ದಲಿತ ಯುವಕನನ್ನು ಅಪಹರಿಸಿ ಬರ್ಬರವಾಗಿ ಹತ್ಯೆ ಮಾಡಿದ ಘಟನೆ ರಾಜಸ್ಥಾನದ ಜುಂಜುನು ಜಿಲ್ಲೆಯಲ್ಲಿ ನಡೆದಿದೆ.
ರಾಜಸ್ಥಾನದ ಜುಂಜುನು ಜಿಲ್ಲೆಯಲ್ಲಿ ದನದ ಕೊಟ್ಟಿಗೆಯಲ್ಲಿ ಕೆಲಸ ಮಾಡುತ್ತಿದ್ದ ದಲಿತ ಯುವಕನಿಗೆ ಕ್ರೂರ ಚಿತ್ರಹಿಂಸೆ ನೀಡಿದ ಪರಿಣಾಮ ಆತ ಸಾವನ್ನಪ್ಪಿದ್ದಾನೆ. ಅವನನ್ನು ಕಬ್ಬಿಣದ ಪೈಪ್ ನಿಂದ ತಲೆಕೆಳಗಾಗಿ ಕಟ್ಟಿ, ಆರು ಗಂಟೆಗಳ ಕಾಲ ಅವನ ಅಂಗಾಲುಗಳಿಗೆ ಕೋಲುಗಳಿಂದ ಪದೇ ಪದೇ ಹೊಡೆದು ತೀವ್ರ ಚಿತ್ರಹಿಂಸೆ ನೀಡಿ ಕೊಲ್ಲಲಾಗಿದೆ.
ಪೊಲೀಸರ ಪ್ರಕಾರ, ಬಲೋಡಾ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಅಕ್ರಮ ಮದ್ಯ ಮಾರಾಟದಲ್ಲಿ ಭಾಗಿಯಾಗಿದ್ದಾನೆ ಎಂದು ಆರೋಪಿಸಿ ಹಲ್ಲೆ ನಡೆಸಿ ಕೊಲೆ ಮಾಡಲಾಗಿದೆ ಎಂಬ ಆರೋಪ ಕೇಳಿಬಂದಿದೆ. ಪೊಲೀಸ್ ವರದಿಗಳ ಪ್ರಕಾರ, ಮೇ 14 ರ ಬೆಳಿಗ್ಗೆ, ರಾಮೇಶ್ವರ್ ನನ್ನು ಕಿಡ್ಮ್ಯಾಪ್ ಮಾಡಲಾಗಿದೆ. ಯುವಕನಿಗೆ ಚಿತ್ರ ಹಿಂಸೆ ನೀಡಿ ಹತ್ಯೆ ಮಾಡಿದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
Brutal: Dalit youth beaten to death by liquor mafia for buying alcohol elsewhere in Surajgarh, Jhunjhunu. 5 suspects arrested. #Rajasthan #Jhunjhunu #Viralvideo
— Anil Tiwari (@Anil_Kumar_ti) May 21, 2024
