ನವದೆಹಲಿ: ಉತ್ತರ ಪ್ರದೇಶದ ಪ್ರಯಾಗ್ ರಾಜ್ ನಲ್ಲಿ ನಡೆಯುತ್ತಿರುವ ಮಹಾ ಕುಂಭ ಮೇಳದಲ್ಲಿ ಭಾಗವಹಿಸಲು ಜಾರ್ಖಂಡ್ನ ರಾಮಗಢ ಜಿಲ್ಲೆಯ 65 ವರ್ಷದ ಮಹಿಳೆಯನ್ನು ಅವರ ಮಗ ಮನೆಯಲ್ಲಿ ಕೂಡಿಹಾಕಿ ಹೋದ ಘಟನೆ ನಡೆದಿದೆ.
ಪುತ್ರ ಅಖಿಲೇಶ್ ವಯಸ್ಸಾದ ತಾಯಿಯನ್ನು ಮನೆಯಲ್ಲಿ ಕೂಡಿಹಾಕಿ ಸೋಮವಾರ ಪತ್ನಿ ಮತ್ತು ಮಕ್ಕಳೊಂದಿಗೆ ಧಾರ್ಮಿಕ ತೀರ್ಥಯಾತ್ರೆಗೆ ತೆರಳಿದ್ದರು. ತಾಯಿ ಸಂಜು ದೇವಿ ಮೂರು ದಿನಗಳ ಕಾಲ ಅನ್ನ ಮತ್ತು ನೀರಿಲ್ಲದೇ ಕಾಲ ಕಳೆದಿದ್ದಾರೆ. ತಾಯಿಯ ಕೂಗನ್ನು ಕೇಳಿದ ನೆರೆಹೊರೆಯವರು ತಕ್ಷಣ ಅವರಿಗೆ ಆಹಾರ ನೀಡಿ ರಕ್ಷಣೆ ಮಾಡಿದ್ದಾರೆ.
ನೆರೆಹೊರೆಯವರ ಮಾತುಗಳನ್ನು ಕೇಳಿದ ನಂತರ, ಚಾಂದಿನಿ ಮತ್ತು ಆಕೆಯ ಚಿಕ್ಕಪ್ಪ ತಾಯಿಯ ಸಹಾಯಕ್ಕೆ ಧಾವಿಸಿ ಪೊಲೀಸರಿಗೆ ಮಾಹಿತಿ ನೀಡಿದರು, ನಂತರ ಅವರು ಅವಳನ್ನು ಆಸ್ಪತ್ರೆಗೆ ಕರೆದೊಯ್ದರು.
ಘಟನೆ ಬಗ್ಗೆ ಪೊಲೀಸರಿಗೆ ದೂರು ನೀಡಿದಾಗ ಅಖಿಲೇಶ್ ತಾನು ಮಾಡಿರುವ ಕೆಲಸದ ಬಗ್ಗೆ ಸಮರ್ಥಿಸಿಕೊಂಡರು, ನಾನು ತಾಯಿಗೆ ಸಾಕಷ್ಟು ಆಹಾರ ನೀಡಿ ಹೋಗಿದ್ದೇನೆ ಎಂದು ಹೇಳಿದ್ದಾರೆ. ಕುಂಭಮೇಳಕ್ಕೆ ಹೋಗಲು ತನ್ನ ತಾಯಿ ಅವರನ್ನು ಪ್ರೋತ್ಸಾಹಿಸಿದ್ದರು ಮತ್ತು ಅನಾರೋಗ್ಯದ ಕಾರಣ ಅವರು ಅವಳನ್ನು ಕರೆದೊಯ್ಯಲಿಲ್ಲ ಎಂದು ಅವರು ಹೇಳಿದ್ದಾರೆ.ಅವರ ಹೇಳಿಕೆಗಳ ಹೊರತಾಗಿಯೂ, ರಾಮಗಢ ಪೊಲೀಸರು ಘಟನೆಯ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ ಮತ್ತು ಔಪಚಾರಿಕ ದೂರು ದಾಖಲಾದರೆ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಭರವಸೆ ನೀಡಿದ್ದಾರೆ. ರಾಮಗಢ ಪೊಲೀಸ್ ವರಿಷ್ಠಾಧಿಕಾರಿ ಅಜಯ್ ಕುಮಾರ್ ಈ ಕೃತ್ಯವನ್ನು “ಸಂಪೂರ್ಣವಾಗಿ ಅಮಾನವೀಯ” ಎಂದು ಖಂಡಿಸಿದ್ದಾರೆ.
