ಬೆಂಗಳೂರು: ಉದಯಪುರದ ಅರಮನೆಯಲ್ಲಿ ಅದ್ಧೂರಿಯಾಗಿ ಹಸೆಮಣೆ ಏರಿದ ಪವರ್ ಕಪಲ್ ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಈಗ ಹೈದರಾಬಾದ್ನಲ್ಲಿ ಅಡಿಯಿಟ್ಟಿದ್ದಾರೆ. ಫೆಬ್ರವರಿ 26 ರಂದು ನಡೆದ ತಮ್ಮ ಕನಸಿನ ವಿವಾಹದ ನಂತರ ಹೈದರಾಬಾದ್ನಲ್ಲಿ ನಡೆಯಲಿರುವ ಗ್ರ್ಯಾಂಡ್ ರಿಸೆಪ್ಷನ್ ಅಲ್ಲಿ ಈ ನವಜೋಡಿ ಮಾಧ್ಯಮಗಳ ಮುಂದೆ ಕಾಣಿಸಿಕೊಂಡರು. ಆದರೆ ಅಲ್ಲಿ ಎಲ್ಲರ ಕಣ್ಣು ನೆಟ್ಟಿದ್ದು ರಶ್ಮಿಕಾ ಮಂದಣ್ಣ ಅವರ ಸಿಂಪಲ್ ಅಂಡ್ ಎಲಿಗಂಟ್ ಲುಕ್ ಮೇಲೆ
ಸರಳ ಸೀರೆಯಲ್ಲಿ ಮಿರಮಿರ ಮಿಂಚಿದ ವಧು ರಶ್ಮಿಕಾ
ಸಾಮಾನ್ಯವಾಗಿ ಲಕ್ಷಾಂತರ ರೂಪಾಯಿ ಮೌಲ್ಯದ ಡಿಸೈನರ್ ಉಡುಪುಗಳನ್ನು ಧರಿಸುವ ರಶ್ಮಿಕಾ, ಈ ಬಾರಿ ತೀರಾ ಬಜೆಟ್ ಸ್ನೇಹಿ ಸೀರೆಯನ್ನು ಉಟ್ಟು ಅಚ್ಚರಿ ಮೂಡಿಸಿದರು. ಸುತ ಬಾಂಬೆ ಬ್ರ್ಯಾಂಡ್ನ ಈ ತಿಳಿ ಕಿತ್ತಳೆ ಬಣ್ಣದ (Peach-Orange) ಮುಲ್ಮುಲ್ ಕಾಟನ್ ಸೀರೆಯಲ್ಲಿ ಅವರು ಅದ್ಭುತವಾಗಿ ಕಾಣುತ್ತಿದ್ದರು.
ವಿಶೇಷವೇನು ಗೊತ್ತಾ?:
ಈ ಸೀರೆಯ ಬೆಲೆ ಕೇವಲ ₹3,450 ರೂಪಾಯಿ ಮಾತ್ರ ಸ್ಟಾರ್ ನಟಿಯಾಗಿದ್ದರೂ ಇಷ್ಟೊಂದು ಸರಳ ಉಡುಪು ಆಯ್ದುಕೊಂಡ ರಶ್ಮಿಕಾ ನಡೆಗೆ ನೆಟ್ಟಿಗರು ಮೆಚ್ಚುಗೆ ಸೂಚಿಸುತ್ತಿದ್ದಾರೆ.
ಸೀರೆಯಲ್ಲಿದ್ದ ಸೂಕ್ಷ್ಮವಾದ ಸೀಕ್ವಿನ್ ಮತ್ತು ಕುಚ್ಚುಗಳ (Tassels) ವಿನ್ಯಾಸಕ್ಕೆ ಸಾಟಿಯಾಗುವಂತೆ ಸಾಸಿವೆ ಹಳದಿ ಬಣ್ಣದ ಬ್ಲೌಸ್ ಧರಿಸಿದ್ದರು.
ಉಡುಪು ಸಿಂಪಲ್ ಆಗಿದ್ದರೂ, ಸಾಂಪ್ರದಾಯಿಕ ಚಿನ್ನದ ಹಾರಗಳು, ಭಾರಿ ಜುಮುಕಿ ಮತ್ತು ಬಳೆಗಳನ್ನು ಧರಿಸಿ ವಧುವಿನ ಕಳೆಯನ್ನು ಹೆಚ್ಚಿಸಿಕೊಂಡಿದ್ದರು. ಹೂವು ಮುಡಿದ ಜುಟ್ಟು ಮತ್ತು ಮಿನಿಮಲ್ ಮೇಕಪ್ ಅವರ ಸೌಂದರ್ಯಕ್ಕೆ ಮೆರುಗು ನೀಡಿತ್ತು.
https://www.instagram.com/reel/DVdaCCikTK0/?utm_source=ig_web_copy_link&igsh=NTc4MTIwNjQ2YQ==
ಕ್ಲಾಸಿಕ್ ಹಳದಿ ಕುರ್ತಾದಲ್ಲಿ ಮಿಂಚಿದ ರೌಡಿ ವಿಜಯ್
ಪತ್ನಿ ರಶ್ಮಿಕಾ ಅವರಿಗೆ ಪೈಪೋಟಿ ನೀಡುವಂತೆ ವಿಜಯ್ ದೇವರಕೊಂಡ ಅವರು ಕ್ಲಾಸಿಕ್ ಹಳದಿ ಬಣ್ಣದ ಎಂಬ್ರಾಯ್ಡರಿ ಕುರ್ತಾ ಮತ್ತು ಬಿಳಿ ಪೈಜಾಮದಲ್ಲಿ ಮಿಂಚಿದರು. ಸಾಂಪ್ರದಾಯಿಕ ಜುಟ್ಟಿಗಳು ಮತ್ತು ನೀಟಾಗಿ ಬಾಚಿದ ಕೂದಲಿನೊಂದಿಗೆ ವಿಜಯ್ ಅತ್ಯಂತ ಹ್ಯಾಂಡ್ಸಮ್ ಆಗಿ ಕಾಣುತ್ತಿದ್ದರು.
ಫ್ಯಾಷನ್ ಎಂದರೆ ಕೇವಲ ದುಬಾರಿ ಬಟ್ಟೆಗಳಲ್ಲ, ಅದು ನಮ್ಮ ವ್ಯಕ್ತಿತ್ವದ ಪ್ರತಿಬಿಂಬ ಎಂದು ರಶ್ಮಿಕಾ ಮತ್ತೊಮ್ಮೆ ನಿರೂಪಿಸಿದ್ದಾರೆ. ಕೋಟ್ಯಧಿಪತಿ ನಟಿಯಾಗಿದ್ದರೂ ₹3,500 ರೂಪಾಯಿಯ ಸೀರೆಯಲ್ಲಿ ಮಿಂಚಿ ಸಿನಿರಂಗದ ಹೊಸ ಟ್ರೆಂಡ್ ಸೆಟ್ ಮಾಡಿದ್ದಾರೆ
