ಪ್ರತಿ ವರ್ಷದಂತೆ ಈ ಬಾರಿಯೂ ಏಪ್ರಿಲ್ 1 ಕೇವಲ ಕ್ಯಾಲೆಂಡರ್ ದಿನಾಂಕದ ಬದಲಾವಣೆಯಲ್ಲ, ಬದಲಾಗಿ ಭಾರತೀಯ ಆರ್ಥಿಕ ವ್ಯವಸ್ಥೆಯಲ್ಲಿ ಹೊಸ ಯುಗದ ಆರಂಭ! 2026ರ ಏಪ್ರಿಲ್ 1 ರಿಂದ ಕೇಂದ್ರ ಮತ್ತು ವಿವಿಧ ರಾಜ್ಯ ಸರ್ಕಾರಗಳು ಸಾರ್ವಜನಿಕರ ಜೇಬಿನ ಮೇಲೆ ನೇರ ಪರಿಣಾಮ ಬೀರುವ 15 ಪ್ರಮುಖ ನಿಯಮಗಳನ್ನು ಜಾರಿಗೆ ತರುತ್ತಿವೆ. 64 ವರ್ಷಗಳ ಹಳೆಯ ಆದಾಯ ತೆರಿಗೆ ಕಾಯ್ದೆಯ ಬದಲಾವಣೆಯಿಂದ ಹಿಡಿದು, ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ನಗದು ಪಾವತಿ ರದ್ದತಿಯವರೆಗೆ ಹಲವು ಕ್ರಾಂತಿಕಾರಿ ಬದಲಾವಣೆಗಳು ಇಂದಿನಿಂದ ಜಾರಿಯಾಗಲಿವೆ.
ಹೊಸ ಹಣಕಾಸು ವರ್ಷ (2026-27) ಆರಂಭವಾಗುತ್ತಿದ್ದಂತೆ, ಸಾಮಾನ್ಯ ಜನರ ದೈನಂದಿನ ಜೀವನ ಮತ್ತು ಆರ್ಥಿಕ ವಹಿವಾಟುಗಳ ಮೇಲೆ ಪರಿಣಾಮ ಬೀರುವ ಹಲವು ಪ್ರಮುಖ ಬದಲಾವಣೆಗಳು ಜಾರಿಗೆ ಬರಲಿವೆ. ಆ ಪ್ರಮುಖ ಬದಲಾವಣೆಗಳ ವಿವರ ಇಲ್ಲಿದೆ.
ಆದಾಯ ತೆರಿಗೆ ನಿಯಮಗಳಲ್ಲಿ ಬದಲಾವಣೆ (Income Tax Changes):
ಹೊಸ ತೆರಿಗೆ ಪದ್ಧತಿಯಲ್ಲಿ (New Tax Regime) ಕೆಲವು ಬದಲಾವಣೆಗಳನ್ನು ನಿರೀಕ್ಷಿಸಲಾಗಿದೆ. ತೆರಿಗೆ ವಿನಾಯಿತಿ ಮಿತಿ ಅಥವಾ ಸ್ಟ್ಯಾಂಡರ್ಡ್ ಡಿಡಕ್ಷನ್ನಲ್ಲಿನ ಬದಲಾವಣೆಗಳು ಮಧ್ಯಮ ವರ್ಗದವರ ಉಳಿತಾಯದ ಮೇಲೆ ಪ್ರಭಾವ ಬೀರಲಿವೆ.
LPG ಸಿಲಿಂಡರ್ ಬೆಲೆ (LPG Cylinder Price):
ಪ್ರತಿ ತಿಂಗಳ ಮೊದಲ ದಿನದಂತೆ, ಏಪ್ರಿಲ್ 1 ರಂದು ತೈಲ ಕಂಪನಿಗಳು ಅಡುಗೆ ಅನಿಲದ (LPG) ಬೆಲೆಯನ್ನು ಪರಿಷ್ಕರಿಸಲಿವೆ. ಅಂತರಾಷ್ಟ್ರೀಯ ಮಾರುಕಟ್ಟೆಯ ಏರಿಳಿತಕ್ಕೆ ಅನುಗುಣವಾಗಿ
ಔಷಧಗಳ ಬೆಲೆ ಏರಿಕೆ (Medicine Price Hike):
ಅಗತ್ಯ ಔಷಧಗಳ ರಾಷ್ಟ್ರೀಯ ಪಟ್ಟಿಯಲ್ಲಿರುವ (NLEM) ಸುಮಾರು 800 ಕ್ಕೂ ಹೆಚ್ಚು ಜೀವರಕ್ಷಕ ಔಷಧಗಳ ಬೆಲೆಯಲ್ಲಿ ಏರಿಕೆಯಾಗುವ ಸಾಧ್ಯತೆಯಿದೆ. ನೋವು ನಿವಾರಕಗಳು, ಆ್ಯಂಟಿಬಯೋಟಿಕ್ಸ್ ಮತ್ತು ಸೋಂಕು ನಿವಾರಕ ಔಷಧಗಳ ಬೆಲೆ ಶೇ. 10 ರವರೆಗೆ ಹೆಚ್ಚಾಗಬಹುದು.
ಎನ್ಪಿಎಸ್ (NPS) ಲಾಗಿನ್ ನಿಯಮ:
ನ್ಯಾಷನಲ್ ಪೆನ್ಷನ್ ಸಿಸ್ಟಮ್ (NPS) ಖಾತೆದಾರರಿಗೆ ಭದ್ರತೆಯನ್ನು ಹೆಚ್ಚಿಸಲು ‘ಟೂ-ಫ್ಯಾಕ್ಟರ್ ಅಥೆಂಟಿಕೇಶನ್’ (2FA) ಕಡ್ಡಾಯವಾಗಲಿದೆ. ಆಧಾರ್ ಆಧಾರಿತ ಲಾಗಿನ್ ವ್ಯವಸ್ಥೆಯು ಏಪ್ರಿಲ್ 1 ರಿಂದ ಜಾರಿಗೆ ಬರಲಿದೆ.
ಕ್ರೆಡಿಟ್ ಕಾರ್ಡ್ ನಿಯಮಗಳು (Credit Card Rules):
ಹಲವು ಪ್ರಮುಖ ಬ್ಯಾಂಕ್ಗಳು ತಮ್ಮ ಕ್ರೆಡಿಟ್ ಕಾರ್ಡ್ಗಳ ರಿವಾರ್ಡ್ ಪಾಯಿಂಟ್ಸ್ ಮತ್ತು ಲೌಂಜ್ ಆಕ್ಸೆಸ್ (Lounge Access) ನಿಯಮಗಳನ್ನು ಬದಲಾಯಿಸುತ್ತಿವೆ. ಇದು ಕಾರ್ಡ್ ಬಳಕೆದಾರರ ಮಾಸಿಕ ವೆಚ್ಚದ ಮೇಲೆ ಪರಿಣಾಮ ಬೀರಬಹುದು.
‘ಅಸೆಸ್ಮೆಂಟ್ ಇಯರ್’ಗೆ ಗುಡ್ಬೈ, ಇನ್ನು ಮುಂದೆ ಕೇವಲ ‘ಟ್ಯಾಕ್ಸ್ ಇಯರ್’!
ಹಳೆಯ ತೆರಿಗೆ ಪದ್ಧತಿಯಲ್ಲಿ ಅತ್ಯಂತ ಗೊಂದಲಕ್ಕೀಡು ಮಾಡುತ್ತಿದ್ದ ವಿಷಯವೆಂದರೆ ‘ಹಿಂದಿನ ವರ್ಷ’ (Previous Year) ಅಂದರೆ ಆದಾಯ ಗಳಿಸಿದ ವರ್ಷ ಮತ್ತು ‘ಅಸೆಸ್ಮೆಂಟ್ ಇಯರ್’ (Assessment Year) ಅಂದರೆ ರಿಟರ್ನ್ಸ್ ಸಲ್ಲಿಸಿ ತೆರಿಗೆಯನ್ನು ಮೌಲ್ಯೀಕರಿಸುವ ವರ್ಷದ ನಡುವಿನ ವ್ಯತ್ಯಾಸ. ಈ ಎರಡು ವರ್ಷಗಳ ನಡುವಿನ ಗೊಂದಲವು ಸಾಮಾನ್ಯ ತೆರಿಗೆದಾರರಲ್ಲಿ ಯಾವಾಗಲೂ ಗೊಂದಲ ಮೂಡಿಸುತ್ತಿತ್ತು.
ಆದರೆ, ನೂತನ ಆದಾಯ ತೆರಿಗೆ ಕಾಯ್ದೆಯು ಈ ಎರಡೂ ಪದಗಳನ್ನು ತೆಗೆದುಹಾಕಿದ್ದು, ಇವೆಲ್ಲದರ ಬದಲಿಗೆ ‘ಟ್ಯಾಕ್ಸ್ ಇಯರ್’ (Tax Year) ಎಂಬ ಒಂದೇ ಸರಳ ಪರಿಕಲ್ಪನೆಯನ್ನು ಪರಿಚಯಿಸಿದೆ.
ಹೊಸ ಬದಲಾವಣೆ ಏನು? ಇನ್ಮುಂದೆ, ನೀವು ಏಪ್ರಿಲ್ 1, 2026 ರಿಂದ ಮಾರ್ಚ್ 31, 2027 ರ ನಡುವೆ ಗಳಿಸಿದ ಆದಾಯವನ್ನು ಸರಳವಾಗಿ ‘ಟ್ಯಾಕ್ಸ್ ಇಯರ್ 2026-27’ ಎಂದು ಕರೆಯಲಾಗುತ್ತದೆ. ನೀವು ಇದೇ ವರ್ಷದಲ್ಲಿ ನಿಮ್ಮ ತೆರಿಗೆ ರಿಟರ್ನ್ಸ್ ಅನ್ನು ಕೂಡ ಸಲ್ಲಿಸುತ್ತೀರಿ. ಅಂದರೆ, ಯಾವ ವರ್ಷಕ್ಕೆ ಯಾವ ಲೆಕ್ಕ ಎಂದು ತಲೆಕೆಡಿಸಿಕೊಳ್ಳುವ ಅವಶ್ಯಕತೆ ಇನ್ನು ಮುಂದೆ ಇರುವುದಿಲ್ಲ.
ವಿಮಾ ಪ್ರೀಮಿಯಂ ಮತ್ತು ಪಾಲಿಸಿಗಳು:
ವಿಮಾ ಕ್ಷೇತ್ರದಲ್ಲಿ ಹೊಸ ನಿಯಮಗಳು ಜಾರಿಗೆ ಬರಲಿದ್ದು, ಪಾಲಿಸಿ ಸರಂಡರ್ ಮೌಲ್ಯ ಮತ್ತು ಹೊಸ ಪ್ರೀಮಿಯಂ ದರಗಳಲ್ಲಿ ವ್ಯತ್ಯಾಸವಾಗುವ ಸಾಧ್ಯತೆಯಿದೆ.
ವಾಹನ ಖರೀದಿಗೆ ಪಾನ್: 5 ಲಕ್ಷಕ್ಕಿಂತ ಹೆಚ್ಚಿನ ಬೆಲೆಯ ಕಾರು ಅಥವಾ ಪ್ರೀಮಿಯಂ ಬೈಕ್ ಖರೀದಿಗೆ ಮಾತ್ರ ಪಾನ್ ಕಾರ್ಡ್ ಕಡ್ಡಾಯ.
ಟೋಲ್ ಪ್ಲಾಜಾಗಳಲ್ಲಿ ನಗದು ಬಂದ್: ಏಪ್ರಿಲ್ 1 ರಿಂದ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ನಗದು ಪಾವತಿ ಇರುವುದಿಲ್ಲ. ಕೇವಲ ಫಾಸ್ಟ್ಟ್ಯಾಗ್ ಅಥವಾ UPI ಮೂಲಕ ಮಾತ್ರ ಪಾವತಿಗೆ ಅವಕಾಶ.
ವಿದೇಶಿ ಪ್ರವಾಸ ಅಗ್ಗ: ವಿದೇಶಿ ಪ್ರವಾಸದ ಪ್ಯಾಕೇಜ್ಗಳ ಮೇಲಿನ TCS ದರವನ್ನು 5% ಮತ್ತು 20% ರಿಂದ ನೇರವಾಗಿ 2%ಕ್ಕೆ ಇಳಿಸಲಾಗಿದೆ.
ಪಾನ್ ಮಸಾಲ ದುಬಾರಿ: ಇವುಗಳ ಮೇಲೆ ಹೆಚ್ಚುವರಿ ಸುಂಕ ಮತ್ತು ಸೆಸ್ ವಿಧಿಸಿರುವುದರಿಂದ ಬೆಲೆ ಏರಿಕೆಯಾಗಲಿದೆ.
ಕನಿಷ್ಠ ವೇತನ ಮತ್ತು ಪಿಂಚಣಿ : ರಾಜಸ್ಥಾನದಲ್ಲಿ ಹೊಸ ವೇತನ ನಿಯಮ ಮತ್ತು ಮಧ್ಯಪ್ರದೇಶದಲ್ಲಿ ಹೊಸ ಫ್ಯಾಮಿಲಿ ಪಿಂಚಣಿ ಯೋಜನೆ ಜಾರಿಗೆ ಬರಲಿದೆ.
ಪಾನ್ (PAN) ಕಾರ್ಡ್ ಕಡ್ಡಾಯ: ವರ್ಷಕ್ಕೆ 10 ಲಕ್ಷಕ್ಕಿಂತ ಹೆಚ್ಚು ಹಣದ ವಹಿವಾಟಿಗೆ ಪಾನ್ ಕಡ್ಡಾಯ. ಆಸ್ತಿ ಖರೀದಿ ಮಿತಿಯನ್ನು 10 ಲಕ್ಷದಿಂದ 20 ಲಕ್ಷಕ್ಕೆ ಏರಿಸಲಾಗಿದೆ.
ಷೇರು ಮಾರುಕಟ್ಟೆ (F&O) ದುಬಾರಿ: ಫ್ಯೂಚರ್ಸ್ ಮತ್ತು ಆಪ್ಷನ್ಸ್ ಟ್ರೇಡಿಂಗ್ ಮೇಲಿನ STT (ಸೆಕ್ಯುರಿಟಿ ಟ್ರಾನ್ಸಾಕ್ಷನ್ ಟ್ಯಾಕ್ಸ್) ಅನ್ನು ಹೆಚ್ಚಿಸಲಾಗಿದೆ.
ಸಾವರಿನ್ ಗೋಲ್ಡ್ ಬಾಂಡ್ (SGB): ಇನ್ಮುಂದೆ ಸರ್ಕಾರದಿಂದ ನೇರವಾಗಿ ಖರೀದಿಸಿದ ಬಾಂಡ್ಗಳಿಗೆ ಮಾತ್ರ ತೆರಿಗೆ ವಿನಾಯಿತಿ ಸಿಗಲಿದೆ. ಸೆಕೆಂಡರಿ ಮಾರ್ಕೆಟ್ ಖರೀದಿಗೆ ಲಾಭದ ಮೇಲೆ ತೆರಿಗೆ ಅನ್ವಯವಾಗಲಿದೆ.
