲೆಕ್ಕಾಚಾರ ಹಾಕಿದ್ರೆ, ಬ್ಯಾಂಕ್ ಎಫ್ಡಿಗಿಂತ ಈಕ್ವಿಟಿ ಮಾರುಕಟ್ಟೆ ಭರ್ಜರಿ ರಿಟರ್ನ್ಸ್ ಕೊಟ್ಟು ಹೂಡಿಕೆದಾರರ ಪಾಲಿಗೆ ಕುಬೇರನ ದಾರಿಯಾಗಿದೆ
ಕಳೆದ 5 ವರ್ಷಗಳಲ್ಲಿ ಈಕ್ವಿಟಿ ಮಾರುಕಟ್ಟೆಗಳು ಸಾಂಪ್ರದಾಯಿಕ ಬ್ಯಾಂಕ್ ಎಫ್ಡಿಗಳಿಗಿಂತ ಹೆಚ್ಚಿನ ಲಾಭವನ್ನು ನೀಡಿವೆ. ಆದಾಗ್ಯೂ, ಸೆಪ್ಟೆಂಬರ್ 2024 ರಿಂದ ಭಾರತೀಯ ಮಾರುಕಟ್ಟೆಯು ಸ್ವಲ್ಪಮಟ್ಟಿಗೆ ಕುಸಿತ ಕಂಡಿದೆ. ಪ್ರಸ್ತುತ ನಿಫ್ಟಿ 23,400 ರ ಆಸುಪಾಸಿನಲ್ಲಿ ವಹಿವಾಟು ನಡೆಸುತ್ತಿದೆ.
ನಿಫ್ಟಿ 50 ಕೊಟ್ಟ ಬೊಂಬಾಟ್ ರಿಟರ್ನ್ಸ್
ಕಳೆದ ಐದು ವರ್ಷಗಳ ಡೇಟಾ ನೋಡಿದರೆ ನೀವು ದಂಗಾಗ್ತೀರಾ. ಭಾರತೀಯ ಕಂಪನಿಗಳ ಭರ್ಜರಿ ಲಾಭ ಮತ್ತು ಸಾಮಾನ್ಯ ಜನರ (Retail Investors) ಎಂಟ್ರಿಯಿಂದಾಗಿ ನಿಫ್ಟಿ 50 ಸೂಚ್ಯಂಕ ಬರೋಬ್ಬರಿ ಶೇ. 55 ರಷ್ಟು ಜಿಗಿದಿದೆ. ಅಂದರೆ, ಕೇವಲ ಶೇರುಗಳ ಬೆಲೆ ಏರಿಕೆಯಿಂದಲೇ ವರ್ಷಕ್ಕೆ ಸರಾಸರಿ ಶೇ. 9 ರಷ್ಟು ಲಾಭ ಸಿಕ್ಕಿದೆ.
ಡಿವಿಡೆಂಡ್ ಮ್ಯಾಜಿಕ್: ಲಾಭದ ಮೇಲೆ ಲಾಭ
ಬರೀ ಶೇರು ಬೆಲೆ ಏರಿಕೆ ಮಾತ್ರವಲ್ಲ, ಕಂಪನಿಗಳು ನೀಡುವ ಡಿವಿಡೆಂಡ್ (ಲಾಭಾಂಶ) ಕೂಡ ಸೇರಿಸಿದರೆ ಕಥೆಯೇ ಬೇರೆ. ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್ (NSE) ಪ್ರಕಾರ, ಡಿವಿಡೆಂಡ್ ಸೇರಿ ವಾರ್ಷಿಕವಾಗಿ ಸುಮಾರು ಶೇ. 11 ರಿಂದ 12 ರಷ್ಟು ರಿಟರ್ನ್ಸ್ ಹೂಡಿಕೆದಾರರ ಕಿಸೆ ಸೇರಿದೆ. ಅಂದರೆ ಬ್ಯಾಂಕ್ ಎಫ್ಡಿಗಿಂತ ಡಬಲ್ ಲಾಭದ ಹತ್ತಿರ
ಬ್ಯಾಂಕ್ ಎಫ್ಡಿ: ಸೇಫ್ ಗೇಮ್, ಆದ್ರೆ ಲಾಭ ಕಡಿಮೆ
ಸರ್ಕಾರಿ ಬ್ಯಾಂಕ್ಗಳು: ಎಸ್ಬಿಐ, ಬಿಒಬಿಯಂತಹ ಬ್ಯಾಂಕ್ಗಳಲ್ಲಿ ಶೇ. 6 ರಿಂದ 6.3 ರಷ್ಟು ಬಡ್ಡಿ.ಖಾಸಗಿ ಬ್ಯಾಂಕ್ಗಳು ಕೆಲವು ಬ್ಯಾಂಕ್ಗಳಲ್ಲಿ ಶೇ. 7 ರಿಂದ 7.9 ರಷ್ಟು ಬಡ್ಡಿ ಸಿಗುತ್ತಿದೆ.ಇಲ್ಲಿ ಮಾರುಕಟ್ಟೆಯ ಏರಿಳಿತದ ಭಯವಿಲ್ಲ, ಹಾಗೆಯೇ ಮಾರ್ಕೆಟ್ ಬೆಳೆಯುವಾಗ ಸಿಗುವ ಎಕ್ಸ್ಟ್ರಾ ಲಾಭವೂ ಇಲ್ಲ.
ನಿಫ್ಟಿ 50 ಮತ್ತು ಬ್ಯಾಂಕ್ ಎಫ್ಡಿ: 5 ವರ್ಷ
ಹೂಡಿಕೆಯ ವಿಧ ಅಂದಾಜು ವಾರ್ಷಿಕ ಲಾಭ 5 ವರ್ಷದ ನಂತರದ ಮೌಲ್ಯ
ನಿಫ್ಟಿ 50 (ಬೆಲೆ ಏರಿಕೆ) ಶೇ. 9 ~1.54 ಲಕ್ಷ ರೂ.
ನಿಫ್ಟಿ 50 (ಡಿವಿಡೆಂಡ್ ಸೇರಿ) ಶೇ. 11-12 ~1.68 – 1.76 ಲಕ್ಷ ರೂ.
ಬ್ಯಾಂಕ್ ಎಫ್ಡಿ ಶೇ. 6.5 ~1.37 ಲಕ್ಷ ರೂ.
ಷೇರು ಮಾರುಕಟ್ಟೆ: ಇದು ದೀರ್ಘಾವಧಿಯಲ್ಲಿ ಹೆಚ್ಚಿನ ಲಾಭ ಮತ್ತು ಸಂಪತ್ತು ವೃದ್ಧಿಗೆ (Compounding) ಸಹಕಾರಿ. ಆದರೆ, ಇದು ಮಾರುಕಟ್ಟೆಯ ಏರಿಳಿತಗಳಿಗೆ ಒಳಪಟ್ಟಿರುತ್ತದೆ, ಹಾಗಾಗಿ ಅಲ್ಪಾವಧಿಯಲ್ಲಿ ನಷ್ಟದ ಸಾಧ್ಯತೆಯೂ ಇರುತ್ತದೆ.
ಬ್ಯಾಂಕ್ ಎಫ್ಡಿ: ಇದು ಕಡಿಮೆ ಲಾಭ ನೀಡಿದರೂ, ಹೂಡಿಕೆ ಮಾಡಿದ ಹಣಕ್ಕೆ ಸಂಪೂರ್ಣ ಸುರಕ್ಷತೆ ಮತ್ತು ಸ್ಥಿರವಾದ ಆದಾಯದ ಭರವಸೆ ನೀಡುತ್ತದೆ. ಸುರಕ್ಷಿತ ಹೂಡಿಕೆ ಬಯಸುವವರಿಗೆ ಇದು ಅತ್ಯುತ್ತಮ.
