ಇತ್ತೀಚಿನ ದಿನಗಳಲ್ಲಿ ಸಣ್ಣ ಉಳಿತಾಯಗಾರರಿಗೆ ಮ್ಯೂಚುವಲ್ ಫಂಡ್ಗಳ ವ್ಯವಸ್ಥಿತ ಹೂಡಿಕೆ ಯೋಜನೆ (SIP) ಅತ್ಯಂತ ಸುರಕ್ಷಿತ ಹಾಗೂ ಜನಪ್ರಿಯ ಆಪ್ಷನ್ ಆಗಿ ಹೊರಹೊಮ್ಮಿದೆ. ಭವಿಷ್ಯದ ದೊಡ್ಡ ನಿಧಿಗಾಗಿ ಸಾಮಾನ್ಯವಾಗಿ ₹500 ರಿಂದ SIP ಆರಂಭಿಸಬಹುದು. ಆದರೆ, ದೇಶದ ಅತಿ ದೊಡ್ಡ ಬ್ಯಾಂಕ್ ಆದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI), ಗ್ರಾಹಕರಿಗಾಗಿ ಅತ್ಯಂತ ವಿಶಿಷ್ಟವಾದ ಎಸ್ಬಿಐ ಜನ್ ನಿವೇಶ್ ಎಸ್ಐಪಿ (SBI Jan Nivesh SIP) ಯೋಜನೆಯನ್ನು ಪರಿಚಯಿಸಿದೆ.
ಇದರ ಅಡಿಯಲ್ಲಿ ಪೋಷಕರು ತಮ್ಮ ಮಕ್ಕಳ ಹೆಸರಿನಲ್ಲಿ ದಿನಕ್ಕೆ ಕೇವಲ ₹8 (ತಿಂಗಳಿಗೆ ₹250) ಹೂಡಿಕೆ ಮಾಡುವ ಮೂಲಕ ಭವಿಷ್ಯದಲ್ಲಿ ಲಕ್ಷಾಂತರ ರೂಪಾಯಿಗಳ ಬೃಹತ್ ನಿಧಿ ನಿರ್ಮಿಸಬಹುದು. ಈ ಯೋಜನೆಯ ಸಂಪೂರ್ಣ ವಿವರ ಇಲ್ಲಿದೆ:
ಹೈಬ್ರಿಡ್ ಫಂಡ್ನಲ್ಲಿ ಹೂಡಿಕೆಯಾಗಲಿದೆ ನಿಮ್ಮ ಹಣ
ಜಂಟಿ ವಿನ್ಯಾಸ: ಎಸ್ಬಿಐ ಮ್ಯೂಚುವಲ್ ಫಂಡ್ ಮತ್ತು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಜಂಟಿಯಾಗಿ ಈ ಯೋಜನೆಯನ್ನು ರೂಪಿಸಿವೆ.
ಮುಖ್ಯ ಉದ್ದೇಶ: ಗ್ರಾಮೀಣ, ಅರೆ ನಗರ ಮತ್ತು ನಗರ ಪ್ರದೇಶಗಳ ಮೊದಲ ಬಾರಿಗೆ ಹೂಡಿಕೆ ಮಾಡುವ ಸಣ್ಣ ಉಳಿತಾಯಗಾರರನ್ನು ಮ್ಯೂಚುವಲ್ ಫಂಡ್ ಲೋಕಕ್ಕೆ ತರುವುದು ಇದರ ಗುರಿ.
ಸುರಕ್ಷಿತ ಹೂಡಿಕೆ: ಈ ಯೋಜನೆಯ ಹಣವನ್ನು ನೇರವಾಗಿ ‘ಎಸ್ಬಿಐ ಬ್ಯಾಲೆನ್ಸ್ಡ್ ಅಡ್ವಾಂಟೇಜ್ ಫಂಡ್’ನಲ್ಲಿ ಹೂಡಿಕೆ ಮಾಡಲಾಗುತ್ತದೆ. ಇದು ಷೇರು ಮಾರುಕಟ್ಟೆ (Equity) ಮತ್ತು ಸಾಲ (Debt) ಎರಡರಲ್ಲೂ ಸಮಾನವಾಗಿ ಹೂಡಿಕೆ ಮಾಡುವ ಸುರಕ್ಷಿತ ಹೈಬ್ರಿಡ್ ಫಂಡ್ ಆಗಿದೆ.
ಫಂಡ್ ಮ್ಯಾನೇಜರ್ಗಳ ಸ್ಮಾರ್ಟ್ ನಿರ್ವಹಣೆ
ಹೂಡಿಕೆದಾರರಿಗೆ ತಮ್ಮ ಅನುಕೂಲಕ್ಕೆ ತಕ್ಕಂತೆ ದೈನಂದಿನ, ಸಾಪ್ತಾಹಿಕ ಅಥವಾ ಮಾಸಿಕ ಹೂಡಿಕೆ ಆಯ್ಕೆಗಳನ್ನು ಆರಿಸಿಕೊಳ್ಳುವ ಸ್ವಾತಂತ್ರ್ಯವಿದೆ.
ಮಾರುಕಟ್ಟೆಯ ಏರಿಳಿತಗಳನ್ನು ಗಮನಿಸಿ ಅನುಭವಿ ಫಂಡ್ ಮ್ಯಾನೇಜರ್ಗಳೇ (Fund Managers) ಹಣವನ್ನು ನಿರ್ವಹಿಸುವುದರಿಂದ ಇಲ್ಲಿ ರಿಸ್ಕ್ ಪ್ರಮಾಣ ತೀರಾ ಕಡಿಮೆ ಇರುತ್ತದೆ.
ಕೇವಲ ₹250 ರಿಂದ ₹17 ಲಕ್ಷದ ಭರ್ಜರಿ ನಿಧಿ
ಪ್ರತಿ ತಿಂಗಳು ಕೇವಲ ₹250 (ದಿನಕ್ಕೆ ಅಂದಾಜು ₹8) ಹೂಡಿಕೆ ಮಾಡುತ್ತಾ ಹೋದರೆ, ಮಾರುಕಟ್ಟೆಯ ಟ್ರೆಂಡ್ ಪ್ರಕಾರ ಶೇಕಡಾ 12 ರಿಂದ 16 ರಷ್ಟು ಆದಾಯ ಸಿಗುವ ನಿರೀಕ್ಷೆಯಿದೆ.
ಒಂದು ವೇಳೆ ಪೋಷಕರು ತಮ್ಮ ಮಗುವಿನ ಹೆಸರಿನಲ್ಲಿ ಸತತವಾಗಿ 30 ವರ್ಷಗಳ ಕಾಲ ಈ ಹಣವನ್ನು ಠೇವಣಿ ಇಡುತ್ತಾ ಬಂದರೆ, ಶೇ. 15 ರಷ್ಟು ಕಾಂಪೌಂಡಿಂಗ್ ಬಡ್ಡರದಲ್ಲಿ ಮುಕ್ತಾಯದ ವೇಳೆಗೆ ಬರೋಬ್ಬರಿ ₹17.30 ಲಕ್ಷ ರೂಪಾಯಿ ನಿಮ್ಮ ಕೈ ಸೇರಲಿದೆ.
40 ವರ್ಷ ಮುಂದುವರಿಸಿದರೆ ₹78 ಲಕ್ಷದ ಬಂಪರ್
ಈ ಲಾಂಗ್ ಟರ್ಮ್ ಹೂಡಿಕೆಯನ್ನು ಮತ್ತೊಂದು 10 ವರ್ಷ ಹೆಚ್ಚಿಸಿ, ಒಟ್ಟು 40 ವರ್ಷಗಳ ಸುದೀರ್ಘ ಅವಧಿಗೆ ಕಾಂಪೌಂಡಿಂಗ್ ಲಾಭ ಪಡೆಯಲು ಬಿಟ್ಟರೆ, ನಿಮ್ಮ ಖಾತೆಯಲ್ಲಿ ಬರೋಬ್ಬರಿ ₹78 ಲಕ್ಷ ರೂಪಾಯಿಗಳವರೆಗೆ ಬೃಹತ್ ನಿಧಿ ಅತ್ಯಂತ ಸುಲಭವಾಗಿ ಸಂಗ್ರಹವಾಗುತ್ತದೆ
