ಹಾಲು ಕಾಯಿಸಲು ಇಟ್ಟಿರುತ್ತೀರಿ, ನೋಡಿದರೆ ಸ್ವಲ್ಪ ಹೊತ್ತಿಗೆ ಒಡೆದು ಹೋಗಿರುತ್ತದೆ. ಹಾಗಾದಾಗ ಅದನ್ನು ಚೆಲ್ಲದೆ ರುಚಿಕರವಾದ ಆಹಾರ ಪದಾರ್ಥಗಳನ್ನು ತಯಾರಿಸಬಹುದು. ಅಷ್ಟೇ ಅಲ್ಲದೆ ಇನ್ನಿತರ ಪ್ರಯೋಜನಗಳನ್ನು ಪಡೆಯಬಹುದು.
* ಕಾಟೇಜ್‌ ಚೀಸ್‌ ಮಾಡಲು ಬಳಸುವ ಪ್ರಮುಖ ವಸ್ತು ಒಡೆದ ಹಾಲು. ಹಾಲು ಒಡೆದಾಗ ಹುಳಿಯಾಗುತ್ತದೆ. ಈ ಹುಳಿ ಹಾಲಿನಿಂದ ರುಚಿಕರವಾದ ಕಾಟೇಜ್‌ ಚೀಸ್‌ ತಯಾರಿಸಬಹುದು.
* ಟೈಫಾಯ್ಡ್ ಜ್ವರ ಬಂದಾಗ, ಹೊಟ್ಟೆ ನೋವಿನ ಸಮಸ್ಯೆ ಕಾಣಿಸಿಕೊಂಡಾಗ, ಅಪೆಂಡಿಕ್ಸ್, ಹೊಟ್ಟೆಹುರಿ, ಕರುಳಿನಲ್ಲಿ ಆಗುವ ಸಮಸ್ಯೆಗಳನ್ನು ನಿವಾರಿಸುವಲ್ಲಿ ಈ ಹಾಲು ಬೆಸ್ಟ್. ಈ ಹಾಲು ಕರುಳಿನಲ್ಲಿರುವ ಹಾನಿಕಾರಕ ಬ್ಯಾಕ್ಟೀರಿಯಾಗಳನ್ನು ಕೊಂದು ಕರುಳಿನ ಆರೋಗ್ಯ ಹೆಚ್ಚಿಸುತ್ತದೆ.
* ಒಡೆದ ಹಾಲಿನಲ್ಲಿರುವ ಸಕ್ಕರೆಯಂಶವನ್ನು ಲ್ಯಾಕ್ಟಿಕ್‌ ಆಮ್ಲವಾಗಿ ಪರಿವರ್ತಿಸಿ ಯೋಗರ್ಟ್ ಆಗಿ ಬಳಸಬಹುದು.
* ಒಣ ತ್ವಚೆ ಇರುವವರು ಒಡೆದ ಹಾಲನ್ನು ಮುಖಕ್ಕೆ ಹಚ್ಚುವುದರಿಂದ ಮುಖ ಮೃದುವಾಗುತ್ತದೆ. ಇದನ್ನು ಸ್ನಾನದ ನೀರಿಗೆ ಹಾಕಿದರೂ ತ್ವಚೆ ಮೃದುವಾಗುತ್ತದೆ.
* ಸೀಫುಡ್‌ ಸ್ಟಿವ್ಸ್, ಪೊಟೆಟೊ ಬೇಕ್ಸ್ ಇವುಗಳನ್ನು ಮಾಡುವಾಗ ಸ್ವಲ್ಪ ಒಡೆದ ಹಾಲನ್ನು ಹಾಕಿದರೆ ರುಚಿ ಹೆಚ್ಚುತ್ತದೆ.
* ಅಡುಗೆ ಮಾಡುವ ಮೊದಲು ಚಿಕನ್ ಅನ್ನು ಒಡೆದ ಹಾಲಿನಲ್ಲಿ ಹಾಕಿಡಿ, ನಂತರ ಮಸಾಲೆ ಹಚ್ಚಿ ತಯಾರಿಸಿದ ತಂದೂರಿ ಚಿಕನ್ ತುಂಬಾ ರುಚಿಕರವಾಗಿರುತ್ತದೆ.
* ಬೆಣ್ಣೆ, ಯೋಗರ್ಟ್, ಕ್ರೀಮ್ ಇವುಗಳ ಬದಲಿಗೆ ಅಡುಗೆಗೆ ಒಡೆದ ಹಾಲನ್ನು ಹಾಕಿ ತಯಾರಿಸಬಹುದು.
Loading ...
