ಮೊಗದಿಶು: ಸೊಮಾಲಿ ನಗರದ ಮಧ್ಯ ಭಾಗದಲ್ಲಿರುವ ಬೆಲೆಡ್ ವೇನ್ ನಲ್ಲಿರುವ ಕೈರೋ ಹೋಟೆಲ್ನಲ್ಲಿ ಪ್ರಬಲವಾದ ಕಾರ್ ಬಾಂಬ್ ಸ್ಫೋಟ ಸಂಭವಿಸದೆ.
ಉಗ್ರಗಾಮಿಗಳು ಮಾರಕ ದಾಳಿ ನಡೆಸಿದ್ದು, ಸ್ಫೋಟ ಮತ್ತು ನಂತರದ ದಾಳಿಯು ಹಲವಾರು ಸಾವುನೋವುಗಳಿಗೆ ಕಾರಣವಾಗಿದೆ. ಆದರೆ ಈ ಸಮಯದಲ್ಲಿ ಮೃತಪಟ್ಟವರ ನಿಖರ ಸಂಖ್ಯೆ ತಿಳಿದಿಲ್ಲ. ಈ ಸ್ಫೋಟವು ದಾಳಿಕೋರರು ಮತ್ತು ಸೊಮಾಲಿ ಭದ್ರತಾ ಪಡೆಗಳ ನಡುವೆ ಗಂಟೆಗಳ ಕಾಲ ನಡೆದ ಗುಂಡಿನ ಚಕಮಕಿ ನಡೆದು ಅವರು ತಡರಾತ್ರಿಯವರೆಗೂ ದಾಳಿಕೋರರನ್ನು ಹೊರಹಾಕುವ ಪ್ರಯತ್ನ ನಡೆಸಿದ್ದಾರೆ.
ಇಬ್ಬರು ಪ್ರಸಿದ್ಧ ಸಾಂಪ್ರದಾಯಿಕ ಹಿರಿಯರು ಸೇರಿದಂತೆ ಆರು ಜನರು ಸಾವನ್ನಪ್ಪಿದ್ದಾರೆ ಎಂದು ನಿವಾಸಿ ಮುಹ್ಸಿನ್ ಅಬ್ದುಲ್ಲಾಹಿ ಹೇಳಿದ್ದಾರೆ. ಪ್ರತ್ಯಕ್ಷದರ್ಶಿ ಹುಸೇನ್ ಜೀಲ್ಲೆ ರೇಜ್ ಅವರು ಮೃತಪಟ್ಟ ಕನಿಷ್ಠ 11 ಜನರಲ್ಲಿ ಅವರ ಕುಟುಂಬದ ಮೂವರು ಸದಸ್ಯರಿದ್ದಾರೆ ಎಂದು ಹೇಳಿದ್ದಾರೆ.
ನಗರದ ಪ್ರಮುಖ ಸ್ಥಳವಾದ ಕೈರೋ ಹೋಟೆಲ್, ಉಗ್ರಗಾಮಿ ಗುಂಪು ಅಲ್-ಶಬಾಬ್ ವಿರುದ್ಧ ಸರ್ಕಾರಿ ದಾಳಿಗಳನ್ನು ಸಂಘಟಿಸುವಲ್ಲಿ ಪ್ರಮುಖ ಪಾತ್ರ ವಹಿಸುವ ಸಾಂಪ್ರದಾಯಿಕ ಹಿರಿಯರು ಮತ್ತು ಮಿಲಿಟರಿ ಅಧಿಕಾರಿಗಳಿಗೆ ನೆಲೆಯಾಗಿ ಕಾರ್ಯನಿರ್ವಹಿಸುತ್ತದೆ. ಸೊಮಾಲಿಯಾದಲ್ಲಿ ದೀರ್ಘಕಾಲದಿಂದ ದಂಗೆಯನ್ನು ನಡೆಸುತ್ತಿರುವ ಅಲ್-ಖೈದಾ-ಸಂಬಂಧಿತ ಉಗ್ರಗಾಮಿ ಗುಂಪು ಅಲ್-ಶಬಾಬ್ ಈ ದಾಳಿಯ ಹೊಣೆಯನ್ನು ಹೊತ್ತುಕೊಂಡಿದೆ.
ರಾಷ್ಟ್ರವನ್ನು ಅಸ್ಥಿರಗೊಳಿಸುವ ಮತ್ತು ಸೊಮಾಲಿಯಾದ ಫೆಡರಲ್ ಸರ್ಕಾರದ ಅಧಿಕಾರವನ್ನು ಪ್ರಶ್ನಿಸುವ ಪ್ರಯತ್ನದಲ್ಲಿ ಈ ಗುಂಪು ಈ ಹಿಂದೆ ಸರ್ಕಾರಿ ಸಂಸ್ಥೆಗಳು ಮತ್ತು ಸಾರ್ವಜನಿಕ ಸ್ಥಳಗಳನ್ನು ಗುರಿಯಾಗಿಸಿಕೊಂಡಿದೆ.
ಮೊಗಾದಿಶುದಿಂದ ಸುಮಾರು 335 ಕಿಮೀ ಉತ್ತರಕ್ಕೆ ಇರುವ ಬೆಲೆಡ್ವೇನ್, ಹಿರಾನ್ ಪ್ರದೇಶದ ರಾಜಧಾನಿ ಮತ್ತು ಅಲ್-ಶಬಾಬ್ ವಿರುದ್ಧ ನಡೆಯುತ್ತಿರುವ ಕಾರ್ಯಾಚರಣೆಯಲ್ಲಿ ಆಯಕಟ್ಟಿನ ಸ್ಥಳವಾಗಿದೆ. ಸೊಮಾಲಿಯಾದ ಫೆಡರಲ್ ಸರ್ಕಾರವನ್ನು ವಿರೋಧಿಸುವ ಅಲ್-ಶಬಾಬ್, ಆಫ್ರಿಕಾದ ರಾಷ್ಟ್ರದಲ್ಲಿ ಸರ್ಕಾರಿ ಅಧಿಕಾರಿಗಳು ಮತ್ತು ಮಿಲಿಟರಿ ಸಿಬ್ಬಂದಿಯನ್ನು ಗುರಿಯಾಗಿಸಿಕೊಂಡು ಆಗಾಗ್ಗೆ ಬಾಂಬ್ ದಾಳಿ ಮತ್ತು ದಾಳಿಗಳನ್ನು ನಡೆಸುತ್ತದೆ. ಈ ಗುಂಪು ಗ್ರಾಮೀಣ ಸೊಮಾಲಿಯಾದ ಕೆಲವು ಭಾಗಗಳನ್ನು ನಿಯಂತ್ರಿಸುತ್ತದೆ.
