ಸೋಶಿಯಲ್ ಮೀಡಿಯಾದಲ್ಲಿ ಬೆಂಗಳೂರಿನ ಟ್ರಾಫಿಕ್ಗಳ ಬಗ್ಗೆ, ಆಟೋ ಚಾಲಕರು ಮೀಟರ್ ಮೇಲೆ ಇನ್ನಷ್ಟು ದುಡ್ಡು ಹೇರುತ್ತಾರೆ ಎಂಬುದರ ಬಗ್ಗೆ ಹೀಗೆ ಸಾಕಷ್ಟು ವಿಚಾರಗಳ ಬಗ್ಗೆ ಆಗಾಗ ಚರ್ಚೆಯಾಗುತ್ತಲೇ ಇರುತ್ತೆ.
ಆದರೆ ಈ ಬಾರಿ ಬೇರೊಂದು ವಿಚಾರ ಸೋಶಿಯಲ್ ಮೀಡಿಯಾದಲ್ಲಿ ಸುದ್ದಿಯಲ್ಲಿದೆ. ಆಟೋ ಚಾಲಕನೊಬ್ಬ ತಾನು ಕುಳಿತುಕೊಳ್ಳುವ ಆಸನವನ್ನು ರೂಪಾಂತರಗೊಳಿಸಿದ್ದು ಇದರ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಸೌಂಡ್ ಮಾಡ್ತಿದೆ.
ಅನುಜ್ ಬನ್ಸಾಲ್ ಎಂಬವರು ಎಕ್ಸ್ನಲ್ಲಿ ಈ ಫೋಟೋವನ್ನ ಶೇರ್ ಮಾಡಿದ್ದಾರೆ. ಕಚೇರಿಗಳಲ್ಲಿ ಸಿಬ್ಬಂದಿ ಕುಳಿತುಕೊಳ್ಳಲು ಬಳಸುವ ಚೇರ್ನ ಮೇಲೆ ಕುಳಿತು ಆಟೋ ಚಾಲಕ ಆಟೋ ಓಡಿಸುತ್ತಿದ್ದಾರೆ.
ಆಟೋ ರಿಕ್ಷಾಗಳಲ್ಲಿ ಈ ರೀತಿಯ ಕುರ್ಚಿಗಳು ಇರೋದಿಲ್ಲ. ಹೆಚ್ಚುವರಿ ಸಮಯ ಕುಳಿತುಕೊಳ್ಳಲು ಆಟೋದ ಆಸನಗಳು ಸಾಥ್ ನೀಡದ ಕಾರಣ ಈ ಆಟೋ ಡ್ರೈವರ್ ಈ ರೀತಿಯ ಆಸನವನ್ನ ರೆಡಿ ಮಾಡ್ಕೊಂಡಿದ್ದಾರೆ.
ಈಗಾಗಲೇ ಈ ಆಟೋಡ್ರೈವರ್ನ ಹೊಸ ಸೀಟು 2 ಲಕ್ಷಕ್ಕೂ ಅಧಿಕ ವೀವ್ಸ್ ಹಾಗೂ 2834ಕ್ಕೂ ಅಧಿಕ ಲೈಕ್ಸ್ ಸಂಪಾದಿಸುವಲ್ಲಿ ಯಶಸ್ವಿಯಾಗಿದೆ. ಅನೇಕರು ಆಟೋ ಚಾಲಕನ ಬುದ್ಧಿವಂತಿಕೆಗೆ ಭಲೆ ಎಂದಿದ್ದಾರೆ. ಈ ಫೋಟೋ ವೈರಲ್ ಆದ ಬಳಿಕ ಅನೇಕ ಆಟೋ ಚಾಲಕರು ಇದೇ ಮಾರ್ಗವನ್ನ ಅನುಸರಿಸಿದ್ರೂ ಆಶ್ಚರ್ಯವಿಲ್ಲ.
Why should techbros have all the fun? 😏 pic.twitter.com/A5hnd0sDC8
— Anuj Bansal (@anuj63) September 22, 2023
