ಸಣ್ಣ ಮೊತ್ತದ ದೈನಂದಿನ ಅಥವಾ ಮಾಸಿಕ ಉಳಿತಾಯದ ಮೂಲಕ ಭವಿಷ್ಯಕ್ಕಾಗಿ ದೊಡ್ಡ ನಿಧಿ ನಿರ್ಮಿಸಲು ಬಯಸುವ ಸಾರ್ವಜನಿಕರಿಗೆ ಭಾರತೀಯ ಅಂಚೆ ಇಲಾಖೆಯ ‘ಮರುಕಳಿಸುವ ಠೇವಣಿ’ ಯೋಜನೆ ಅತ್ಯುತ್ತಮ ಆಯ್ಕೆಯಾಗಿದೆ. ಷೇರು ಮಾರುಕಟ್ಟೆಯ ಯಾವುದೇ ಅಪಾಯವಿಲ್ಲದೆ ಕೇಂದ್ರ ಸರ್ಕಾರದ ಸಂಪೂರ್ಣ ಭರವಸೆಯೊಂದಿಗೆ ಸ್ಥಿರ ಆದಾಯ ನೀಡುವ ಈ ಯೋಜನೆಗೆ ಭಾರತದಲ್ಲಿ ಅಪಾರ ಬೇಡಿಕೆಯಿದೆ.ಪ್ರಸ್ತುತ ಅಂಚೆ ಕಚೇರಿಯ 5 ವರ್ಷಗಳ ಆರ್‌ಡಿ ಯೋಜನೆಗೆ ವಾರ್ಷಿಕ ಶೇ. 6.7 ರಷ್ಟು ಬಡ್ಡಿದರವನ್ನು (ತ್ರೈಮಾಸಿಕ ಸಂಯೋಜನೆ) ನೀಡಲಾಗುತ್ತಿದೆ.
ತಿಂಗಳಿಗೆ ₹2,000 ಹೂಡಿಕೆ: ಬಡ್ಡಿ ಮತ್ತು ಒಟ್ಟು ಆದಾಯದ ಲೆಕ್ಕಾಚಾರ
ನೀವು ಪೋಸ್ಟ್ ಆಫೀಸ್ ಆರ್‌ಡಿ ಖಾತೆಯಲ್ಲಿ ಪ್ರತಿ ತಿಂಗಳು ₹2,000 ಉಳಿತಾಯ ಮಾಡುತ್ತಾ ಬಂದರೆ, 5 ವರ್ಷಗಳ ಅವಧಿಯಲ್ಲಿ ನಿಮಗ ಸಿಗುವ ಸಂಪೂರ್ಣ ಆದಾಯದ ವಿವರ ಇಲ್ಲಿದೆ:
ಪೋಸ್ಟ್ ಆಫೀಸ್ ಆರ್‌ಡಿ (₹2,000 ಹೂಡಿಕೆ) ಆದಾಯದ ವಿವರಗಳು:
ಪ್ರತಿ ತಿಂಗಳ ಹೂಡಿಕೆ: ₹2,000
ಒಟ್ಟು ಹೂಡಿಕೆ ಅವಧಿ: 5 ವರ್ಷಗಳು (60 ತಿಂಗಳು)
ನಿಮ್ಮ ಒಟ್ಟು ಹೂಡಿಕೆ ಮೊತ್ತ: ₹1,20,000
ಸಿಗುವ ಅಂದಾಜು ಬಡ್ಡಿ (ಶೇ. 6.7 ರ ದರದಲ್ಲಿ): ₹22,732
ಅವಧಿ ಮುಗಿದಾಗ ಕೈಗೆ ಸಿಗುವ ಒಟ್ಟು ಮೊತ್ತ: ₹1,42,732
ಅರ್ಹತೆಗಳು: ಯಾರಿಗೆಲ್ಲಾ ಖಾತೆ ತೆರೆಯುವ ಅವಕಾಶವಿದೆ?
ಪ್ರತಿಯೊಬ್ಬ ಭಾರತೀಯ ನಾಗರಿಕ: ಯಾವುದೇ ವಯಸ್ಕ ಭಾರತೀಯ ನಾಗರಿಕನು ತನ್ನ ಹೆಸರಿನಲ್ಲಿ ಈ ಖಾತೆಯನ್ನು ತೆರೆಯಬಹುದು.
ಒಂದಕ್ಕಿಂತ ಹೆಚ್ಚು ಖಾತೆಗಳು: ಒಬ್ಬ ವ್ಯಕ್ತಿಯು ತನ್ನ ಹೆಸರಿನಲ್ಲಿ ಎಷ್ಟು ಬೇಕಾದರೂ ಆರ್‌ಡಿ ಖಾತೆಗಳನ್ನು ಹೊಂದಲು ಅವಕಾಶವಿದೆ.
ಮಕ್ಕಳ ಹೆಸರಿನಲ್ಲಿ ಖಾತೆ: ಹೆತ್ತವರು ತಮ್ಮ ಅಪ್ರಾಪ್ತ ಮಗು ಅಥವಾ ಹೆಣ್ಣು ಮಗುವಿನ ಹೆಸರಿನಲ್ಲಿ ಖಾತೆ ತೆರೆದು ಉಳಿತಾಯ ಆರಂಭಿಸಬಹುದು.
ಜಂಟಿ ಖಾತೆ : ಇಬ್ಬರು ವ್ಯಕ್ತಿಗಳು ಸೇರಿ ಜಂಟಿ ಖಾತೆಯಾಗಿಯೂ ಇದನ್ನು ನಿರ್ವಹಿಸಬಹುದು.
ಕೇವಲ ₹100 ರಿಂದ ಹೂಡಿಕೆ ಆರಂಭಿಸಿ
ಈ ಯೋಜನೆಯಲ್ಲಿ ಹೂಡಿಕೆ ಮಾಡಲು ದೊಡ್ಡ ಮೊತ್ತದ ಅಗತ್ಯವಿಲ್ಲ.
ಕನಿಷ್ಠ ಹೂಡಿಕೆ: ಪ್ರತಿ ತಿಂಗಳಿಗೆ ಕೇವಲ ₹100.
ಹೆಚ್ಚುವರಿ ಹೂಡಿಕೆ: ₹100 ರ ನಂತರ ₹10 ರ ಗುಣಕಗಳಲ್ಲಿ ಎಷ್ಟಾದರೂ ಠೇವಣಿ ಮಾಡಬಹುದು (ಉದಾಹರಣೆಗೆ ₹110, ₹150, ₹500, ಇತ್ಯಾದಿ).
ಗರಿಷ್ಠ ಮಿತಿ ಇಲ್ಲ: ಈ ಯೋಜನೆಯಲ್ಲಿ ಗರಿಷ್ಠ ಹೂಡಿಕೆಗೆ ಯಾವುದೇ ಮಿತಿ ನಿಗದಿಪಡಿಸಿಲ್ಲ
ತುರ್ತು ಪರಿಸ್ಥಿತಿಗೆ ಸಾಲ & ಅವಧಿಗೆ ಮುನ್ನ ಖಾತೆ ಮುಚ್ಚುವಿಕೆ
ಸಾಲದ ಸೌಲಭ್ಯ : ಆರ್‌ಡಿ ಖಾತೆ ಪ್ರಾರಂಭಿಸಿ 1 ವರ್ಷ ಪೂರೈಸಿದ ನಂತರ, ನಿಮ್ಮ ಖಾತೆಯಲ್ಲಿರುವ ಒಟ್ಟು ಠೇವಣಿ ಮೊತ್ತದ ಶೇ. 50 ರಷ್ಟು ಹಣವನ್ನು ಸಾಲವಾಗಿ ಪಡೆಯಬಹುದು. ಇದರಿಂದ ತುರ್ತು ಹಣದ ಅಗತ್ಯಕ್ಕೆ ಖಾತೆಯನ್ನು ಮುರಿಯುವ ಅಗತ್ಯವಿರುವುದಿಲ್ಲ.
ಪೂರ್ವಭಾವಿ ಮುಚ್ಚುವಿಕೆ : ಖಾತೆ ತೆರೆದ 3 ವರ್ಷಗಳ ನಂತರ ಕೆಲವು ನಿರ್ದಿಷ್ಟ ಷರತ್ತುಗಳಿಗೆ ಒಳಪಟ್ಟು ಅವಧಿಗೂ ಮುನ್ನವೇ ಖಾತೆಯನ್ನು ಮುಚ್ಚುವ ಸೌಲಭ್ಯವಿದೆ.
