2026-27ರ ಹಣಕಾಸು ವರ್ಷದ ಮೊದಲ ಹಣಕಾಸು ನೀತಿ ಸಮಿತಿ (MPC) ಸಭೆಯ ನಿರ್ಧಾರಗಳನ್ನು ಆರ್ಬಿಐ ಗವರ್ನರ್ ಸಂಜಯ್ ಮಲ್ಹೋತ್ರಾ ಇಂದು ಪ್ರಕಟಿಸಿದ್ದಾರೆ. ನಿರೀಕ್ಷೆಯಂತೆ ಆರ್ಬಿಐ ರೆಪೊ ದರದಲ್ಲಿ (Repo Rate) ಯಾವುದೇ ಬದಲಾವಣೆ ಮಾಡದೆ, ಶೇ. 5.25 ರಲ್ಲೇ ಸ್ಥಿರವಾಗಿರಿಸಿದೆ.ಜಾಗತಿಕ ರಾಜಕೀಯ ಉದ್ವಿಗ್ನತೆ ಮತ್ತು ಪಶ್ಚಿಮ ಏಷ್ಯಾದ ಯುದ್ಧದ ಪರಿಣಾಮಗಳನ್ನು ಗಮನದಲ್ಲಿಟ್ಟುಕೊಂಡು ಆರ್ಬಿಐ ಈ ನಿರ್ಧಾರಕ್ಕೆ ಬಂದಿದೆ.
ನೌಕರರು ಮತ್ತು ಸಾಮಾನ್ಯ ಜನರಿಗಾಗುವ ಲಾಭವೇನು?
ಇಎಂಐ ಸ್ಥಿರತೆ: ನೀವು ಬ್ಯಾಂಕ್ನಿಂದ ಫ್ಲೋಟಿಂಗ್ ಬಡ್ಡಿದರದಲ್ಲಿ ಗೃಹ ಸಾಲ ಅಥವಾ ವಾಹನ ಸಾಲ ಪಡೆದಿದ್ದರೆ, ನಿಮ್ಮ ಮಾಸಿಕ ಕಂತು (EMI) ಹೆಚ್ಚಾಗುವುದಿಲ್ಲ.
ನ್ಯೂಟ್ರಲ್ ಸ್ಟಾನ್ಸ್: ಆರ್ಬಿಐ ತನ್ನ ಪಾಲಿಸಿ ನಿಲುವನ್ನು ನ್ಯೂಟ್ರಲ್ ಆಗಿ ಮುಂದುವರಿಸಿದೆ, ಇದು ಆರ್ಥಿಕತೆಯ ಸ್ಥಿರತೆಗೆ ಸಹಕಾರಿ.
ಎಫ್ಡಿ ಬಡ್ಡಿದರ: ಬ್ಯಾಂಕ್ ಫಿಕ್ಸೆಡ್ ಡೆಪಾಸಿಟ್ (FD) ಮೇಲಿನ ಬಡ್ಡಿದರಗಳೂ ಸದ್ಯಕ್ಕೆ ಯಥಾಸ್ಥಿತಿಯಲ್ಲಿ ಮುಂದುವರಿಯಲಿವೆ.
ಹಣದುಬ್ಬರ ಮತ್ತು ಜಿಡಿಪಿ ಅಂದಾಜು (2026-27):
ಸಭೆಯ ನಂತರ ಮಾತನಾಡಿದ ಗವರ್ನರ್ ಸಂಜಯ್ ಮಲ್ಹೋತ್ರಾ ಅವರು ಪ್ರಸಕ್ತ ಹಣಕಾಸು ವರ್ಷದ ಆರ್ಥಿಕ ಮುನ್ನೋಟವನ್ನು ಹಂಚಿಕೊಂಡಿದ್ದಾರೆ:
ಹಣದುಬ್ಬರ (Inflation): ಈ ವರ್ಷ ಸರಾಸರಿ ಶೇ. 4.6 ರಷ್ಟು ಹಣದುಬ್ಬರವಿರಬಹುದು ಎಂದು ಅಂದಾಜಿಸಲಾಗಿದೆ.
ಜಿಡಿಪಿ ಬೆಳವಣಿಗೆ (GDP Growth): ದೇಶದ ಆರ್ಥಿಕತೆಯು ಶೇ. 6.9 ರಷ್ಟು ವೇಗದಲ್ಲಿ ಬೆಳೆಯಲಿದೆ ಎಂದು ಆರ್ಬಿಐ ಪ್ರೊಜೆಕ್ಟ್ ಮಾಡಿದೆ.
ಮೊದಲ ಕ್ವಾರ್ಟರ್: ಶೇ. 6.8
ಎರಡನೇ ಕ್ವಾರ್ಟರ್: ಶೇ. 6.7
ಮೂರನೇ ಕ್ವಾರ್ಟರ್: ಶೇ. 7.0
ನಾಲ್ಕನೇ ಕ್ವಾರ್ಟರ್: ಶೇ. 7.2
ಪಶ್ಚಿಮ ಏಷ್ಯಾ ಬಿಕ್ಕಟ್ಟಿನ ಎಚ್ಚರಿಕೆ:
ಪಶ್ಚಿಮ ಏಷ್ಯಾದಲ್ಲಿ ನಡೆಯುತ್ತಿರುವ ಯುದ್ಧದ ಪರಿಣಾಮವಾಗಿ ಹಣದುಬ್ಬರ ಏರಿಕೆಯಾಗುವ ಸಾಧ್ಯತೆ ಇದೆ ಎಂದು ಗವರ್ನರ್ ಎಚ್ಚರಿಸಿದ್ದಾರೆ. ಈ ಬಿಕ್ಕಟ್ಟಿನಿಂದ ಭಾರತೀಯ ಆರ್ಥಿಕತೆಯನ್ನು ರಕ್ಷಿಸಲು ಸರ್ಕಾರ ಮತ್ತು ಆರ್ಬಿಐ ಜಾಗರೂಕತೆಯಿಂದ ಕ್ರಮಗಳನ್ನು ಕೈಗೊಳ್ಳುತ್ತಿವೆ ಎಂದು ಅವರು ತಿಳಿಸಿದ್ದಾರೆ.
2025-26ರ ರೆಪೋ ದರ ಇಳಿಕೆಯ ಹಾದಿ:
ವರ್ಷದ ಆರಂಭದಲ್ಲಿ ಶೇ. 6.50 ರಷ್ಟಿದ್ದ ರೆಪೋ ದರವು ಹೇಗೆ ಇಳಿಕೆಯಾಯಿತು ಎಂಬ ವಿವರ ಇಲ್ಲಿದೆ:
ಫೆಬ್ರವರಿ 2025: ಶೇ. 6.50 ರಿಂದ ಶೇ. 6.25 ಕ್ಕೆ ಇಳಿಕೆ (25 ಬೇಸಿಸ್ ಪಾಯಿಂಟ್ ಕಡಿತ).
ಏಪ್ರಿಲ್ 2025: ಶೇ. 6.25 ರಿಂದ ಶೇ. 6.00 ಕ್ಕೆ ಇಳಿಕೆ.
ಜೂನ್ 2025: ಬರೋಬ್ಬರಿ 50 ಬೇಸಿಸ್ ಪಾಯಿಂಟ್ ಕಡಿತದೊಂದಿಗೆ ಶೇ. 6.00 ರಿಂದ ಶೇ. 5.50 ಕ್ಕೆ ಭಾರಿ ಇಳಿಕೆ.
ಆಗಸ್ಟ್ ಮತ್ತು ಅಕ್ಟೋಬರ್ 2025: ಹಬ್ಬದ ಸೀಸನ್ನಲ್ಲಿ ಯಾವುದೇ ಬದಲಾವಣೆ ಮಾಡದೆ ಶೇ. 5.50 ರಲ್ಲೇ ಸ್ಥಿರತೆ ಕಾಯ್ದುಕೊಳ್ಳಲಾಗಿತ್ತು.
ಡಿಸೆಂಬರ್ 2025: ಮತ್ತೆ 25 ಬೇಸಿಸ್ ಪಾಯಿಂಟ್ ಕಡಿತಗೊಳಿಸಿ ಶೇ. 5.25 ಕ್ಕೆ ತರಲಾಯಿತು.
ಫೆಬ್ರವರಿ 2026 ಮತ್ತು ಇಂದು (ಏಪ್ರಿಲ್ 8, 2026): ಆರ್ಬಿಐ ಸತತವಾಗಿ ರೆಪೋ ದರವನ್ನು ಶೇ. 5.25 ರಲ್ಲೇ ಸ್ಥಿರವಾಗಿರಿಸಿದೆ.
