ಬೆಳಗಾವಿ: ಕಬ್ಬೂರ ಪಟ್ಟಣದ ಜೋಡೆತ್ತುಗಳು ಬರೋಬ್ಬರಿ 6.11 ಲಕ್ಷ ರೂಪಾಯಿಗೆ ಮಾರಾಟವಾಗಿವೆ. ಕಬ್ಬೂರ ಚಿಮ್ಮಟ ತೋಟದ ರೈತ ಮಹದೇವ ಗುರಪ್ಪ ಚಿಮ್ಮಟ ಅವರ ಮಾಲೀಕತ್ವದ ಜೋಡೆತ್ತುಗಳು ಇಷ್ಟೊಂದು ದುಬಾರಿ ಮೊತ್ತಕ್ಕೆ ಮಾರಾಟವಾಗಿದೆ.
ವಿವಿಧೆಡೆ ನಡೆದ ಕೃಷಿ ಮೇಳಗಳಲ್ಲಿ ಪ್ರದರ್ಶನಗೊಂಡಿದ್ದ ಈ ಜೋಡೆತ್ತುಗಳು ಹಲವಾರು ಪ್ರಶಸ್ತಿಗಳನ್ನು ಪಡೆದುಕೊಂಡಿವೆ. ಮಹಾರಾಷ್ಟ್ರದ ಪುಣೆ ಜಿಲ್ಲೆಯ ರವೀಂದ್ರ ತಾತ್ಯಾ ಕಾಕೊಂಡ್ರೆ ಎಂಬುವರು 6.11 ಲಕ್ಷ ರೂ.ಗಳನ್ನು ನೀಡಿ ಇವುಗಳನ್ನು ಖರೀದಿಸಿದ್ದಾರೆ.
ದಾಖಲೆಯ ಬೆಲೆಗೆ ಜೋಡೆತ್ತುಗಳು ಮಾರಾಟವಾಗಿದ್ದರಿಂದ ಕಬ್ಬೂರ ಪಟ್ಟಣದ ಪ್ರಮುಖ ರಸ್ತೆಗಳಲ್ಲಿ ಮೆರವಣಿಗೆ ಮಾಡಿ ಎತ್ತುಗಳನ್ನು ಬೀಳ್ಕೊಡಲಾಗಿದೆ.
