ಸ್ವಾತಂತ್ರ್ಯ ದಿನಾಚರಣೆಯಲ್ಲಿ ಸಾಂಪ್ರದಾಯಿಕ ಪೂಜೆ: ತ್ರಿವರ್ಣ ಧ್ವಜ ಹಾರಿಸಿ ದೇಶಪ್ರೇಮ ಮೆರೆದ ರವೀನಾ ಟಂಡನ್!

ದೇಶಾದ್ಯಂತ 79ನೇ ಸ್ವಾತಂತ್ರ್ಯ ದಿನಾಚರಣೆಯ ಸಂಭ್ರಮ ಮುಗಿಲುಮುಟ್ಟಿದ್ದು, ಬಾಲಿವುಡ್ ಹಾಗೂ ಸೌತ್ ಚಿತ್ರರಂಗದ ತಾರೆಯರು ವಿಭಿನ್ನವಾಗಿ ಈ ರಾಷ್ಟ್ರೀಯ ಹಬ್ಬವನ್ನು ಆಚರಿಸಿದ್ದಾರೆ. ಪ್ರಮುಖವಾಗಿ ಬಾಲಿವುಡ್‌ನ ಹಿರಿಯ ಅಭಿನೇತ್ರಿ ರವೀನಾ ಟಂಡನ್ ಮತ್ತು ದಕ್ಷಿಣ ಭಾರತದ ಖ್ಯಾತ ನಟಿ ತ್ರಿಷಾ ಕೃಷ್ಣನ್ ಅವರ ಸ್ವಾತಂತ್ರ್ಯ ದಿನದ ಆಚರಣೆ ಸಾರ್ವಜನಿಕರ ಗಮನ ಸೆಳೆದಿದೆ.

ಸಾಂಪ್ರದಾಯಿಕ ಶೈಲಿಯಲ್ಲಿ ಧ್ವಜಾರೋಹಣ: ಖಾಸಗಿ ಕಾರ್ಯಕ್ರಮವೊಂದರಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದ ನಟಿ ರವೀನಾ ಟಂಡನ್, ರಾಷ್ಟ್ರಧ್ವಜವನ್ನು ಹಾರಿಸುವ ಮೂಲಕ ದೇಶಪ್ರೇಮ ಮೆರೆದಿದ್ದಾರೆ. ಧ್ವಜಾರೋಹಣಕ್ಕೂ ಮುನ್ನ ಅವರು ತೆಂಗಿನಕಾಯಿ ಒಡೆದು, ಅದರ ನೀರನ್ನು ಧ್ವಜಸ್ತಂಭದ ಬಳಿ ಪ್ರೋಕ್ಷಣೆ ಮಾಡುವ ಮೂಲಕ ಭಾರತೀಯ ಸಾಂಪ್ರದಾಯಿಕ ವಿಧಿ-ವಿಧಾನಗಳನ್ನು ನೆರವೇರಿಸಿದರು. ಯಾವುದೇ ಶುಭ ಕಾರ್ಯ ಅಥವಾ ಪ್ರಮುಖ ಘಟನೆಗಳಿಗೂ ಮುನ್ನ ಪೂಜೆ ಸಲ್ಲಿಕೆ ಮಾಡುವ ಅಭ್ಯಾಸವಿಟ್ಟುಕೊಂಡಿರುವ ರವೀನಾ, ರಾಷ್ಟ್ರೀಯ ಹಬ್ಬದ ಸನ್ನಿವೇಶದಲ್ಲೂ ತಮ್ಮ ಆಚಾರ-ವಿಚಾರಗಳನ್ನು ಮರೆಯದೇ ನೆರವೇರಿಸಿ ಸೈ ಎನಿಸಿಕೊಂಡಿದ್ದಾರೆ.

ಈ ವಿಶೇಷ ಸಮಾರಂಭಕ್ಕೆ ಅವರು ಧರಿಸಿದ್ದ ನೀಲಿ ಬಣ್ಣದ ಅನಾರ್ಕಲಿ ಉಡುಪು, ಸರಳ ವಿನ್ಯಾಸದ ಆಭರಣಗಳು ಹಾಗೂ ನೈಸರ್ಗಿಕ ಶೈಲಿಯ ಮೇಕಪ್ ಅವರ ಕಳೆ ಹೆಚ್ಚಿಸಿತ್ತು. ಅವರ ಈ ವೀಡಿಯೋ ಹಾಗೂ ಫೋಟೋಗಳು ಪ್ರಸ್ತುತ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.

ಮುಖ್ಯಮಂತ್ರಿ ವಿಜಯ್ ಜೊತೆ ಕಾಣಿಸಿಕೊಂಡ ನಟಿ ತ್ರಿಷಾ: ಮತ್ತೊಂದೆಡೆ, ತಮಿಳುನಾಡಿನಲ್ಲಿ ನಡೆದ ಸ್ವಾತಂತ್ರ್ಯ ದಿನಾಚರಣೆಯ ಕಾರ್ಯಕ್ರಮದಲ್ಲಿ ಸೌತ್ ನಟಿ ತ್ರಿಷಾ ಕೃಷ್ಣನ್ ಭಾಗವಹಿಸಿದ್ದರು. ತಮಿಳುನಾಡು ಮುಖ್ಯಮಂತ್ರಿ ವಿಜಯ್ ಹಾಗೂ ಅವರ ಕುಟುಂಬದವರ ಜೊತೆಯಲ್ಲಿ ಕಾಣಿಸಿಕೊಂಡ ತ್ರಿಷಾ, ಕಾರ್ಯಕ್ರಮಕ್ಕೆ ಕಂಟ್ರಿ-ಸೈಡ್ ಕೇಸರಿ ಬಣ್ಣದ ಸೀರೆಯನ್ನು ಉಟ್ಟು ಭಾರತೀಯ ನಾರಿಯಂತೆ ಆಗಮಿಸಿದ್ದರು. ಧ್ವಜಾರೋಹಣ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ರಾಷ್ಟ್ರಕ್ಕೆ ತಮ್ಮದೇ ರೀತಿಯಲ್ಲಿ ಗೌರವ ಸಲ್ಲಿಸಿದರು.

Raveena Tandon Celebrates Independence Day With Kids 🇮🇳😍#raveenatandon #independenceday #filmibeat pic.twitter.com/llIzQVIVYv

— FilmiBeat (@filmibeat) August 15, 2026

Raveena Tandon & Rudra Foundation join forces with Expansion Digital under ‘Educate With Expansion’ initiative to celebrate 80th Independence Day 🇮🇳@TandonRaveena@TheRudraFdn#80thindependenceday pic.twitter.com/UBWmDzPw8Q

— Expansion AI/PR/Digital/Marketing (@expansionpr) August 15, 2026