ಇಂದಿನ ಡಿಜಿಟಲ್ ಯುಗದಲ್ಲಿ ಫೇಸ್ಬುಕ್ ಇನ್ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ಗಳು ಕೇವಲ ಮನರಂಜನೆಯ ಸಾಧನಗಳಾಗಿ ಉಳಿದಿಲ್ಲ ಬದಲಿಗೆ ಅವು ಕೋಟ್ಯಂತರ ರೂಪಾಯಿ ವಹಿವಾಟು ನಡೆಸುವ ಹೈಟೆಕ್ ಡಿಜಿಟಲ್ ಆಫೀಸ್ಗಳಾಗಿ ರೂಪಾಂತರಗೊಂಡಿವೆ.
ಸೋಷಿಯಲ್ ಮೀಡಿಯಾ ಎಕನಾಮಿಕ್ಸ್ನ ಹೊಸ ಅಂಕಿಅಂಶಗಳ ಪ್ರಕಾರ ಸೆಲೆಬ್ರಿಟಿಗಳು ಕೇವಲ ಒಂದು ಪೋಸ್ಟ್ ಹಂಚಿಕೊಳ್ಳುವ ಮೂಲಕ ಬೃಹತ್ ಮೊತ್ತದ ಆದಾಯ ಗಳಿಸುತ್ತಿದ್ದಾರೆ. ಉದಾಹರಣೆಗೆ, ವಿರಾಟ್ ಕೊಹ್ಲಿ ಪ್ರತಿ ಇನ್ಸ್ಟಾಗ್ರಾಮ್ ಪೋಸ್ಟ್ಗೆ ₹12 ಕೋಟಿ ಸಂಭಾವನೆ ಪಡೆದರೆ ಪ್ರಿಯಾಂಕಾ ಚೋಪ್ರಾ ₹3 ಕೋಟಿ ಹಾಗೂ ದೀಪಿಕಾ ಪಡುಕೋಣೆ ₹1.5 ಕೋಟಿಯಷ್ಟು ಆದಾಯ ಗಳಿಸುತ್ತಾರೆ. ಈ ಕ್ಷೇತ್ರದಲ್ಲಿ ಯಶಸ್ವಿಯಾಗಲು ಕೇವಲ ಸುಪ್ತ ಪ್ರತಿಭೆಯಷ್ಟೇ ಸಾಲದು ವೃತ್ತಿಪರ ಶಿಸ್ತು ಮತ್ತು ಭವಿಷ್ಯದ ದೃಷ್ಟಿಕೋನ ಅತಿ ಮುಖ್ಯ.
ಈ ಡಿಜಿಟಲ್ ಕ್ರಾಂತಿ ಕೇವಲ ಬೆಂಗಳೂರಿನಂತಹ ಮಹಾನಗರಗಳಿಗೆ ಸೀಮಿತವಾಗಿಲ್ಲ. ಭಾಷೆ ಮತ್ತು ಭೌಗೋಳಿಕ ಗಡಿಗಳನ್ನು ಮೀರಿ ಹಳ್ಳಿ-ಪಟ್ಟಣಗಳಲ್ಲೂ ಇದು ಪೂರ್ಣಕಾಲಿಕ ಉದ್ಯೋಗ ನೀಡುತ್ತಿದೆ. ವಿಶೇಷವಾಗಿ ಕನ್ನಡ ಕಂಟೆಂಟ್ ಕ್ರಿಯೇಟರ್ಗಳಿಗೆ ಇಂದು ಸುವರ್ಣ ಕಾಲ.
ಯಾವ ವಿಷಯಗಳಿಗೆ ಬೇಡಿಕೆ ಇದೆ?
ಆಹಾರ ಮತ್ತು ಕೃಷಿ
ಶಿಕ್ಷಣ ಮತ್ತು ಸ್ಥಳೀಯ ಇತಿಹಾಸ
ಹಾಸ್ಯ ಮತ್ತು ಸಿನಿಮಾ
ಪ್ರವಾಸೋದ್ಯಮ
ಇಂಗ್ಲಿಷ್ ಹಿಂದಿ ಕಂಟೆಂಟ್ ಅಂದ್ರೆ ಅಲ್ಲಿ ಸಾಗರದಷ್ಟು ಜನ ಇರ್ತಾರೆ, ಆದ್ರೆ ನಮ್ಮ ಕನ್ನಡದ ಕಥೆಯೇ ಬೇರೆ. ಇಲ್ಲಿ ಒಂದು ಸಲ ಫ್ಯಾನ್ ಆದ್ರೆ ಅವರು ಲಾಯಲ್ ಆಗಿ ಉಳ್ಕೊತಾರೆ. ಸದ್ಯಕ್ಕೆ ಈ ಫೀಲ್ಡ್ನಲ್ಲಿ ಕನ್ನಡಿಗರ ಪೈಪೋಟಿ ಅಷ್ಟಾಗಿ ಇಲ್ಲದಿರೋದು ನಮಗೆ ಸಿಕ್ಕಿರೋ ಲಕ್ ಇದನ್ನೇ ಬಂಡವಾಳ ಮಾಡ್ಕೊಂಡ್ರೆ ಕನ್ನಡ ಕ್ರಿಯೇಟರ್ಸ್ ಸೋಷಿಯಲ್ ಮೀಡಿಯಾದಲ್ಲಿ ದೊಡ್ಡ ಮಟ್ಟಕ್ಕೆ ಬೆಳೆಯಬಹುದು
ಆಹಾರ (Food) ಕೃಷಿ (Agriculture) ಸ್ಥಳೀಯ ಇತಿಹಾಸ ಪ್ರವಾಸ ಮತ್ತು ಹಾಸ್ಯಕ್ಕೆ ಕನ್ನಡದಲ್ಲಿ ಹೆಚ್ಚಿನ ಬೇಡಿಕೆಯಿದೆ.ಜನರು ತಜ್ಞರು ಅಥವಾ ಅನುಭವಸ್ಥರು (ರೈತರು, ಶಿಕ್ಷಕರು) ನೀಡುವ ಮಾಹಿತಿಯನ್ನು ಹೆಚ್ಚು ನಂಬುತ್ತಾರೆ, ಇದು ದೀರ್ಘಕಾಲದ ಆದಾಯಕ್ಕೆ ದಾರಿಯಾಗುತ್ತದೆ.
ಕಂಟೆಂಟ್ ಕ್ರಿಯೇಟರ್ಗಳಿಗಾಗಿ 10 ಯಶಸ್ಸಿನ ಸೂತ್ರಗಳು
ಸೋಷಿಯಲ್ ಮೀಡಿಯಾವನ್ನು ಹವ್ಯಾಸವಾಗಿ ಅಲ್ಲ ಸೀರಿಯಸ್ ವೃತ್ತಿಯಾಗಿ ಪರಿಗಣಿಸಿ.
ಕನ್ನಡ ಪ್ರೇಕ್ಷಕರ ನಾಡಿಮಿಡಿತ ಸಂಸ್ಕೃತಿ ಮತ್ತು ಆಸಕ್ತಿಗಳನ್ನು ಅರಿತು ವಿಷಯ ರೂಪಿಸಿ.
ಯೂಟ್ಯೂಬ್ ಮೂಲಕ ದೀರ್ಘಕಾಲಿಕ ಮತ್ತು ಸ್ಥಿರ ಆದಾಯದ ಗುರಿ ಇಟ್ಟುಕೊಳ್ಳಿ.
ಫೇಸ್ಬುಕ್ ಇನ್ಸ್ಟಾಗ್ರಾಮ್ ಸೇರಿದಂತೆ ಹಲವು ಪ್ಲಾಟ್ಫಾರ್ಮ್ಗಳನ್ನು ಲಾಭದಾಯಕವಾಗಿ ಬಳಸಿ.
ಬ್ರಾಂಡ್ ಸಹಯೋಗಗಳ ಮೂಲಕ ನಿಮ್ಮ ವೈಯಕ್ತಿಕ ಬ್ರಾಂಡ್ ಮೌಲ್ಯ ಹೆಚ್ಚಿಸಿಕೊಳ್ಳಿ.
ನಿಯಮಿತ ಪೋಸ್ಟಿಂಗ್ ಮಾತ್ರವೇ ವೀಕ್ಷಕರು ಮತ್ತು ಆದಾಯ ಹೆಚ್ಚಿಸುವ ಕೀಲಿ.
ಆರಂಭಿಕ ವರ್ಷಗಳಲ್ಲಿ ಆದಾಯ ಕಡಿಮೆ ಇರಬಹುದು ಧೈರ್ಯ ಕಳೆದುಕೊಳ್ಳಬೇಡಿ.
ಕೇವಲ ಜಾಹೀರಾತುಗಳ ಮೇಲೆ ಅವಲಂಬಿಸದೆ ಬೇರೆ ಬೇರೆ ಆದಾಯ ಮೂಲಗಳನ್ನು ಹುಡುಕಿ.
ಪ್ರಾಮಾಣಿಕ ಕಂಟೆಂಟ್ ನಿರ್ಮಿಸಿ ಜನರ ನಂಬಿಕೆಯೇ ನಿಮ್ಮ ಅತಿದೊಡ್ಡ ಬಂಡವಾಳ.
ಸೋಷಿಯಲ್ ಮೀಡಿಯಾ ಅಸ್ಥಿರ ಕ್ಷೇತ್ರವಾಗಿರುವುದರಿಂದ ಉಳಿತಾಯ ಮತ್ತು ಸರಿಯಾದ ಹಣಕಾಸು ಪ್ಲಾನಿಂಗ್ ಅಗತ್ಯ.
ಆದಾಯದ ಹರಿವು ಎಲ್ಲಿಂದ?
ಯೂಟ್ಯೂಬ್: ಜಾಹೀರಾತು, ಮೆಂಬರ್ಶಿಪ್ ಮತ್ತು ಸ್ಪಾನ್ಸರ್ಡ್ ವಿಡಿಯೋಗಳ ಮೂಲಕ ಸ್ಥಿರ ಆದಾಯ. 50 ಸಾವಿರದಿಂದ 1 ಲಕ್ಷ ಸಬ್ಸ್ಕ್ರೈಬರ್ಸ್ ಇದ್ದರೆ ಉತ್ತಮ ಮಾಸಿಕ ವೇತನ ಪಡೆಯಬಹುದು.
ಫೇಸ್ಬುಕ್: ರೀಲ್ಸ್ ಮತ್ತು ಇನ್-ಸ್ಟ್ರೀಮ್ ಜಾಹೀರಾತುಗಳ ಮೂಲಕ 30 ವರ್ಷ ಮೇಲ್ಪಟ್ಟ ಪ್ರೇಕ್ಷಕರನ್ನು ತಲುಪಲು ಇದು ಬೆಸ್ಟ್ ಪ್ಲಾಟ್ಫಾರ್ಮ್.
ಇನ್ಸ್ಟಾಗ್ರಾಮ್: ಇಲ್ಲಿ ಬ್ರಾಂಡ್ ಡೀಲ್ಸ್ ಮತ್ತು ಅಫಿಲಿಯೇಟ್ ಲಿಂಕ್ಗಳೇ ಆದಾಯದ ಗುಟ್ಟು.
ಪರೋಕ್ಷ ಆದಾಯ: ಭಾಷಣಗಳು, ಪುಸ್ತಕ ಮಾರಾಟ ಮತ್ತು ಸಲಹಾ ಸೇವೆಗಳ ಮೂಲಕವೂ ಹಣ ಗಳಿಸಬಹುದು.
ಈ ಕ್ಷೇತ್ರವು ಹಳ್ಳಿ ಮತ್ತು ನಗರಗಳ ನಡುವಿನ ವ್ಯತ್ಯಾಸವನ್ನು ಅಳಿಸಿಹಾಕಿದೆ. ನೀವು ಎಲ್ಲೇ ಇದ್ದರೂ, ಸರಿಯಾದ ವಿಷಯ (Content) ಮತ್ತು ಶಿಸ್ತು ಹೊಂದಿದ್ದರೆ ಇದನ್ನು ಒಂದು ಗೌರವಾನ್ವಿತ ಪೂರ್ಣಕಾಲಿಕ ವೃತ್ತಿಯನ್ನಾಗಿ ಮಾಡಿಕೊಳ್ಳಬಹುದು
